မိူဝ်ႈၼႆႉ ဝၼ်းတီႈ 7/1/2020 ယၢမ်းၵၢင်ဝၼ်းမွၵ်ႈ 11 မူင်းၶိုင်ႈၼႆႉ ၾႆးမႆႈႁိူၼ်းၵူၼ်းဝၢၼ်ႈ တီႈပွၵ်ႉၵၢၼ်ႇဢွၵ်ႉ (ကံအောက် ရပ်ကွက်) ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း မီးၵူၼ်းလႆႈလူႉတၢႆၸွမ်း 1 ၵေႃႉ။
ၼၢင်းမွၵ်ႇမူဝ်ႁဵဝ်းၶမ်း ၽူႈသိုဝ်ႇၶၢဝ်ႇ ၸုမ်းၶၢဝ်ႇၽူႈတွႆႇႁွၵ်ႈႁၢႆးငၢၼ်းလၢတ်ႈၼႄဝႃႈ “ၸႂ်ႈၶႃႈဢေႃႈ ၾႆးမႆႈႁိူၼ်းၵူၼ်းဝၢၼ်ႈ တီႈပွၵ်ႉ ၵၢၼ်ႇဢွၵ်ႉၼၼ်ႉ လင်ၼိုင်ႈၶႃႈ မႆႈပႃးၵူၼ်းၼႂ်းႁိူၼ်း ပဵၼ်ၽူႈၸၢႆးၵေႃႉၼိုင်ႈ။ ယွၼ်ႉသင်လႄႈမႆႈ ဢၼ်ဝႃႈ ၼၼ်ႉ ပႆႇလႆႈ ႁူႉၵႂၢမ်းတွပ်ႇ၊ ယဝ်ႉၵေႃႈ ၶူဝ်းၶွင်ဢၼ်လႆႈလူႉသုမ်းၵႂႃႇတင်းမူတ်း မႅၼ်ႈၵႃႈႁိုဝ်ၵေႃႈ ပႆႇလႆႈႁူႉၶႃႈ” ဝႃႈၼႆ။
ၵဵဝ်ႇၵပ်းလွင်ႈၼႆႉ ယူႇတီႈပီႈၼွင်ႉၵူၼ်းႁိမ်းႁွမ်းလႄႈ ၸဝ်ႈၼႃႈတီႈၾၢႆႇၶႄၾႆးၶဝ် လႆႈႁူမ်ႈၵၼ်ၸွႆႈၶႄႁူတ်းၾႆးမွတ်ႇၵႂႃႇ ဝႃႈၼႆ။
ႁိူၼ်းၵူၼ်းဝၢၼ်ႈ ဢၼ်ၺႃးၾႆးမႆႈၼႆႉ ပဵၼ်ႁိူၼ်း တေႃႇပီႇတႃႇ ဢႃယု 40 ပီ။ ၵေႃႉၺႃးၾႆးမႆႈသေ လႆႈလူႉတၢႆၵႂႃႇၼၼ်ႉ သမ်ႉ ၸိုဝ်ႈႁွင်ႉ ၵူဝ်ႇသူႇရိယ ဢႃယု 30 ပီ သိုဝ်ႇၶၢဝ်ႇသူၺ်ႇတလိၵၢၼ်ႇတေႇတႃႉဢွၵ်ႇဝႆႉၼင်ႇၼႆ။
ပီၼႆႉ ပႆႇၶဝ်ႈၶၢဝ်းမႆႈသေတႃႉ ႁႅင်ႈႁွင်၊ လူမ်းမႆႈႁႅင်းသေဢမ်ႇၵႃး လူမ်းပဝ်ႇလႄႈ တေလႆႈၾၢင်ႉၽေးၾႆးဝႆႉ ၵူၼ်းထဝ်ႈဝဵင်း တူၼ်ႈတီးၾၢင်ႉတိူၼ်းမွၵ်ႇလၢတ်ႈၼင်ႇၼႆ။