ၾႆးမႆႈႁိူၼ်းၵူၼ်းဝၢၼ်ႈ လင်ၼိုင်ႈ တီႈပွၵ်ႉ 4 ဝဵင်းၵဵင်းတုင် လွင်ႈမၢတ်ႇၸဵပ်း လူႉတၢႆဢမ်ႇမီး ဝႃႈၼႆ။

ဝၼ်းတီႈ 05/05/2019 ယၢမ်းၵၢင်ၼႂ်ၸဝ်ႉ မွၵ်ႈ 5 မူင်းၼၼ်ႉ ၾႆႈမႆႈႁိူၼ်း လုင်းၸၢႆးယီႈသႅင် ဝၢၼ်ႈပႃႇမၢၼ်ႈ ပွၵ်ႉတႂ်ႈ/ ပွၵ်ႉ 4 ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း ယွၼ်ႉၾႆးၾႃႉသျွတ်ႉ ဝႃႈၼႆ။

ၸၢႆးသၢမ် ၵူၼ်းၵဵင်းတုင် လၢတ်ႈတီႈၽူႈတွႆႇႁွၵ်ႈဝႃႈ “ၾႆးၾႃႉသျွတ်ႉၼႆဝႃႇ။ ၶဝ်တေဢမ်ႇပိၵ်ႉၼဵၼ်ၾႆးဝႆႉႁႃႉၵေႃႈ ဢမ်ႇႁူႉ ၽိူဝ်ႇၾႆးၾႃႉမႃးၵေႃႈ ဢဝ်ၾႆးသျွတ်ႉသေမႆႈၵႂႃႇ လႆႈႁူႉငိၼ်းဝႆႉၶဝ်လၢတ်ႈၸိူင်ႉၼၼ်။ မိူဝ်ႈၽွင်းၾႆးမႆႈၼၼ်ႉ လုၵ်ႈၶဝ် သမ်ႉ ဢမ်ႇမီးႁိူၼ်း ဢွၼ်ၵၼ်ၵႂႃႇၶၢႆၶူဝ်းတီႈ ၼႂ်းၵၢတ်ႇမူတ်း” ဝႃႈၼႆ။

သိုပ်ႇလၢတ်ႈဝႃႈ “ၶၢဝ်းၼႆႉ ပဵၼ်ၶၢဝ်းမႆႈ လီဢွၼ်ၵၼ်ၾၢင်ႉသတိၵၼ်တႄႉတႄႉ ယႃႇယူႇမဝ်မၢင်။ ၵွၼ်ႇတေလပ်းတေ ၼွၼ်း ၵေႃႈ ၵူတ်ႇထတ်းတူၺ်းၽွင်ႈ လွင်ႈၽိုၼ်း လွင်ႈၾႆး ဢၼ်သႂ်ႇၾႆးၽိုၼ်းဝႆႉ ၸိူဝ်းၼၼ်ႉ ၸွင်ႇၾႆးမွတ်ႇဢမ်ႇမွတ်ႇ။ ၾႆး ၾႃႉၵေႃႈ မိူၼ်ၵၼ် ၵူတ်ႇထတ်းပၼ် ၸွင်ႇႁဝ်းပိၵ်ႉၼဵၼ်(ၶလူတ်ႉ) မၼ်းယဝ်ႉႁႃႉ ၸိူဝ်းၼႆႉ။ ပေႃးပဵၼ်မႃးတႄႉ ၵမ်း ၼိုင်ႈ ၵူၺ်း ၽေးဢၼ်ဝႃႈၼၼ်ႉ” ဝႃႈၼႆ။

တီႈသိုဝ်ႇၶၢဝ်ႇ တႃႈၶီႈလဵၵ်းတႄႉ ဢွၵ်ႇဝႆႉဝႃႈ ယွၼ်ႉၸဝ်ႈႁိူၼ်း သႂၢင်းႁႅင်းၾူၼ်းသေ မႆႈႁႅင်းလႄႈ ၾႆးၸင်ႇလုၵ်ႉႁုပ်ႇ မႆႈ သျွတ်ႉ ၶိုၼ်ႈမႃး ဝႃႈၼႆ။

ၵဵဝ်ႇၵပ်းလွင်ႈၼႆႉ ယူႇတီႈၸဝ်ႈၼႃႈတီႈပလိၵ်ႈ လႆႈဢဝ်လိူင်ႈၸဝ်ႈႁိူၼ်း လုင်းယီႈသႅင် ဝႆႉတီႈႁူင်းပလိၵ်ႈၸႄႈဝဵင်းၵဵင်း တုင်ဝႆႉယဝ်ႉ ဝႃႈၼႆ။