ၾႆးမႆႈႁိူၼ်းၵူၼ်းဝၢၼ်ႈၽႃဢိင်း ၸႄႈဝဵင်းမိူင်းသၢတ်ႇ လင်ၼိုင်ႈ လွင်ႈတုမ်ႉတိူဝ်ႉၵူၼ်း မၢတ်ႇၸဵပ်းလူႉတၢႆ ဢမ်ႇမီး။
ဝၼ်းတီႈ 2/11/2019 ယၢမ်းၵၢင်ဝၼ်း ၾႆးမႆႈႁိူၼ်းလုင်းၵျႃႇထေႃး တီႈဝၢၼ်ႈၽႃဢိင်း ဢိူင်ႇလွႆသဝ်ႇ ၸႄႈဝဵင်းမိူင်း သၢတ်ႇ ၸိုင်ႈတႆးပွတ်းဢွၵ်ႇၶူင်း။ လုၵ်ႉတီႈထႅမ်ႁႅင်းၾူၼ်းသေ ၾႆးၾႃႉသျွတ်ႉလၢမ်းမႆႈ ပႃးႁိူၼ်း ဝႃႈၼႆ။
ၵူၼ်းမိူင်းၵူၵ်း ဢႃယု မွၵ်ႈ 50 ပၢႆ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ ပဵၼ်ၵူၼ်းဝၢၼ်ႈ ႁဝ်းၶႃႈ တၢင်း ဝၢၼ်ႈၽႃဢိင်းၶႃႈ။ လွင်ႈတၢင်းၾႆးမႆႈတႄႉ ပဵၼ်ယွၼ်ႉသင်ဢၼ်ဝႃႈၼၼ်ႉ ဢမ်ႇလႆႈႁူႉတႅတ်ႈ တေႃးလီ။ ငိၼ်းဝႃႈတႄႉ ထႅမ်ႁႅင်းၾူၼ်းသေလၢမ်းမႆႈ” ဝႃႈၼႆ။
ဢိင်ၼိူဝ်လွင်ႈၾႆးမႆႈၼႆႉ ယူႇတီႈသိုဝ်ႇၶၢဝ်ႇ သူၺ်ႇတလိၵၼ်ႇ (ရွှေတြိဂံဒေသသတင်းလွှာ) ဢွၵ်ႇဝႆႉ ၶူဝ်းၶွင်ဢၼ်မႆႈပႃးၵႂႃႇ ၸွမ်းၼႂ်းၾႆးၼၼ်ႉတႄႉ လၢမ်းၶၢတ်ႇဝႆႉ တေတူၵ်းမွၵ်ႈၵဝ်ႈသႅၼ်ပျႃးပၢႆ။ ၼွၵ်ႈလိူဝ်ၼၼ်ႉ ယွၼ်ႉဝႃႈ လုင်းၵျႃႇထေႃးၼႆႉ ပဵၼ် ပီႇတူႉၸိတ်ႉ(ဌာနေပြည်သူ့စစ်) ဝႆႉသေ လႆႈမႆႈပႃးၵွင်ႈဢၼ်သိုၵ်းလူင်ပွင်ၸိုင်ႈမၢၼ်ႈ ထုၵ်ႈပၼ်ဝႆႉၼၼ်ႉ 2 လဝ်း ဝႃႈ ၼႆ။
ၵဵဝ်ႇၵပ်းလွင်ႈၼႆႉ ယူႇတီႈၵူၼ်းဝၢၼ်ႈ ၽူႈမီးပုၼ်ႈၽွၼ်းၶဝ် ဢွၼ်ၵၼ်ၸွႆႈၶႄၾႆးႁူတ်းၾႆးမွတ်ႇ ၵႂႃႇၶၢဝ်းယၢမ်းႁိုင်မွၵ်ႈႁိမ်း 1 ၸူဝ်ႈမူင်း ဝႃႈၼႆ။
တေႃႈလဵဝ် ယူႇတီႈပလိၵ်ႈ လႆႈပိုတ်ႇလိူင်ႈၸဝ်ႈၶွင်ႁိူၼ်း လုင်းၵျႃႇထေႃး ဢႃယု 60 ပီ လူၺ်ႈမၢႆမီႈမတ်ႉတႃ 285 ဝႆႉမဝ်မၢင်ၾႆး တီႈႁူင်းပလိၵ်ႈမိူင်းၵူၵ်းဝႆႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ