လူင်ပွင်ၸိုင်ႈထႆး တိၺွပ်းမေးၼၢင်း ၽူႈၼမ်းတပ်ႉသိုၵ်းရၶႅင်ႇ

 ၸွမ်းၼင်ႇလူင်ပွင်ၸိုင်ႈမၢၼ်ႈတုၵ်းယွၼ်းဝႆႉသေ လူင်ပွင်ႈၸိုင်ႈထႆး ၸိသင်ႇတပ်ႉပလိၵ်ႈထႆး တိၺွပ်းဢဝ်မေးၼၢင်းလႄႈလုၵ်ႈလၢင်း ၽူႈၼမ်းတပ်ႉသိုၵ်းရၶႅင်ႇ တီႈဝဵင်းၵဵင်းမႆႇၸိုင်ႈထႆး တၢင်ႇၶိူင်ႈမိၼ်ႁႄႇလီႇၶွပ်ႇတႃႇ သူင်ႇတႃႈၶီႈလဵၵ်းယဝ်ႉဝႃႈၼႆ။

ဝၼ်းတီႈ 6/12/2019 မိူဝ်ႈၼႆႉယၢမ်းဝၢႆးဝၼ်း 3 မူင်း ပလိၵ်ႈထႆး ဢဝ်တူဝ် မၼိၼ်းၸႃႇၽိဝ်ႇ (ဢႃယု 39 ပီ) ၊  လုၵ်ႈယိင်း မၸေႃးပျေႉသျိၼ်ႇ (ဢႃယု 11 ပီ)  လုၵ်ႈၸၢႆး မျၢတ်ႉလိၼ်းၸၢၼ်ႇ (ဢႃယု 1 ၶူပ်ႇ 1 လိူၼ်) ၸိူဝ်းပဵၼ်လုၵ်ႈမေး  ထုၼ်းမျၢတ်ႉၼၢႆႇ ၽူႈၼမ်းၸုမ်းသိုၵ်းရၶႅင်ႇ AA ၼၼ်ႉ တၢင်ႇၶိူင်ႈ မိၼ် မႅင်း မီႈ တီႈၶူင်ႇႁိူဝ်းမိၼ် ၵဵင်းမႆႇသေ သူင်ႇမိူဝ်းတႃႈၶီႈလဵၵ်းယဝ်ႉၼႆ လႆႈႁူႉၸွမ်းၶၢဝ်ႇ ရၶႅင်ႇ ၼရိၼ်ႇၵျရႃႇ ဢွၵ်ႇဝႆႉၼင်ႇၼႆ။

ၶဝ်မႄႈလုၵ်ႈၼႆႉ ပလိၵ်ႈထႆးၾၢႆႇၸွပ်ႇၶၢဝ်ႇလႄႈ ၾၢႆႇၵူတ်ႇၵူၼ်းၶဝ်ႈမိူင်းတိၺွပ်းဢဝ်ၶဝ် တီႈလုမ်းၾၢႆႇၵူတ်ႇၵူၼ်းၶဝ်ႈမိူင်း ဝဵင်းၵဵင်းမႆႇ မိူဝ်ႈဝၼ်းတီႈ 4/12/2019 ၽွင်းၶဝ်ၵႂႃႇတေႃႇ ဝီႇသႃႇ။  ပလိၵ်ႈထႆးလၢတ်ႈတီႈၶႃမႄႈလုၵ်ႈဝႃႈ – ယွၼ်ႉပိူဝ်ႈလူင်ပွင်ၸိုင်ႈမၢၼ်ႈ ယွၼ်းတၢင်းၸွႆႈထႅမ်မႃးဝႃႈ ၸိူဝ်းၶဝ်ပဵၼ်ၵူၼ်းႁဵတ်းလွင်ႈသုၵ်ႉယုင်ႈဢူၼ်ၵဝ်း၊ ပပ်ႉၶၢမ်ႈမိူင်း ပၢတ်ႉသပူတ်ႉဢၼ်မၼ်းၼၢင်းယိပ်းၵမ်ၼၼ်ႉၵေႃႈ ဢမ်ႇမၢၼ်ႇမႅၼ်ႈလႄႈ လူင်ပွင် ၸိုင်ႈ မၢၼ်ႈ ဢမ်ႇမၵ်းမၼ်ႈပဵၼ်တၢင်းၵၢၼ် ၼႆလႄႈၸင်ႇလႆႈတိၺွပ်း သူင်ႇပၼ် မိူင်းႁူမ်ႈတုမ်ၶိုၼ်း – ဝႃႈၼႆ။

လိူၼ်ဢွၵ်ႊထူဝ်ႊပိူဝ်ႊ ဝၼ်းတီႈ 19 ပူၼ်ႉမႃးၼႆႉၵေႃႈ လူင်ပွင်ၸိုင်ႈမၢၼ်ႈ တိၺွပ်းၼွင်ႉယိင်းလႄႈ ၼွင်ႉၶူၺ်ၾၢႆႇမေး ထုၼ်းမျၢတ်ႉၼၢႆႇၼႆႉတီႈၶူင်ႇႁိူဝ်းမိၼ် တႃႈၵုင်ႈ ။ ပလိၵ်ႈမၢၼ်ႈပဵၼ်ၽူႈဢဝ်လိူင်ႈၸွႆးတြႃးဝႆႉလူၺ်ႉမၢတ်ႈတႃ 52 (ၵ/ၶ/င) ၽဵဝ်ႈမူၺ်ႉလွင်ႈၵေႃႇၵၢၼ်ႁၢႆႉ – ဝႃႈၼႆ။