တေႃႇဢွင်ႇသၢၼ်းၸုၵျီႇ တေယူႇတီႈၽွင်းလူင်ၾၢႆႇၼွၵ်ႈမိူင်း လူင်ပွင်ၸိုင်ႈမိူင်းႁူမ်ႈတုမ်မၢၼ်ႈသေ တေၵႂႃႇၶိုၼ်ႈလုမ်းတြႃး ICJ (International Court of Justice) ၸၢတ်ႈၸိုင်ႈလုမ်ႈၾႃႉ ၼႂ်းလိူၼ်တီႊသႅမ်ႊပိူဝ်ႊတေမႃးၼႆႉ ဝႃႈၼႆ။
မိူဝ်ႈဝၼ်းတီႈ 11/11/2019 ၼႆႉ မိူင်းၵမ်ႊပီယိူဝ်ႊ ၵုၼ်တိူၵ်ႈဢႅပ်ႉၾရိၵ ၸႅင်ႈၵႂၢမ်းၽူႈၼမ်း မိူင်းမၢၼ်ႈလူၺ်ႈၽဵဝ်ႈမူၺ်ႉၶႃႈႁႅမ်ၶိူဝ်းၵူၼ်း ၸၢဝ်းရူဝ်ႊႁိၼ်ႊၵျိူဝ်ႊ ဢၼ်တင်းၼမ် ႁူႉဝႃႈ ပင်ႊၵႃႊလီႊ ၼႂ်းၸႄႈမိူင်းရၶႅင်ႇ ။
ၼႂ်းၶေႃႈၸႅင်ႈၵႂၢမ်း မိူင်းၵမ်ႇပီႇယိူဝ်ႊ ၼၼ်ႉပႃးဝႆႉဝႃႈ မိူင်းႁူမ်ႈတုမ်မၢၼ်ႈၼႆႉ လူင်းလၢႆးမိုဝ်း လိၵ်ႈၵိၼ်ၵႅၼ်ႇ ၸွမ်းၸၢတ်ႈၸိုင်ႈလုမ်ႈၾႃႉဝႆႉဝႃႈ တေ ႁႄႉၵင်ႈ ၊ တေပၼ်တၢင်းၽိတ်း လွင်ႈ ၽဵဝ်ႈမူၺ်ႉၶိူဝ်းၵူၼ်း (Genocide Convention) ၼၼ်ႉသေတႃႉ ဢမ်ႇႁဵတ်းၸွမ်းၶေႃႈတူၵ်းလူင်း ။
ၵွပ်ႈၼၼ် လုမ်းတြႃး ICJ ႁွင်ႉ တူဝ်တႅၼ်းမိူင်းႁူမ်ႈတုမ်မၢၼ်ႈ တႃႇထတ်းထွင် ၼႂ်းဝၼ်းတီႈ 10 ထိုင် 12 လိူၼ်တီႊသႅမ်ႊပိူဝ်ႊ တေမႃးၼႆႉ။
ၵွပ်ႈၼၼ်လႄႈ ၾၢႆႇလူင်ပွင်ၸိုင်ႈမၢၼ်ႈလႆႈပိုၼ်ၽၢဝ်ႇဝႃႈ တူဝ်တေႃႇဢွင်ႇသၢၼ်းၸုၵျီႇ ဢၼ်ပဵၼ် ၽွင်းလူင် ၾၢႆႇၼွၵ်ႈမိူင်း မိူင်းႁူမ်ႈတုမ်မၢၼ်ႈၼၼ်ႉတေၵႂႃႇၶိုၼ်ႈလုမ်းတြႃး ICJ “တီႈႁိၵ်ႈၸိုဝ်ႈဝႃႈႁေႃငမ်းယဵၼ်” ဝဵင်းလူင်တိူဝ်ႇႁဵၵ်ႉ ၸိုင်ႈမိူင်းၼႄႊထိူဝ်ႊလႅၼ်ႊ။
လူင်ပွင်ၸိုင်ႈမၢၼ်ႈၼေႇပျီႇတေႃႇ၊ တင်းသိုၵ်းမၢၼ်ႈ ၼႆႉ ဢိင်ၼိူဝ် ၶႃႈႁႅမ် ၽဵဝ်ႈမူၺ်ႉၶိူဝ်းၵူၼ်း ၼႂ်းမိူင်းႁူမ်ႈတုမ်ၼႆသေ ၺႃးၸုမ်းသုၼ်ႇလႆႈၵူၼ်းၸႅင်ႈၵႂၢမ်းတီႈ လုမ်းတြႃး ICC (International Criminal Court) ၊ ၺႃးၸုမ်းသုၼ်ႇလႆႈ ၵူၼ်း မိူင်းလႅတ်ႇတိၼ်ႇ ဢမေႊရိၵ ၸႅင်ႈၵႂၢမ်းတီႈလုမ်းတြႃး ဢႃႊၵျိၼ်ႊတီႊၼႃႊ ၸိူဝ်းၼႆႉ ပႃးထႅင်ႈလူးၵွၼ်ႇ။
ဢၢင်ႈဢိင်ၶၢဝ်ႇ -The Guardian , RFA
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ