Friday, March 29, 2024

သိုၵ်းလူင်ပွင်ၸိုင်ႈမၢၼ်ႈ တင်း သိုၵ်း TNLA ပဵၼ်ပၢင်တိုၵ်းၵၼ် တၢင်းၵျွၵ်ႉမႄးႁၢဝ်ႈႁႅင်းထႅင်ႈ

Must read

ၼႂ်းၶၢဝ်းတၢင်း 5 ဝၼ်းထပ်းၵၼ်မႃးၼႆႉ တပ်ႉသိုၵ်းလူင်ပွင်ၸိုင်ႈမၢၼ်ႈ တင်း တပ်ႉသိုၵ်းတဢၢင်း TNLA ပဵၼ်ပၢင်တိုၵ်း ၵၼ် တၢင်းဝဵင်းၵျွၵ်ႉမႄး ဢမ်ႇယွမ်း 17 ပွၵ်ႈယဝ်ႉ ႁွင်ႈၵၢၼ်ပိုၼ်ၽၢဝ်ႇ TNLA ပိုၼ်ၽၢဝ်ႇဢွၵ်ႇဝႆႉၼင်ႇၼႆ။

Photo by – PSLF/TNLA

မိူဝ်ႈၼႆႉ ဝၼ်းတီႈ 15/11/2019 ယၢမ်းၵၢင်ၼႂ် တပ်ႉသိုၵ်းလူင်ပွင်ၸိုင်ႈမၢၼ်ႈ တင်း တပ်ႉသိုၵ်းတဢၢင်း TNLA ပဵၼ်ပၢင် တိုၵ်းၵၼ် တၢင်းပွတ်းဝၢၼ်ႈတေႃႉၽေႇ – ဝၢၼ်ႈႁူးၼင်း ဢိူင်ႇၵုၼ်ၵေႃႇ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ သိုၵ်းလူင် ပွင်ၸိုင်ႈမၢၼ်ႈ ၸႂ်ႉၶိူင်ႈမိၼ် 2 လမ်း ပိုတ်းယိုဝ်းၸွႆႈ ဝႃႈၼႆ။

- Subscription -

ၸၢႆးထုၼ်းဝိၼ်း ၽူႈတႅၼ်းသၽႃးၸႄႈမိူင်း ၶဵတ်ႇလိူၵ်ႈတင်ႈ မၢႆ 1 ၸႄႈဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ “ မိူဝ်ႈၼႆႉ ၵၢင်ၼႂ် ပဵၼ်ၵၼ်ႁႅင်းဝႆႉ တၢင်းပွတ်းဢိူင်ႇၵုၼ်ၵေႃႇ။ ၵူၼ်းပၢႆႈၽေးသိုၵ်းတႄႉ ပႆႇလႆႈငိၼ်းဝႃႈႁိုဝ်။ တေႃႈထိုင်ယၢမ်းလဵဝ် တိုၵ်ႉလႆႈ ငိၼ်းသဵင်ၵွင်ႈတႅၵ်ႇယူႇ” ဝႃႈၼႆ။

ႁွင်ႈၵၢၼ်ပိုၼ်ၽၢဝ်ႇ TNLA ဢွၵ်ႇဝႆႉဝႃႈ “ တႄႇဢဝ် ဝၼ်းတီႈ 11 ထိုင် 15 ၼႂ်းၶၢဝ်းတၢင်း 5 ဝၼ်းမႃးၼႆႉ လႆႈပဵၼ်ပၢင်တိုၵ်း ၵၼ်တင်းတပ်ႉသိုၵ်းလူင်ပွင်ၸိုင်ႈမၢၼ်ႈ ဢမ်ႇယွမ်း 17 ပွၵ်ႈယဝ်ႉ။ မိူဝ်ႈၼႆႉ ယၢမ်းၵၢင်ၼႂ် မွၵ်ႈ 10 မူင်းပၢႆၼႆႉ တပ်ႉသိုၵ်း လူင်ပွင်ၸိုင်ႈမၢၼ်ႈ ၸႂ်ႉၶိူင်ႈမိၼ် 2 လမ်းသေ ယိုဝ်းၸွႆႈ” ဝႃႈၼႆ။

ၵူၼ်းပိုၼ်ႉတီႈ ပွတ်းမိူင်းငေႃႉ ဢႃယု မွၵ်ႈ 60 ပၢႆ လၢတ်ႈၼႄတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ “ မိူဝ်ႈၼႆႉ ပဵၼ်ၸဵမ်ၸဝ်ႉယဝ်ႉ။ သဵင်ၵွင်ႈတႅၵ်ႇႁႅင်းဝႆႉ။ တၢင်းပွတ်းဝၢၼ်ႈတေႃႉၽေႇ – ဝၢၼ်ႈႁူးၼင်းၼၼ်ႉ။ မိူဝ်ႈပူၼ်ႉမႃး မွၵ်ႈ 2 ဝၼ်းၼၼ်ႉ ပီႈၼွင်ႉလွႆ ၶဝ် ၶီႇရူတ်ႉၶိူင်ႈသေ လူင်းမႃး တၢင်းမိူင်းငေႃႉ ၵႂႃႇတၢင်းၵျွၵ်ႉမႄးၼႆႉ ပဵၼ်သၢႆဝႆႉ ၶဝ်လုၵ်ႉတၢင်း ဢိူင်ႇၵုၼ်ၵေႃႇသေ လူင်း မႃး။ ၵူၺ်းၵႃႈ ၵႂႃႇယူႇတီႈလႂ်တႄႉ ဢမ်ႇႁူႉ။ ဢွင်ႈတီႈၵူၼ်းပၢႆႈၽေးၵေႃႈဢမ်ႇမီး လႅပ်ႈၵႂႃႇၸွမ်းႁိူၼ်းပီႈၼွင်ႉၶဝ် ၸွမ်းၼႂ်း ဝဵင်းႁိုဝ်ၵေႃႈဢမ်ႇႁူႉ” ဝႃႈၼႆ။

လိူဝ်ၼၼ်ႉ တၢင်းၸႄႈဝဵင်းၵူတ်ႉၶၢႆၼၼ်ႉၵေႃႈ သိုၵ်းဢူၺ်းလီ 3 ၸုမ်း တင်း တပ်ႉသိုၵ်းလူင်ပွင်ၸိုင်ႈမၢၼ်ႈ ပဵၼ်ပၢင်တိုၵ်း ၵၼ်ႁိမ်းထုင်ႉလွႆသၢမ်သိပ်း လႄႈ တၢင်းၼမ်ႉၽၵ်းၵႃ ႁၢဝ်ႈႁႅင်း ၵူၼ်းမိူင်း ၸဵမ်သင်ၶၸဝ်ႈ ၺႃးၸၢၵ်ႇမၢၵ်ႇၸွမ်း မွၵ်ႈ 4 ၵေႃႉ။ တေႃႈလဵဝ် သဵင်ၵွင်ႈယဵၼ်ဝႆႉယူႇသေတႃႉ တင်းသွင်ၾၢႆႇ တိုၵ်ႉၶဵင်ႈၶႅင်ၵၢၼ်သိုၵ်းတေႃႇၵၼ်ယူႇ ဝႃႈၼႆ။

မိူဝ်ႈၼႆႉ ဝၼ်းတီႈ 15/11/2019 ယၢမ်းၵၢင်ၼႂ် ရူတ်ႉၵႃးၵူၼ်းမိူင်း 12 လေႃႉ 2 လမ်း ၺႃးယိုဝ်းမၢၵ်ႇၵႃးပွင်ႇသေ ၵိုတ်းၶမ် တၢင်း တီႈႁိမ်းဝၢၼ်ႈသျူႉၶိၼ်းတႃႇ ၼႂ်းၵႄႈၵူတ်ႉၶၢႆ – ၼမ်ႉၽၵ်းၵႃ။ မိူဝ်ႈဝႃး ဝၼ်းတီႈ 14/11/2019 ၼၼ်ႉၵေႃႈ ၵၢတ်ႇလူင် ၵူတ်ႉၶၢႆၵေႃႈ လႆႈဢိုတ်းဝႆႉ ဝၼ်းၼိုင်ႈ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း