(ၸၢႆးဢိူမ်ႈၾႃႉ – သူင်ႇၶၢဝ်ႇ) ပေႃႈမႄႈပီႈၼွင်ႉ၊ ဢူၺ်းၵေႃႉဢူၺ်းသႄႈလႄႈ လုၵ်ႈၼွင်ႉပွင်ႈပၢႆ တေႁဵတ်းတၢင်းလီ ႁႅၼ်းသွမ်းလူႇတၢၼ်းပၼ် မေႃသွၼ်ၼၢင်းႁၢၼ်ၶမ်း ဢႃယု 37 ပီ တီႈဝတ်ႉၶိူဝ်းတႆး လွႆတႆးလီ ဝဵင်းၵႃလိ ဝႃႈၼႆ။
လုၵ်ႈႁဵၼ်းမၼ်းၼၢင်းၵေႃႉၼိုင်ႈလၢတ်ႈဝႃႈ – ဝၼ်းတီႈ 25/10/2019 ဝၼ်းသုၵ်းၼႆႉ တေႁပ်ႉၶႅၵ်ႇပီႈၼွင်ႉတီႈၸမ်ၵႆသေ ဝၼ်းတီႈ 26 သမ်ႉတေ လူႇတၢၼ်း သွမ်းတၢင်တူဝ်ပၼ်တီႈဝတ်ႉၵျွင်းၶိူဝ်းတႆး လွႆတႆးလီ ဝဵင်းၵႃလိ။
မေႃသွၼ်ၼၢင်းႁၢၼ်ၶမ်း ဢႃယု 37 ပီ ပဵၼ်ၽူႈၶဝ်ႈၸုမ်းပွင်ၵၢၼ်ၵေႃတႆး၊ ၽူႈၵွၼ်းႁွင်ႈ ပၢၼ်ပၢႆးပၺ်ၺႃ ထၢၼ်ႈငဝ်ႈ (ၵေႃတႆး) ပဵၼ်ၽေးၵိုင်ႉၵၢင်ႉ သေလႆႈလူႉသဵင်ႈၵႂႃႇ မိူဝ်ႈဝၼ်းတီႈ 22/10/2019 ။
ဝၼ်းတီႈ 23/10/2019 မိူဝ်ႈဝႃး ပေႃႈမႄႈပီႈၼွင်ႉ ၊ ဢူၺ်းၵေႃႉႁူမ်ႈၽၢၵ်ႈၵၢၼ်ငၢၼ်း၊ ၶူးဝႃးဢႃးၵျၢၼ် လႄႈ လုၵ်ႈၼွင်ႉပွင်ႈပၢႆ တီႈၸမ်တီႈၵႆ လႆႈႁူမ်ႈၵၼ် ႁွပ်ႇႁူဝ်ၶူးသွၼ်ၼၢင်းႁၢၼ်ၶမ်း ၶဝ်ႈႁဵဝ်ႈတီႈဝဵင်းၵႃလိ။
ၼၢင်းႁဵဝ်းသႅင် ၽူႈၵွၼ်းၸၼ်ႉၸွမ်တူင်ႇၵူၼ်းတႆး လၢတ်ႈတီႈၽူႈတွႆႇႁွၵ်ႈဝႃႈ “မိူဝ်ႈၽွင်းပၢင်ၵုမ် ယဝ်ႉတူဝ်ႈသေ ပွၵ်ႈၶိုၼ်းႁိူၼ်း မိူဝ်ႈဝၼ်းတီႈ 22/10/2019 ယၢမ်းဝၢႆးဝၼ်း ၼၼ်ႉ ၾူၼ်လူမ်း သမ်ႉတူၵ်းႁႅင်းလႄႈ မေႃသွၼ်ၼၢင်းႁၢၼ်ၶမ်းတူၵ်းလူတ်ႉၶိူင်ႈ ႁူဝ်ၽတ်းၺႃးလိၼ် ထိုင်တီႈ လိူတ်ႈၵၢမ်ႈၼႂ်းဢွၵ်းဢေႃလႄႈလႆႈလုသဵင်ႈၵႂႃႇၶႃႈဢေႃႈ။ ”-ဝႃႈၼႆ။
မေႃသွၼ်ၼၢင်းႁၢၼ်ၶမ်းၼႆႉ ၸဵမ်မိူဝ်ႈႁဵၼ်းယဝ်ႉၸၼ်ႉ သိပ်းၼၼ်ႉ ပူၵ်းပွင်ပၼ်လိၵ်ႈလၢႆး၊ ပၢႆးပၺႃႇတႆး၊ ႁူင်းႁဵၼ်း ၸိူဝ်ႉၸၢတ်ႈ၊ လႆႈႁူမ်ႈသၢင်ႈ လွင်ႈၵၢၼ်ပၢႆး ပၺႃႇတႆး ၸွမ်းလၢႆလၢႆၸုမ်း ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ