ဢႃႊသီႊယၼ်ႊ ပိုၼ်ၽၢဝ်ႇဝႃႈ ဝဵင်းလူင်တူၼ်ႈတီး မိူင်းတႆး ဝဵင်းလွႆၶေႃ မိူင်းယၢင်းလႅင်လႄႈ ဝဵင်းတႃႈဝၢႆ တိူင်းတၼၢဝ်းသီ လႆႈႁပ်ႉသူး ဝဵင်းမူတ်းသႂ် ပဵၼ်တူဝ်ယၢင်ႇလီ ဝႃႈၼႆ။
ၵဵဝ်ႇၵပ်းလွင်ႈၼႆႉ ဢူးၶိၼ်ႇမွင်ႇၸူဝ်း ၽူႈၸိသင်ႇ ႁွင်ႈၵၢၼ်ၽွင်းလူင် ႁူင်းႁႅမ်းလႄႈၵၢၼ်တွင်ႈတဵဝ်းဢႅဝ်ႇယဵမ်ႈ ယိုၼ်ယၼ်လၢတ်ႈတီႈၼၵ်းၶၢဝ်ႇ မိူဝ်ႈဝၼ်းတီႈ 3/10/2019 ဝႃႈ “ၸႂ်ႈဢေႃႈ လိၵ်ႈဢွၵ်ႇမႃးယဝ်ႉ ႁႂ်ႈလႆႈၵႂႃႇႁပ်ႉသူးတီႈမိူင်း ပရူႊၼၢႆႊ ၼႆ။ တေပဵၼ်ဝၼ်းလႂ်မိူဝ်ႈလႂ်တႄႉပႆႇႁူႉၶႃႈ” – ဝႃႈၼႆ။
ၵဵဝ်ႇၵပ်းလွင်ႈၼႆႉ လူင်ပွင်ၸိုင်ႈမိူင်းယၢင်းလႅင်တႄႉပိုၼ်ၽၢဝ်ႇဝႆႉဝႃႈ ၸုမ်းဢႃႊသီႊယၼ်ႊ တေမွပ်ႈပၼ်သူး ၼႂ်းလိူၼ် ၵျႅၼ်ႊၼိဝ်ႊရီႊ 2020 ၼႆႉဝႃႈၼႆ။
ဝဵင်းလူင်တူၼ်ႈတီးၼႆႉ မိူဝ်ႈပူၼ်ႉမႃးမွၵ်ႈ 10 ပီၼၼ်ႉၵေႃႈ လုမ်ႈၾႃႉမၵ်းမၼ်ႈပဵၼ် ဝဵင်းမူတ်းသႂ်ၾိင်ႈၾႃႉၶႅမ်ႉလႅပ်ႈ လီယူႇလီသဝ်း ဝဵင်းၼိုင်ႈ။