ပၢင်တိုၵ်းၼႂ်းၵႄႈ ဢူၺ်းလီ သၢမ်ပီႈၼွင်ႉလႄႈ သိုၵ်းလူင်ပွင်ၸိုင်ႈဢၼ်ပဵၼ်ၼႂ်းၸိုင်ႈတႆးပွတ်းႁွင်ႇ ၶၢဝ်းတၢင်ၽၢၵ်ႇလိူၼ်သၢဝ်းဝၼ်းၼႆႉ တုမ်ႉတိူဝ်ႉၵူၼ်းမိူင်းတႃႇႁႃၵိၼ်လဵင်ႉတွင်ႉၵူၺ်းဢမ်ႇၵႃး တုမ်ႉတိူဝ်ႉပႃးလုၵ်ႈဢွၼ်ႇဢမ်ႇလႆႈႁဵၼ်းလိၵ်ႈ မီးမိုၼ်ႇပၢႆ။

ၽွင်းလူင်ၾၢႆႇပၢႆးပိူင်ၵူၼ်း တွၵ်ႇတိူဝ်ႇမဵဝ်းထုၼ်းတွပ်ႇလၢတ်ႈတီႈၼၵ်းၶၢဝ်ႇမိူဝ်ႈဝၼ်းတီႈ 30 ၼၼ်ႉဝႃႈ- ယွၼ်ႉပၢင်တိုၵ်းၼႂ်းၸိုင်ႈတႆးပွတ်းႁွင်ႇသေ ႁူင်းႁဵၼ်းဢၼ်လႆႈပိၵ်ႉဢိုတ်းဝႆႉ မီး 89 လင်။ လုၵ်ႈႁဵၼ်းမီး 11000 ပၢႆ ဢၼ်ဢမ်ႇလႆႈႁဵၼ်းလိၵ်ႈ။ ပဵၼ်ႁူင်းႁဵၼ်းၼႂ်းၸေႈဝဵင်း လၢဝ်ႇၵၢႆး ၵူတ်ႉၶၢႆ ၵုၼ်လူင် သႅၼ်ဝီ ၵျွၵ်ႉမႄး ၸိူဝ်းၼႆႉ ဝႃႈၼႆ။

ၵူၺ်းၵႃႈယၢမ်းလဵဝ် မိူၼ်ၼင်ႇၸေႈဝဵင်း သႅၼ်ဝီ၊ လႃႈသဵဝ်ႈ ၵျွၵ်ႉမႄးၸိူဝ်းၼႆႉ ပၢင်တိုၵ်းယဵၼ်ၵႂႃႇယဝ်ႉလႄႈ ဢၼ်လၢႆႈပိုတ်ႇပၼ်ၶိုၼ်းၵေႃႈ မီးယူႇ 55 လင် ဝႃႈၼႆ။

ၼႂ်းပီၵၢၼ်ႁဵၼ်း 2019-2020 ၼႆႉၼႂ်းၸိုင်ႈတႆးပတ်းပိုၼ်ႉ ႁူင်းႁဵၼ်းၸၼ်ႉသုင်မီး 272 လင်၊ ၸၼ်ႉသုင်(ၽႄ) မီး 281 လင်၊ ၸၼ်ႈၵၢင်ၽႄ 340 လင် ၊ ၸၼ်ႉဢွၼ်ႇ 793 လင်၊ ၸၼ်ႉဢွၼ်မီး 3802 လင်လႄႈ ၸၼ်ႉဢွၼ်(ၽႄ)မီး 701 လင်၊ ၸၼ်ႉဢွၼ်(ႁူမ်ႈၵိုၵ်း)  12 လင် ။ ႁူမ်ႈတင်းမူတ်းပဵၼ် 6391 လင် လႆႈႁူႉၸွမ်းသဵၼ်ႈမၢႆၾၢႆႇပၢႆးပၺႃႇပိုၼ်ၽၢဝ်ႇဝႆႉၼင်ႇၼႆ။

Ref; Kambawza Tai News