မိူဝ်ႈၼႆႉ ဝၼ်းတီႈ 16 /8/2019  ယွၼ်ႉပိူဝ်ႈ ပႆႇၸၢင်ႈဝၢင်း  ၸႂ်ငဝ်းလၢႆးပၢင်တိုၵ်းပွတ်းၼွင်ၶဵဝ်လႄႈ တီႈလူတ်ႉၾႆး လႃႈသဵဝ်ႈ – ဝဵင်းလိူဝ်ႇ ပႆႇလႅၼ်ႈ တေႃႉသူင်ႇၵူၼ်းၾၢႆႇတေႃႉသူင်ႇ ပိုၼ်ၽၢဝ်ႇဝႆႉ။

လူတ်ႉၾႆးသၢႆၼႆႉ လႆႈလတ်းၶူဝ်ၵိုတ်ႈ တီႈဢၼ်ပဵၼ်ပၢင်တိုၵ်း ၼႂ်းၵႄႈ ၸုမ်းဢူၺ်းလီပွတ်းႁွင်ႇလႄႈ တပ်ႉသိုၵ်းမၢၼ်ႈ မိူဝ်ႈဝႃး ဝၼ်းတီႈ 15/08/2019 ။ ၵွပ်ႈၼၼ် လူတ်ႈၾႆးဢၼ်လုၵ်ႈလႃႈသဵဝ်ႈမႃး ဢၼ်တေလႅၼ်ႈၸူးဝဵင်းလိူဝ်ႈ မိူဝ်ႈဝႃးၼႆႉ တၼ်းမႃးထိုင် သီႇပေႃႉၵူၺ်း ၶိုၼ်းဝၢႆႇႁူဝ်ပွၵ်ႈမိူဝ်းလႃႈသဵဝ်ႈ ၶိုၼ်းဝႃႈၼႆ။

လူတ်ႉၾႆးသၢႆ လႃႈသဵဝ်ႈ – ဝဵင်းလိူဝ်ႇၼႆႉ တေၶိုၼ်းလႅၼ်ႈၶိုၼ်းမိူဝ်ႈလႂ်တႄႉပႆႇႁူႉ။ သင်ၸိူဝ်ႉမီး ၽူႈလႂ်ၽႂ်တေၶီႇလူတ်ႉၾႆးဢွၵ်ႇတၢင်းၸိုင် သိုပ်ႇၾူၼ်းထၢမ်တူၺ်းတီႈ  တႃႈလူတ်ႉၾႆးလႃႈသဵဝ်ႈ  082-2203308 ၵွၼ်ႇ ဝႃႈၼႆ။

ဝၼ်းတီႈ 15/8/2019 မိူဝ်ႈဝႃးၼႆႉ ၸုမ်းဢူၺ်းလီပွတ်းႁွင်ႇ ၶဝ်ႈယိုဝ်းတပ်ႉပၢင်သဝ်းပလိၵ်ႈ၊ လၢၼ်ႇၵူတ်ႇထတ်းယႃႈမဝ်းၵမ် ၼႂ်းၸေႈဝဵင်းၼွင်ၶဵဝ်လႄႈ ႁူင်းႁဵၼ်းဢိၼ်ႊၵျိၼ်ႊၼီႊယႃႊ သိုၵ်းတီႈပၢင်ႇႁူႈ။ ပၢင်တိုၵ်းပဵၼ် 5 တီႈ။ ပလိၵ်ႈလႄႈသိုၵ်း လုတၢႆ ဢမ်ႇယွမ်း 15 ၵေႃႉ။ မၢတ်ႇၸဵပ်း 15 ၵေႃႉ။ ၶူဝ်ႁူၺ်ႈၵိုတ်ႈၵေႃႉလုၵွႆႁဵတ်းႁႂ်ႈ သဵၼ်ႈတၢင်းၵႃႉၵိုတ်းၶၢတ်ႇၵႂႃႇသေ  တၢင်းၶဝ်ႈတၢင်းဢွၵ်ႇ ဝဵင်းၼွင်ၶဵဝ်ၵေႃႈ လႆႈပိၵ်ႉဝႆႉၸူဝ်ႈၶၢဝ်း။

Ref; တၢၼ်ႇလုၼ်ႇတူၺ်းၶျိၼ်း (ၼေႇမဵဝ်း)