Friday, March 29, 2024

ၸုမ်းယိပ်းၵွင်ႈၵၢင်ႇပိုတ်းယိုဝ်းၵၼ်ၼႂ်းၸေႈဝဵင်းၼမ်ႉတူႈ မၢၵ်ႇလူင်တူၵ်းၼႂ်းမၢၼ်ႈၸၢမ် ၵူၼ်းမိူင်းတူၵ်းၸႂ်

Must read

တပ်ႉသိုၵ်းတပ်ႉမတေႃႇမၢၼ်ႈလႄႈ သိုၵ်းဢူၺ်းလီပိုတ်းယိုဝ်းၵၼ်တၢင်း ဢိူင်ႇမၢၼ်ႈၸၢမ်။ မၢၵ်ႇလူင်တူၵ်းၼႂ်း ဝၢၼ်ႈ ၵူၺ်းၵႃႈဢမ်ႇတႅၵ်ႇၼင်ႇၵဝ်ႇ။

Photo by Numtu Youth- မၢၵ်ႇလူင် RPG ဢၼ်တူၵ်းၼႂ်းဢိူင်ႇမၢၼ်ႈၸၢမ်

ဝၼ်းတီႈ   11 လိူၼ်ၵျူႊလၢႆႊ တပ်ႉသိုပ်းတပ်ႉမတေႃႇမၢၼ်ႈ ယိုဝ်းမၢၵ်ႇသႂ်ႇတီႈ တပ်ႉပၢင်သဝ်းတပ်ႉပွင်းၸု ဢၼ်မီးႁိမ်းဝၢၼ်ႈၼွင်ၵၢင်လႄႈဝၢၼ်ႈသၢႆးၶၢဝ်။ပဵၼ်တပ်ႉ ၶမယ 324 တႂ်ႈတပ်ႉပိဝ်ႇႁႃ 2  ပဵၼ်ၵူၼ်းယိုဝ်း ဝႃႈၼႆ။

- Subscription -

မၼ်းတူၵ်းၼႂ်းၵႄႈ မၢၼ်ႈၸၢမ် လႄႈ  သၢႆးၶၢဝ်။ သိုၵ်းလွႆတူင်ႉၼိုင်ၵၢၼ်သိုၵ်းၶဝ်ၶိုၼ်းလႄႈ ၸင်ႇပဵၼ် ပၢင်တိုၵ်းၵၼ်။ ဝၼ်းတီ 11 လႄႈ 12 ယိုဝ်းၵၼ်ယွတ်းယွတ်းယႅတ်းယႅတ်းတင်းသွင်ဝၼ်း။ ၵူၺ်းယိုဝ်းၵၼ် ဢမ်ႇတၼ်းႁိုင်ၼင်ႇၵဝ်ႇ။  မၢၵ်ႇလူင်တူၵ်းမႃးၶမ်ဝႆႉၼႂ်းဝၢၼ်ႈ။ ၵူၺ်းၵႃႈဢမ်ႇတၼ်းတႅၵ်ႇ ပဵၼ်မၢၵ်ႇၽႂ်တႄႉ ဢမ်ႇႁူႉ။” – လုင်းၸၢႆး ၵူၼ်းၼမ်ႉတူႈလၢတ်ႈ။

လိူဝ်ၼၼ်ႉမိူဝ်ႈဝၼ်းတီႈ 13 လိူၼ်ၵျူႊလၢႆႊၼႆႉၵေႃႈ သိုၵ်း TNLA လႄႈ သိုၵ်း RCSS/SSA ပိုတ်းယိုဝ်းၵၼ် တီႈႁိမ်းဝၢၼ်ႈဝႃႈလႄႈ တီႈလွႆႁၢင်း။ ၵူၺ်းၵႃႈဢမ်ႇမီးလွင်ႈမၢတ်ႇၸဵပ်းလုတၢႆၼင်ႇၵဝ်ႇ ဝႃႈၼႆ။

ၵဵဝ်ႇၵပ်းလွင်ႈပၢင်တိုၵ်းၼႆႉ ယူႇတီႈၸုမ်းၶၢဝ်ႇၽူႈတွႆႇႁွၵ်ႈ ၶတ်းၸႂ်ၵပ်းသိုပ်ႇတူၺ်းၾၢႆႇ RCSS/SSA ၊ ၵူၺ်းၵႃႈ ၵပ်းသိုပ်ႇ ဢမ်ႇလႆႈ။

ၸၢႆးဢူး ၵူၼ်းၼမ်ႉတူႈလၢတ်ႈဝႃႈ ဝၼ်းၸၼ်ၼႆႉတႄႉ ဢမ်ႇလႆႈငိၼ်းသဵင်ၵွင်ႈယဝ်ႉၼင်ႇၵဝ်ႇဝႃႈၼႆ။

ၽွင်းပဵၼ်ပၢင်တိုၵ်းၵၼ်ပွတ်းၼမ်ႉတူႈၼႆႉ တူဝ်တႅၼ်းတပ်ႉသိုၵ်း RCSS တိုၵ်ႉၵႂႃႇၶဝ်ႈပၢင်ၵုမ် ဢုပ်ႇဢူဝ်းတူဝ်တႅၼ်းတပ်ႉသိုၵ်းတပ်ႉမတေႃႇလႄႈ တူဝ်တႅၼ်းလူင်ပွင်ၸိုင်ႈမၢၼ်ႈ တီႈၼေႇပီႇတေႃႇ။

ၼၢင်းၸၢမ်ႇ ၵူၼ်းမိူင်းၼမ်ႉတူႈလၢတ်ႈဝႃႈ –   ၵူၼ်းမိူင်းတိုၵ်ႉတေလႆႈယူႇၵတ်းၵတ်းယဵၼ်ယဵၼ် ၼႂ်း  လိူၼ် သွင်လိူၼ်ၵူၺ်း။ႁဝ်းၶႃႈၶႂ်ႈတုၵ်းယွၼ်း ယႃႇပေယိုဝ်းၵၼ်ၶႃႈလႃႈ။ – ဝႃႈၼႆ။


Photo by Numtu Youth- မၢၵ်ႇလူင် RPG ဢၼ်တူၵ်းၼႂ်းဢိူင်ႇမၢၼ်ႈၸၢမ်

ၾၢႆႇပွင်ႇၶၢဝ်ႇ TNLA တႄႉလၢတ်ႈဝႃႈ TNLA လႄႈ RCSS/SSA လႆႈယိုဝ်းၵၼ်ၵမ်းလိုၼ်းသုတ်း မိူဝ်ႈဝၼ်းတီႈ  26/3/2019 သေ ၸင်ႇႁႃတေမႃးယိုဝ်းၵၼ်ၶိုၼ်း ၼႂ်းၵမ်းၼႆႉၵူၺ်းဝႃႈၼႆဝႆႉ။

RCSS လႄႈတင်း SSPP ၵေႃႈ ပိုၼ်ၽၢဝ်ႇမိူဝ်ႈဝၼ်းတီႈ 11/5/2019  ဝႃႈ ၵိုတ်းတိုၵ်းၵၼ် ယဝ်ႉၼႆလႄႈ ႁဵတ်းႁႂ်ႈၵူၼ်းမိူင်းတႆး လႆႈတင်းၸူမ်းသိူဝ်းလီၸႂ် တင်းဝၢၼ်ႈတင်းမိူင်း။

လိူဝ်ၼၼ်ႉၾၢႆႇတင်းတပ်ႉမတေႃႇမၢၼ်ႈၵေႃႈ ပိုၼ်ၽၢဝ်ႇမိူဝ်ႈဝၼ်းတီႈ  1 လိူၼ်ၵျူႊလၢႆႊ ဝႃႈ လႆႈယိုတ်ႈဢႃယုၵၢၼ်ၵိုတ်းတိုၵ်းၾၢႆႇလဵဝ်ထႅင်ႈ 2 လိူၼ်။ တေႃႇထိုင် ဝၼ်းတီႈ 30 လိူၼ် ဢေႃႊၵၢတ်ႉသ် 2019။

သိုၵ်းတပ်ႉမတေႃႇမၢၼ်ႈပိုၼ်ၽၢဝ်ႇ ၵိုတ်းတိုၵ်းၼႂ်းတိူင်းသိုၵ်း 5 ဢၼ်။  ယိုတ်ႈဢႃယုၵိုတ်းတိုၵ်း ပွၵ်ႈၼႆႉပဵၼ်ပွၵ်ႈၵမ်းသၢမ်။ တႄႇပိုၼ်ၽၢဝ်ႇၵိုတ်းတိုၵ်းမိူဝ်ႈဝၼ်းတီႈ 21 လိူၼ်တီႊသႅမ်ႊပိူဝ်ႊ 2018 ၵိုတ်းတိုၵ်းၾၢႆႇလဵဝ်တႃႇ 4 လိူၼ် တေႃႇထိုင်ဝၼ်းတီႈ 30 လိူၼ်ဢေႊပရိူဝ်ႊ 2019။ မိူဝ်ႈဝၼ်းတီႈ30 လိူၼ်ဢေႊပရိူဝ်ႊ 2019 ၶိုၼ်းပိုၼ်ၽၢဝ်ႇယိုတ်ႈၵၢၼ်ၵိုတ်းတိုၵ်းထႅင်ႈ သွင်လိူၼ်တေႃႇထိုင် 30 လိူၼ်ၵျုၼ်ႊ။  လႄႈၵမ်းၼႆႉပဵၼ်လွင်ႈပိုၼ်ၽၢဝ်ႇၵိုတ်းတိုၵ်း ၵမ်းထူၼ်ႈ 3။

သိုၵ်းTNLA တႄႉပိုၼ်ၽၢဝ်ႇဝႃႈ ၼႂ်းလိူၼ်ၵျူႊလၢႆႊၼႆႉၵူၺ်း လႆႈပဵၼ်ပၢင်တိုၵ်းၵၼ်တင်းသိုၵ်းတပ်ႉမတေႃႇမၢၼ်ႈ ဢမ်ႇယွမ်း 12 ပွၵ်ႈယဝ်ႉဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း