ၸုမ်း WY ဝဵင်းတၢင်ႉယၢၼ်း ႁဵတ်းၶလိပ်ႉဝီႊတီႊဢူဝ်ႊ ဢွၵ်ႇမႃးၵႄႈ လၢတ်ႈဝႃႈ ပၼ်ႁႃၽိတ်းမေႃးပေႃႉထုပ်ႉ ၽိတ်းမေႃးၵၼ်တီႈ တၢင်ႉယၢၼ်းၼၼ်ႉ ဢမ်ႇၸႂ်ႈၼမ်ႉမိုဝ်းၸုမ်းၶဝ် ဝႃႈၼႆ။
ဝၼ်းတီႈ 14 /07/2019 မီးဢွၼ်ႇယိင်းဢွၼ်ႇသွင်ၵေႃႉ (ၶဝ်လၢတ်ႈဝႃႈ ၶဝ်ပဵၼ်ၸုမ်း WY တၢင်ႉယၢၼ်း) ဢတ်းၶလိပ်ႉဝီႊတီႊဢူဝ်ႊသေ တၢင်ႇၼိူဝ် သူဝ်ႊသျႄႊမီႊတီႊယႃႊ ။ လၢတ်ႈဝႃႈ – “ၸုမ်းဢၼ်ပေႃႉထုပ်ႉ ၼၢင်းသႅင်မွၼ်း တီႈတၢင်ႉယၢၼ်း မိူဝ်ႈဝၼ်းတီႈ 7/7/2019 ၼၼ်ႉ ဢမ်ႇၸႂ်ႈၸုမ်း WY ။ ဢေးလူင်ႇ ဢၼ်ပေႃႉထုပ်ႉၼွင်ႉသႅင်မွၼ်းၼၼ်ႉ ပဵၼ်ၵူၼ်းပွၵ်ႉ 2 တၢင်ႉယၢၼ်း။ မၼ်းပဵၼ်ထႅင်ႈၸုမ်းၼိုင်ႈ၊ ဢမ်ႇၸႂ်ႈၸုမ်း WY ။ ပေႃးပဵၼ်လုၵ်ႈၸုမ်း WY ၸိုင်တီႈသူၼ်ႈမိုဝ်းၼၼ်ႉ တၵ်းမီးလၢႆးသၵ်း တူဝ်လိၵ်ႈ WY ။ ႁႂ်ႈၵူႈၾၢႆႇၵူတ်ႇထတ်းတူၺ်းပၼ် ႁႂ်ႈမီးလွင်ႈၽဵင်ႇပဵင်း ”- ဝႃႈၼႆဝႆႉ။
ဢၼ်ၸုမ်းၽူႈတွႆႇႁွၵ်ႈလႆႈဢွၵ်ႇၶၢဝ်ႇ ၵဵဝ်ႇၵပ်းလွင်ႈၼႆႉၵႂႃႇမိူဝ်ႈဝၼ်းတီႈ 10/7/2019 ၼၼ်ႉတူဝ်ၼၵ်း ၶၢဝ်ႇၽူႈတွႆႇႁွၵ်ႈ လႆႈလူင်းပိုၼ်ႉတီႈ တွင်ႈထၢမ်တီႈ ၽူႈၺႃးပေႃႉထုပ်ႉ လႄႈ ပေႃႈမႄႈပီႈၼွင်ႉ ၽူႈၺႃးပေႃႉထုပ်ႉသေ ၸင်ႇလႆႈမႃးႁၢႆးငၢၼ်းၶၢဝ်ႇပၼ်ၶႃႈဢေႃႈ။