ႁိူၼ်းတိူၵ်ႈလူင် 7 ၸၼ်ႉ ဢၼ်ၶွမ်ႊပၼီႊၶႄႇ မဝ်ၵေႃႇသၢင်ႈဝႆႉယူႇတီႈ မိူင်းၵမ်ႊပေႃႊတီႊယႃႊ ၼၼ်ႉ ၵူၼ်ႇပင်းလႄႈႁဵတ်းႁႂ်ႈၵူၼ်းႁဵတ်းၵၢၼ်ၵေႃႇသၢင်ႈမၢတ်ႈၸဵပ်းလူႉတၢႆဢမ်ႇယွမ်း 40။
ႁိူၼ်းတိူၵ်ႈလူင် သုင် 7 ၸၼ်ႉ ဢၼ်တိုၵ်ႉၵေႃႇသၢင်ႈယူႇ တီႈဝဵင်းၾင်ႇပၢင်ႇလၢႆ သီႇႁႃႇၼူၵ်ႉ၊ ဢၼ်မီးၾၢႆႇတူၵ်းမိူင်းၾၼွမ်ႊပိၼ်ႊ မိူင်းၵမ်ႊပေႃႊတီႊယႃႊ ၵူၼ်ႇပင်းမိူဝ်ႈဝၼ်းသဝ် 22/6/2019 ။ ၵူၼ်းႁဵတ်းၵၢၼ်ၵေႃႇသၢင်ႈ တၢႆ 13 ၵေႃႉ မၢတ်ႇၸဵပ်း 23 ၵေႃႉ။ ဢၼ်တိုၵ်ႉၶမ်ယူႇတႂ်ႈၵွင်မၢၵ်ႇႁိၼ်ဢၼ်ၵူၼ်ႇလူင်းၼၼ်ႉ ယင်းတိုၵ်ႉမီးတင်းၼမ် ဝႃႈၼႆ။
တီႈဢၼ်ႁိူၼ်းတိူၵ်ႈလူင်ၵူၼ်ႇၼႆႉ ပဵၼ်ဝဵင်းဢၼ်ၵူၼ်းၼွၵ်ႈမိူင်းမႃးဢႅဝ်ႇယဵမ်ႈၼမ်။ ပဵၼ်တီႈၸဝ်ႈၵၢၼ်ပၢႆးမၢၵ်ႈမီးလႄႈ ၵၢၼ်တေႃႇလွင်းလိူင်ႇ။ တေႃႇထိုင်ဝၼ်းမိူဝ်ႈၼႆႉ ၾၢႆႇၸွႆႈထႅမ်ၵူၼ်းထူပ်းၽေးၶဝ် တိုၵ်ႉၶတ်းၸႂ်ပၢၵ်ႈပႅတ်ႈၵွင်သၢၵ်ႈႁိူၼ်းၵူၼ်ႇပင်းၼၼ်ႉသေ ၶတ်းၸႂ်တႃႇၸွႆႈၵူၼ်းၶမ်ဝႆႉတႂ်ႈၼၼ်ႉ ဢွၵ်ႇမႃးယူႇ ဝႃႈၼႆ။
ၶၢဝ်ႇ- Reuters