Tuesday, June 25, 2024

လူတ်ႉၵႃးလႄႈလူတ်ႉၶိူင်ႈၽႃႇၺႃးၵၼ်တၢင်းၶဝ်ႈဝဵင်းၵျွၵ်ႉမႄး  တၢႆသၢမ်ၵေႃႉ

Must read

လူတ်ႉၵႃးလႄႈ လူတ်ႉၶိူင်ႈၽႃႇၺႃးၵၼ်တီႈတၢင်းၶဝ်ႈဝဵင်းၵျွၵ်ႉမႄး ။ ၵူၼ်းၶီႇလူတ်ႉၶိူင်ႈ တၢႆတင်းသၢမ်ၵေႃႉ။

Photo Credit to – Tin Maung Thein-လူတ်ႉၵႃးလႄႈလူတ်ႉၶိူင်ႈၽႃႇၺႃးၵၼ်တၢင်းၶဝ်ႈဝဵင်းၵျွၵ်ႉမႄး 11/6/2019

မိူဝ်ႈၼႆႉ ဝၼ်းတီႈ 11/6/2019 ယၢမ်းဝၢႆးဝၼ်း လူတ်ႉၵႃးလႄႈ လူတ်ႉၶိူင်ႈ ၽႃႇၺႃးၵၼ်ၼိူဝ်ႈသဵၼ်ႈတၢင်းလူင် ဢေႊသျိူဝ်ႊႁၢႆႊဝေႊ မၢႆလၵ်း 115/5 ။ တီႈ ႁိမ်းဝၢၼ်ႈႁွင်ႈႁႅင်ႈ (ၶျွင်းၶျွၵ်ႉ) ဢၼ်မီးတၢင်းၶဝ်ႈဝဵင်း ၵျွၵ်ႉမႄး။ ၵွၼ်ႇထိုင်ၵျႂၵ်ႉမႄး 7 လၵ်း။

- Subscription -

လူတ်ႉၶိူင်ႈၼၼ်ႉ မီးၵူၼ်းၶီႇမႃးၸွမ်းၵၼ် 3 ၵေႃႉ။ လုၵ်ႈဢွၼ်ႇၵေႃႉၼိုင်ႈလႄႈၵူၼ်းလူင် သွင်ၵေႃႉ။ တၢႆထင်တီႈတင်းမူတ်း။

ဢူးတိၼ်ႇမွင်ႇတဵင်း ၸုမ်းၸွႆႈထႅမ်ၵူၼ်းထူပ်းၽေး တီႈဝဵင်းၵျွၵ်ႉမႄးလၢတ်ႈဝႃႈ- “ၵူၼ်းဢၼ်တၢႆၵႂႃႇသၢမ်ၵေႃႉၼၼ်ႉ ဢမ်ႇႁူႉၸၵ်းၶဝ် ဝႃႈၶဝ်ပဵၼ်ၽႂ်။ ႁၼ်မၢႆၾၢင် မၢတ်ႉပုင်ႇတိၼ်ႇ ဢၼ်ၼိုင်ႈၵူၺ်း။ ၸိုဝ်ႈႁွင်ႉ မၸၢၼ်းၸၢၼ်းဢေး။ ဢႃယုလႆႈ 28 ပီ။ ယူႇပူႇတႃႇၸေႈဢႅၼ်ႇ ဝဵင်းသီႇပေႃႉ။ မိုဝ်းထိုဝ်ၶဝ်ၵေႃႈ လုလႅဝ်မူတ်းလႄႈ ဢမ်ႇၸၢင်ႈတူၺ်းတီႈဢၼ်တေလႆႈ ၵပ်းသိုပ်ႇတိတ်းတေႃႇၸူး။ ၵွပ်ႈၼၼ် ပဵၼ်ပီႈၼွင်ႉၽႂ်ၵေႃႈ တိတ်းတေႃႇမႃးတီႈၶႃႈႁဝ်းလႆႈယူႇၶႃႈ ဝႃႈၼႆ။

Photo Credit to – Tin Maung Thein- မၢႆၾၢင်ၽူႈတၢႆ ယွၼ်ႉလူတ်ႉၵႃးလႄႈလူတ်ႉၶိူင်ႈၽႃႇၺႃးၵၼ်တၢင်းၶဝ်ႈဝဵင်းၵျွၵ်ႉမႄး 11/6/2019

ၵူၼ်းဢၼ်ပႃးမႃးၸွမ်းလူတ်ႉၵႃးယႂ်ႇတႄႉ ဢမ်ႇမၢတ်ႇၸဵပ်းသင်သေ ယၢမ်းလဵဝ် ၸဝ်ႈၼႃႈတီႈႁွင်ႉၵူတ်ႇထတ်းထဵတ်ႈထၢမ်ဝႆႉယူႇဝႃႈၼႆ။

သဵၼ်ႈတၢင်းဝဵင်းသီႇပေႃႉ ၵျွၵ်ႉမႄးၼႆႉ ပဵၼ်သဵၼ်ႈတၢင်းလူင် ဢၼ်ၵပ်းသိုပ်ႇတိတ်းတေႃႇတင်း မိူင်းၶႄႇၵမ်းသိုဝ်ႈလႄႈ လူတ်ႉတၢင်ႇၶူဝ်းၶွင်ၵေႃႈၼမ်။ ႁေႃဝႆး။ၵွပ်ႈၼၼ်လႄႈလူတ်ႉၵမ်းၵမ်းၽႃႇၺႃးၵၼ်။

 

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း