ၾႆးမႆႈ ၶိူင်ႈမိၼ်မိူင်း ရတ်ႉသျိူဝ်း လမ်းၼိုင်ႈ မိူဝ်ႈၽွင်းမိၼ်ယူႇၼိူဝ်ၵၢင်ႁၢဝ်ၼၼ်ႉသေ ၵိုင်ႉၵၢင်ႉလႆႈလူင်း ။ ၵူၼ်းလုတၢႆထိုင် 40 ပၢႆ။
ဝၼ်းတီႈ 5 ယၢမ်းႁူဝ်ၶမ်ႈ 6 မူင်း မိူင်းမေႃႇသၵူဝ်ႇ ၸိုင်ႈမိူင်းရတ်ႉသျိူဝ်း ၶိူင်ႈမိၼ် SSJ 100 လုၵ်ႉတီႈၶူင်ႇႁိူဝ်းမိၼ် သျိူဝ်ႊရိူဝ်ႊမေႇတီႇဝိူဝ်ႇ မိၼ်ၶိုၼ်ႈၵၢင်ႁၢဝ်ၵႂႃႇ။ ၽွင်းမိၼ်ၶိုၼ်ႈလႆႈ 40 မိၼိတ်ႉၼၼ်ႉ ၾႆးလုၵ်ႉမႆႈတူဝ်ၶိူင်ႈမိၼ်လႄႈ ၸင်ႇလႆႈမႃးလူင်းၶိုၼ်းတီႈၶူင်ႇႁိူဝ်းမိၼ် သျိူဝ်ႊရိူဝ်ႊမေႇတီႇဝိူဝ်ႇ ၶိုၼ်း။
ႁွင်ႈၵၢၼ်ၶၢဝ်ႇ Tass မိူင်းမေႃႇသၵူဝ်ႇ ပိုၼ်ၽၢဝ်ႇဝႃႈ ၶိူင်ႈမိၼ်လမ်းၼႆႉ လုၵ်ႉဢဝ်တီႈမိူင်းမေႃႊသၵူဝ်ႊ သေဢၢၼ်းတေၵႂႃႇမိူင်း မိူဝ်းလ်မၢၵ်ႉသ်ၶ် ။ ၶွမ်ႊမတီႊ ၾၢႆႇၵူတ်ႇထတ်းၸွပ်ႇလွင်ႈ လၢတ်ႈဝႃႈ ၶိူင်ႈမိၼ် တၢင်ႇၵူၼ်းၵႂႃႇ 78 ၵေႃႉ။ ၾႆးမႆႈၶိူင်ႈမိၼ်သေ ၵူၼ်းတၢႆၵႂႃႇ 41 ၵေႃႉ။ ထိုင်တီႈၶိူင်ႈမိၼ်လူင်းၸွတ်ႇလႆႈ ၵူၼ်းဢၼ်ဢမ်ႇတၢႆၵိုတ်းလိူဝ် 37 ၵေႃႉၵူၺ်း ဝႃႈၼႆ။
ၾႆးမႆႈၼႆႉပဵၼ်ယွၼ်ႉ ၾႃႉၽႃႇၶိူင်ႈမိၼ်ဝႃႈၼႆသေတႃႉ ၸဝ်ႈၼႃႈတီႈ တိုၵ်ႉႁွင်ႉၵူၼ်းၸိူဝ်းၵိုတ်းလိူဝ် မႃးၵူတ်ႇထတ်းထဵတ်ႈထၢမ်ယူႇဝႃႈၼႆ။
ၶၢဝ်ႇ-xinhua