လူမ်းလႅင်ႉသႅၼ်းယႂ်ႇႁၢဝ်ႈႁႅင်း ၸိုဝ်ႈႁွင်ႉလူမ်းလႅင်ႉ ၾၼီႊ ( Cyclone Fani)လုၵ်ႉတၢင်းၼႃႈၼမ်ႉပၢင်ႇလၢႆ ပင်ႊၵလႃႊ (Bay of Bangal) ၽတ်ႉၶဝ်ႈမိူင်းဢိၼ်ႊတီႊယႃႊ မီးၵူၼ်းလုတၢႆမၢတ်ႇၸဵပ်း ယူႇၽွင်ႈသေတႃႉ ယွၼ်ႉၾၢႆႇပွင်ႇၶၢဝ်ႇ သူင်ႇၶေႃႈမုလ်းၶၢဝ်ႇသၢၼ်ၶိုတ်းတၼ်းလႄႈ ပဵၼ်ဢၼ်မၢတ်ႇၸဵပ်းလုတၢႆလဵၵ်ႉဢႄႇတႄႉတႄႉ ဝႃႈၼႆ။
လူမ်းလႅင်ႉ ၾၼီႊၼႆႉ တေၽတ်ႉပဝ်ႇၶဝ်ႈၼႂ်းၸေႈမိူင်းၼႃႈဝၼ်းဢွၵ်ႇမိူင်းဢိၼ်ႊတီႊယႃႊ ၼႆႉ ၾၢႆႇပွင်ႇၶၢဝ်ႇ ပိုၼ်ၽၢဝ်ႇဝႆႉလူင်ႈၼႃႈၸဵမ်ၵွၼ်ႇၼႃႈၼၼ်ႉသေ လူင်ပွင်ၸိုင်ႈၵေႃႈၼႅတ်ႈၶၢႆႉၵူၼ်းမိူင်း ပၢႆႈၽေးဝႆၶိုတ်းတၼ်း။ ၵူၼ်းမိူင်း လၢၼ်ႉသွင် တၼ်းလႆႈၶၢႆႉပၢႆႈလွတ်ႈၽေးလူမ်းလႅင်ႉၼႆႉ ဝႃႈၼႆ။
ဝၼ်းတီႈ 4 လိူၼ်မေႊၼႆႉ လူမ်းလႅင်ႈၶဝ်ႈၼႂ်းၸေႈမိူင်း ဢေႃႊရိသ ဢၼ်တိတ်းၸပ်းပၢင်ႇလၢႆႇ ပႅင်ႊၵေႃႊလ် (ပင်းၵလႃး) ။ ၵူၼ်းမိူင်းလုတၢႆ10 ၵေႃႉပၢႆ။ ဢၼ်တုမ်ႉတိူဝ်ႉၼမ်လိူဝ်ပိူၼ်ႈပဵၼ်ၸေႈတွၼ်ႈ ၼူဝ်ႊၶႃႊလီႊ။ လင်ႁိူၼ်းလုၵွႆၼမ်။ ၵူၼ်းမၢတ်ႇၸဵပ်းမီး 30 ပၢႆ ။
လၢႆလၢႆဝၢၼ်ႈဢၼ်ယူႇႁိမ်းၾင်ႇၼမ်ႉပၢင်ႇလၢႆၼၼ်ႉ ၼမ်ႉထူမ်ႈဝၢၼ်ႈလႄႈ ၶိုၼ်းတေလႆႈသၢင်ႈႁိူၼ်းယေးတီႈယူႇမႂ်ႇမူတ်း ဝႃႈၼႆ။
မိူဝ်ႈၽွင်း လူမ်းလႅင်ႉလူင် ၾၼီႊ ၽတ်ႉပဝ်ႇၼၼ်ႉ ႁႅင်းလူမ်း ဢၼ်ႁႅင်းသုတ်း ၽတ်ႉပဝ်ႇ 1 ၸူဝ်ႈမူင်း ထိုင် 125 လၵ်း။ လူမ်းလႅင်ႉၼၼ်ႉ ပူၼ်ႉၶိုၼ်ႈၵႂႃႇတၢင်း ၸိုင်ႈမိူင်း ပင်းၵလႃးတဵတ်ႉသ် သေ ႁႅင်းၽတ်ႉပဝ်ႇၵေႃႈယွမ်းလူင်းထိုင် 1 ၸူဝ်ႈမူင်း 43 လၵ်းၵူၺ်းလႄႈ မိူင်းပင်းၵလႃးတဵတ်ႉသ် ၵေႃႈလွတ်ႈၽေး လူမ်းလႅင်ႉ။
ယၢမ်းလဵဝ်လူင်ပွင်ၸိုင်ႈ ၸေႈမိူင်း ဢေႃးရိသ ၶပ်းၶိုင်သူင်ႇၵူၼ်းပၢႆႈၽေး ၶိုၼ်းပွၵ်ႈတီႈယူႇၵဝ်ႇယူႇ။ တေဢဝ်ၶၢဝ်းယၢမ်းမွၵ်ႈ 4-5 ဝၼ်းၼႆႉဝႃႈၼႆ။
လူမ်းလႅင်ႉ ၾၼီႊၼႆႉ ႁႅင်းလူမ်းဢမ်ႇပေႃးပၢႆႈပိူင်ႈၵၼ်တင်း လူမ်းလႅင်ႉ ၼႃႊၵိတ်သ်ႉ ဢၼ်ၽတ်ႉပဝ်ႇမိူဝ်ႈပီ 2008 ၼၼ်ႉဝႃႈၼႆ။
ၶၢဝ်ႇ – BBC
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ