ႁွင်ႈၵၢၼ်ၾၢႆႇၵဵပ်းသဵၼ်ႈမၢႆႁူဝ်ၵူၼ်း မိူင်းႁူမ်ႈတုမ် ပိုၼ်ၽၢဝ်ႇဝႃႈ ဢိင်ၼိူဝ်သဵၼ်ႈသၢႆမၢႆႁူဝ်ၵူၼ်း ဢၼ်ၵဵပ်းမိူဝ်ႈ 2014 ၼၼ်ႉသေ လႆႈဢဝ်သဵၼ်ႈမၢႆႁူဝ်ၵူၼ်းၼႂ်းၸေႈတွၼ်ႈလႂ် ၸေႈတွၼ်ႈၼၼ်ႉမႃး ႁုပ်ႈၸု ၼပ်ႉသွၼ်ႇၽိူမ်ႉထႅမ်တူၺ်း၊ ႁူဝ်ၼပ်ႉၵူၼ်းမိူင်းႁူမ်ႈတုမ်မၢၼ်ႈ လႃႈသုတ်းမီးယူႇ 54 လၢၼ်ႉၵေႃႉ ဝႃႈၼႆ။
ၸွမ်းၼင်ႇသဵၼ်ႈမၢႆႁူဝ်ၵူၼ်း ဢၼ်လႆႈ လႃႈသုတ်း ဝၼ်းတီႈ 1/04/2019 ၼၼ်ႉ ဝႃႈ ၸေႈမိူင်းၶၢင်မီးႁူဝ်ၵူၼ်း တင်းၸၢႆး တင်းယိင်းႁူမ်ႈ 1,881,362 ၊ ၸေႈမိူင်းယၢင်းလႅင်မီး 320,216၊ မိူင်းယၢင်းၽိူၵ်ႇမီး 1,605,697၊ မိူင်းၶျၢင်းမီး 516,752 ၊ မိူင်းမွၼ်း 1,995,068 ၊ မိူင်းရၶႅင်ႇ 3,325,116၊ မိူင်းတႆးမီး 6,332,188 ၊ တိူင်းၸေႈၵႅင်း မီး 5,550,389၊ တိူင်းတၼၢဝ်းသီ 1,479,086၊ တိူင်းပႃႇၵိူဝ်မီး 4,934,428၊ တိူင်းမၵူၺ်းမီး 3,937,278၊ တိူင်းတႃႈလိူဝ်ႇမီး 6,477,740၊ တိူင်းတႃႈၵုင်ႈ မီး 8,203,832၊ တိူင်းၼမ်ႉၵဵဝ် 6,272,913 ၊ ၼႃႈလိၼ်ၶွင်ႊသီႊၼေႇပီႇတေႃႇ 1,269,188 သေယဝ်ႉ ၼႂ်းမိူင်းႁူမ်ႈတုမ်ပတ်းပိုၼ်ႉၼႆႉႁူဝ်ၵူၼ်းႁူမ်ႈၵၼ်မီး 54,101,253 ၵေႃႉ ဝႃႈၼႆ။
ဢၢင်ႈဢိင်ၶၢဝ်ႇ – Xinhua