ၵဵဝ်ႇၵပ်းၵၢၼ်ၵေႃႇသၢင်ႈၾၢႆတီႈႁူဝ်ၼမ်ႉၵဵဝ် (မျိတ်ႉသူင်ႇ)ၼၼ်ႉသင်ၸိူဝ်ႉဝႃႈလူင်ပွင်ၸိုင်ႈ ဢမ်ႇႁဵတ်းဢၼ်ထုၵ်ႇလီႁဵတ်းၼၼ်ႉၸိုင် ယူႇတီႈၸုမ်းပေႉပၢင်လိူၵ်ႈတင်ႈ 1990 တေဢမ်ႇၸုၵ်းတူၺ်းလၢႆလၢႆ ။   တေသၢၼ်ၶတ်းႁႂ်ႈထိုင်တီႈဝႃႈၼႆ။

ၸဝ်ႈၶုၼ်ထုၼ်းဢူးႁူဝ်ပဝ်ႈပႃႇတီႇႁူဝ်သိူဝ် လၢတ်ႈတီႈပၢင်ႁူပ်ႉထူပ်းၸုမ်းဢူၺ်းလီ (ပေႉပၢင်လိူၵ်ႈတင်ႈ 1990 ) တႃႇတင်ႈပႃႇတီႇၵၢၼ်မိူင်း  ဢၼ်ၸတ်းႁဵတ်းတီႈႁွင်ႈ ရႃႇမ ၵရိတ်ႉသၼႃ ဝဵင်းလူင်တႃႈၵုင်ႈ ၼႂ်းဝၼ်းတီႈ 5/4/2019 ဝၼ်းမိူဝ်ႈၼႆႉ။

ၸဝ်ႈၶုၼ်ထုၼ်းဢူးလၢတ်ႈဝႃႈ “ပၼ်ႁႃၵၢၼ်ၵေႃႇသၢင်ႈၾၢႆၼႆႉပဵၼ်ဢၼ်လမ်ႇလွင်ႈတႃႇႁဝ်းၵူၼ်းမိူင်းတႄႉတႄႉ။ ယူႇတီႈႁဝ်းၶႃႈသေ တေၸုၵ်းၾၢႆႇၵူၼ်းမိူင်းသေ တေသၢၼ်ၶတ်းၵႂႃႇႁႂ်ႈထိုင်တီႈ” – ဝႃႈၼႆ။

တီႈပၢင်ႁူပ်ႉထူပ်းၵၼ်ၼႆႉ ပႃႇတီႇၵၢၼ်မိူင်း ၸိူဝ်းပေႉပၢင်လိူၵ်ႈတင်ႈ 1990 သေလႆႈပဵၼ်ၽူႈတႅၼ်းသၽႃးဝႆႉ မိူၼ်ၼင်ႇ ပႃႇတီႇၵၢၼ်မိူင်းၸၢဝ်းၶိူဝ်းၸိူဝ်းၶဝ်ႈၶွမ်ႊမတီႊတူဝ်တႅၼ်းၵူၼ်းမိူင်း CRPP လႄႈသင်ႈ ဢၼ်ပဵၼ်လုၵ်ႈၸုမ်း NLD သေ တူင်ႉၼိုင်ၵၢၼ်မိူင်းယူႇတင်းၼွၵ်ႈႁင်းၶေႃ လႄႈ ၽူႈတူင်ႉၼိုင်ၵၢၼ်မိူင်း ၶဝ်ႈႁူမ်ႈၼပ်ႉႁူဝ်ပၢၵ်ႇ။

ဢၢင်ႈဢိင်ၶၢဝ်ႇ – RFA