ၸုမ်းၶၢဝ်ႇ သဵင်တႆးလႅင်  The Voice of Shan-Ni ပိုတ်ႇလုမ်းတီႈပွၵ်ႉ ယႂႃႇတိတ်ႉၵူင်း ဝဵင်းမိူင်းယၢင်း ၸႄႈတွၼ်ႈမိူင်းယၢင်း ၸေႈမိူင်းၶၢင်။

ပိုတ်ႇလုမ်းမိူဝ်ႈဝၼ်းတီႈ 1 လိူၼ်ဢေႊပရိူဝ်ႊလ်။ လူႇတၢၼ်းသွမ်းၼႂ်တီႈ သင်ႇၶၸဝ်ႈသေ ပိုတ်ႇပၢႆႉ လုမ်း ယၢမ်းၵၢင်ၼႂ် 8 မူင်း 15 မိၼိတ်ႉ။ မီးၽူႈၵွၼ်းပွၵ်ႉယွမ်ႇလႄႈ ၽူႈယႂ်ႇၵူၼ်းလူင်၊ ပေႃႈၾႃႉမႄႈမိူင်းလႄႈၶႅၵ်ႇမႃးၶဝ်ႈႁူမ်ႈ။

ၽူႈထတ်းထွင်လိၵ်ႈ (ဢႄႊတီႊတိူဝ်ႊ) The Voice of Shan-Ni ၸၢႆးဢွင်ႇမဵဝ်းလုၼ်ႇ လၢတ်ႈဝႃႈ-“ တႃႇတေပၵ်းလုမ်းၶၢဝ်ႇသဵင်တႆး လႅင် ၼႂ်းပိုၼ်ႉတီႈပီႈၼွင်ႉတႆးလႅင်ယူႇသဝ်းၼႆႉ ပဵၼ်ယိူင်းဢၢၼ်းႁဝ်းၶႃႈမီးမႃးႁိုင်ၼၢၼ်း။ ဢဵၼ်းဢၢၼ်း မႃးလႆႈ5 ပီယဝ်ႉၸင်ႇတဵမ်ထူၼ်ႈ။ သဵင်တႆးလႅင် ၼႆလႄႈ ၼင်ႇႁိုဝ်တေၸၢင်ႈယူႇ ၸမ်ပီႈၼွင်ႉ  တႆးလႅင် ႁဝ်းသေ ထွမ်ႇသဵင်တႆးလႅင် ပိုၼ်ၽၢဝ်ႇပၼ်ၶိုၼ်းၼၼ်ႉ ၸင်ႇလႆႈၶိုင်ပွင် မႃးပၵ်းလုမ်း တီႈၼႆႈၶႃႈဢေႃႈ” – ဝႃႈၼႆ။

ယူႇတီႈၸုမ်းၶၢဝ်ႇ သဵင်တႆးလႅင်ၼႆႉသေ တႄႇဢိတ်ႇဢွၵ်ႇပိုၼ်ၽၢဝ်ႇၽိုၼ်လိၵ်ႈ ၵျႃႇၼႄႇ သဵင်တႆးလႅင် မိူဝ်ႈဝၼ်းတီႈ 1/7/2014 ။ ဢိတ်ႇဢွၵ်ႇပိုၼ်ၽႄႈတီႈဝဵင်းလိူဝ်ႇ။ ယၢမ်းၼၼ်ႉ လုမ်းၵေႃႈပၵ်းတီႈဝဵင်းလိူဝ်ႇ။