Friday, March 29, 2024

လုၵ်ႈဢွၼ်ႇၸၢႆးဢႃႇယု 5 ပီ  ၸၢၵ်ႇမၢၵ်ႇတိူဝ်ႉတီႈၵွၵ်းႁူဝ် လႆႈသူင်ႇတူဝ်ဝႆႉတီႈႁူင်းယႃလႃႈသဵဝ်ႈ

Must read

လုၵ်ႈဢွၼ်ႇၸၢႆးဢႃႇယု  5 ပီ တိူဝ်ႉၺႃးၸၢၵ်ႇမၢၵ်ႇယွၼ်ႉပၢင်တိုၵ်း ၼႂ်းၸေႈဝဵင်း သီႇပေႃႉ။ ယၢမ်း လဵဝ်သူင်ႇတူဝ်ဝႆႉတီႈႁူင်းယႃလႃႈသဵဝ်ႈ။

- Subscription -

ၸုမ်းဢူၺ်းလီပွတ်းႁွင်ႇလႄႈ RCSS လႆႈပဵၼ်ပၢင်တိုၵ်းၵၼ် တီႈဝၢၼ်ႈၼွင်ငိုၼ်း ၸေႈဝဵင်းသီႇပေႃႉ မိူဝ်ႈဝၼ်းတီႈ 04/03/2019   ၼၼ်ႉ မၢၵ်ႇလူင်တူၵ်းသႂ်ႇႁိမ်းဝၢၼ်ႈ ၸၢၵ်ႇမၢၵ်ႇတိူဝ်ႉသႂ်ႇႁိူၼ်းၵူၼ်းလႄႈ တိူဝ်ႉမႅၼ်ႈၵွၵ်းႁူဝ်လုၵ်ႈဢွၼ်ႇၸၢႆး ဢႃယု 5 ပီ  ။

မၢႆးၸၢႆး ၵူၼ်းမၢၼ်ႈလီႈ ၽူႈၸွႆႈထႅမ်ဢဝ်လုၵ်ႈဢွၼ်ႇသူင်ႇႁူင်းယႃ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ- “လုၵ်ႈဢွၼ်ႇၼႆႉ ပဵၼ်ၵူၼ်းမၢၼ်ႈၼွင်ငိုၼ်း။ လႆႈတၢင်းမၢတ်ႇၸဵပ်းသေ မႃးမီးတီႈ ပၢင်သဝ်းၵူၼ်း ပၢႆႈၽေးသိုၵ်း (ၵျွင်းမုၼ်ၸဝ်ႈမၢၼ်ႈလီႈ) တီႈႁဝ်းၶႃႈယူႇၼႆႉလႄႈ မိူဝ်ႈဝႃးၼႆႉ ၸုမ်းၼႄႇၸီးမၶျႃး တူင်ႇဝူင်းၵူၼ်းၶဝ်သမ်ႉၸူဝ်းဢဝ်လုၵ်ႈဢွၼ်ႇၼႆႉၵႂႃႇသူင်ႇႁူင်းယႃလႃႈသဵဝ်ႈ။ ၶႃႈႁဝ်းလႆႈၸွမ်းၸွႆႈ ထႅမ်သိုဝ်ႇသၢၼ်ပၼ်ၼႂ်းၵၢင်ၶဝ် ၼင်ႇႁိုဝ်တေလႆႈငၢႆႈလူမ်ၸႂ် ”- ဝႃႈၼႆ။

ဝၢၼ်ႈၼွင်ငိုၼ်းၼႆႉပဵၼ်ဝၢၼ်ႈၸၢဝ်းတဢၢင်းလႄႈတႆးၵမ်ႈၽွင်ႈ ယူႇလူၺ်ႈၵၼ်ဝႆႉ။ လုၵ်ႈဢွၼ်ႇ ဢၼ်တိူဝ်ႉၺႃး ၸၢၵ်ႇမၢၵ်ႇၼႆႉ  ၸိုဝ်ႈႁွင်ႉ မၢႆးဢွင်ႇၶမ်း ဢႃယု 5 ပီ။ ယူႇၸွမ်းၵေႃႉပဵၼ်ၼၢႆးလႄႈ ၵေႃႉပဵၼ်မႄႈ။ ပၢႆႈၽေးမႃးယူႇဝႆႉတီႈဝတ်ႉၵျွင်းမၢၼ်ႈလီႈ လႆႈ 2 ဝၼ်း  ယဝ်ႉၸင်ႇၸၢင်ႈၵႂႃႇႁူင်းယႃ ။ ပဵၼ်ၸၢၵ်ႇမၢၵ်ႇဢၼ်ၸုမ်းလႂ်ယိုဝ်းၶဝ်ႈဝၢၼ်ႈတႄႉဢမ်ႇႁူႉ ဝႃႈၼႆ။

ၵူဝ်ႇမၢႆးၸၢႆး သိုပ်ႇလၢတ်ႈထႅင်ႈဝႃႈ – “ၸဵပ်းတႄႉ ဢမ်ႇလႆႈမႆႈၸႂ်ႁႅင်းၼင်ႇၵဝ်ႇ။ ၵူၺ်းၵႃႈ ၸပ်းတီႈ ၵွၵ်း ႁူဝ်ၼႆလႄႈ သမ်ႉပဵၼ်လုၵ်ႈဢွၼ်ႇထႅင်ႈလႄႈ လႆႈသႂ်ႇၸႂ်ဝႆႉၼၵ်း။  မီးၸုမ်းယိပ်းၵွင်ႈၸုမ်းၼိုင်ႈ တူၺ်း လူဝႆႉယူႇဝႃႈၼႆသေတႃႉ မၼ်းၵေႃႈယၢပ်ႇၽိုတ်ႇယူႇႁင်းၶဝ်ၼင်ႇၵဝ်ႇ။ မႄႈလုၵ်ႈဢွၼ်ႇၼၼ်ႉသမ်ႉ မီးလုၵ်ႈလႅင်ဝႆႉထႅင်ႈ လူး။”- ဝႃႈၼႆ။

ဝၢၼ်ႈၼွင်ငိုၼ်းၼႆႉ မီးၼႂ်းဢိူင်ႇမၢၼ်ႈလီႈ မီးႁိမ်းလႅၼ်လိၼ်တိတ်းၸပ်းဝဵင်းသီႇပေႃႉ – ၵေးသီး-မိူင်းၵိုင်။  ဝၼ်းတီႈ 04/03/2019 ၼၼ်ႉ ယွၼ်ႉပဵၼ်ပၢင်တိုၵ်းလႄႈ ၵူၼ်းဝၢၼ်ႈၼွင်ငိုၼ်း 600 ပၢႆ လႆႈပၢႆႈသွၼ်ႈဝႆႉယူႇတီႈ ၵျႂင်း မၢၼ်ႈလီႈ တေႃႇထိုင်ဝၼ်းမိူဝ်ႈၼႆႉ ပႆႇၸၢင်ႈပွၵ်ႈႁိူၼ်းၶိုၼ်း။ ယၢမ်းလဵဝ်ၵူၼ်းပၢႆႈၽေး သိုၵ်းတီႈ ၼႂ်းၸေႈဝဵင်းသီႇပေႃႉ မီးႁူဝ်ၵူၼ်ႊ 2400 ပၢႆယဝ်ႉလႄႈ ယၢပ်ႇၽိုတ်ႇၶဝ်ႈၼမ်ႉတၢင်းၵိၼ်ယူႇဝႃႈၼႆ။

 

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း