ဝၼ်းတီႈ 9/8/2025 မိူဝ်ႈၼႆႉယၢမ်းဝၢႆးဝၼ်း 4 မူင်းသိုၵ်းမၢၼ်ႈဢဝ်ႁိူဝ်းမိၼ်သိုၵ်း ယိုဝ်းၼႂ်းဝဵင်းသီႇပေႃႉ တူၵ်းသႂ်ႇၼႂ်းပွၵ်ႉၸၢင်ႈၶမ်းၸၢၼ်းလႄႈပွၵ်ႉမၢၼ်ႈ ။ ၵူၼ်းမိူင်းဝဵင်းသီႇပေႃႉၵေႃႉၼိုင်ႈလၢတ်ႈဝႃႈ တူၵ်းသႂ်ႇတီႈသုမ်ႉၾၢႆႇၵေႃႇသၢင်ႈပွၵ်ႉမၢၼ်ႈ၊ တူၵ်းသႂ်ႇပႃးတီႈသူၼ်မွၵ်ႇၸၢၼ်းမႃႇလႃႇလႄႈ ၵျွင်းႁေႃၼမ်ႉ ၼႂ်းပွၵ်ႉၸၢင်ႈၶမ်းၸၢၼ်း။ တူၵ်း 4 လုၵ်ႈ -ဝႃႈၼႆ။ ပေႃးပႃးဝၼ်းမိူဝ်ႈၼႆႉၼႆ ဢၼ်သိုၵ်းမၢၼ်ႈဢဝ်ႁိူဝ်းမိၼ်မႃးပွႆႇမၢၵ်ႇတီႈဝဵင်းသီႇပေႃႉၼႆႉ ၼႂ်းၶၢဝ်းတၢင်း 2 လိူၼ်ၵူၺ်းမီး 9 ၵမ်းယဝ်ႉ ၵူၼ်းပိုၼ်ႉတီႈလၢတ်ႈၼင်ႇၼႆ။ လိူၼ်ဢေႃႊၵတ်ႉသ်ၼႆႉဝၼ်းတီႈ 3...

မိူဝ်ႈၼႆႉ ဝၼ်းတီႈ 15 /07/2025 ယၢမ်းၵၢင်ဝၼ်း မွၵ်ႈ 1 မူင်း ႁိူဝ်းမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇ ၵဵၵ်ႉလၢၼ်ႇသိုၵ်းတဢၢင်း ဢၼ်တင်ႈဝႆႉႁိမ်းၶူဝ် တၢင်းၽႄမၢၼ်ႈပိုၼ်ႉ သဵၼ်ႈတၢင်းၶဝ်ႈဝဵင်းမိူင်းငေႃႉ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ ၼၢင်းယိင်းၵူၼ်းမိူင်းငေႃႉ  လၢတ်ႈတီႈၽူႈတွႆႇႁွၵ်ႈဝႃႈ “ဢမ်ႇၸႂ်ႈၶူဝ်ဢၼ်မီးၼႂ်းဝဵင်း။ မၢၵ်ႇတူၵ်းသႂ်ႇႁိမ်းၶူဝ် တီႈတၢင်းၽႄ မၢၼ်ႈပိုၼ်ႉ တၢင်းၶဝ်ႈမႃးဝဵင်းမိူင်းငေႃႉၼၼ်ႉ။ ၶူဝ်ဢမ်ႇပေႃးတိူဝ်ႉႁႅင်းလႄႈ ယင်းတိုၵ်ႉတေႃႉတႄႉၵႂႃႇမႃးလႆႈယူႇ”...