ၼႂ်းတွၼ်ႈပႂ်ႉပႃးႁၵ်ႉသႃၸိူဝ်ႉၸၢတ်ႈၸဝ်ႈၵဝ်ႇၼၼ်ႉ မီးလၢႆၶၵ်ႉတွၼ်ႈယူႇ မိူၼ်ၼင်ႇ ၵၢၼ်မိူင်း၊ ၵၢၼ်သိုၵ်း၊ ၵၢၼ်ၵူၼ်း ၼႆၸိူဝ်းၼႆႉ။ ၼႂ်းၵၢၼ်ၵူၼ်းၼၼ်ႉ ပႃးၾိင်ႈငႄႈၾိင်ႈထုင်း လိၵ်ႈလၢႆးၵႂၢမ်းလၢတ်ႈ ၸဵမ်ၸိူဝ်းၼႆႉထႅင်ႈ။ ယွၼ်ႉၼၼ် သင်ဝႃႈ ၵူဝ်ၸိူဝ်ႉၸၢတ်ႈၸဝ်ႈၵဝ်ႇမွတ်ႇၸူမ်ႁၢႆဝၢႆးၵႂႃႇၼႆၸိုင် ၾိင်ႈငႄႈၾိင်ႈထုင်းၵေႃႈ တေပွႆႇၽႃႈပႅတ်ႈဢမ်ႇလႆႈ။ မၼ်းပဵၼ်ၶၵ်ႉတွၼ်ႈဢၼ်ၼိုင်ႈ ဢၼ်သိုပ်ႇသၢႆၶိူဝ်းၵႂႃႇလႆႈယိုၼ်းယၢဝ်း ၶၢဝ်းႁိုင်။ ၽူႈႁၵ်ႉၼိူဝ်ၸိူဝ်ႉၸၢတ်ႈဝၢၼ်ႈမိူင်းၶဝ် ယၢမ်ႈလၢတ်ႈဝႆႉဝႃႈ တီႈလႂ်တီႈမီးလူမ်းယဵၼ် တီႈၼၼ်ႈ တေလႆႈမီးသဵင်ၵႂၢမ်းတႆး၊ တီႈလႂ် ဢၼ်မီးၼမ်ႉမီးလိၼ်မီးႁိၼ်မီးသၢႆးၼၼ်ႉ...

ပေႃးထိုင်ၶၢဝ်းႁႅင်ႈ/တူင်ႈပွင်ႇမႃး ၸွမ်းၼင်ႇၾိင်ႈထုင်း ၸၢဝ်းၶိူဝ်းတႆးမီးၼၼ်ႉ ၵူၼ်းမိူင်းၸိုင်ႈတႆး ပၢၼ်ပူႇမွၼ်ႇၼၢႆးယႃႈ ပၢၼ်သိုပ်ႇပၢၼ် ၼပ်ႉသွၼ်ႇပဵၼ်ၶၢဝ်းၵိၼ်ၶၢဝ်းတၢၼ်းသေ ဢဝ်လုၵ်ႈလၢၼ်ၶဝ်ႈ ႁၢပ်ႇၵိုတ်ႉၵၢၼ်သႃသၼႃ လူၺ်ႈႁဵတ်း ပွႆးသၢင်ႇလွင်း ၼုင်ႈပဵၼ်သၢင်ႇပဵၼ်ၸၢင်း။ ယၢမ်းလဵဝ် ဢိင်ၼိူဝ်ၾိင်ႈထုင်း ပွႆးသၢင်ႇလွင်းၽႄႈတိူၼ်းၵႂၢင်ႈၶႂၢင်မႃးသေ ၶႂ်ႈႁဵတ်းၸွတ်ႇတူဝ်ႈၼႂ်းၸိုင်ႈတႆး ပတ်းပိုၼ်ႉ ပွတ်းႁွင်ႇ ပွတ်းၵၢင် ပွတ်းၸၢၼ်း လႄႈ ပွတ်းဢွၵ်ႇ။ ဢိင်ၼိူဝ်ပီႈၼွင်ႉတႆးမိူင်းတႆးၶဝ်ႈႁဵတ်းၵၢၼ်မိူင်းထႆးၼမ်သေ 9-10 ပီမႃးၼႆႉ...