“တႅမ်ႈမိူၼ်လၢတ်ႈမိူၼ် ဢင်းၵိသျ်း(ဢိင်းၵလဵတ်ႈ) ၊ တႅမ်ႈမိူၼ်လၢတ်ႈဢမ်ႇမိူၼ်ပဵၼ်ၶႄႇ လၢတ်ႈမိူၼ်တႅမ်ႈဢမ်ႇမိူၼ်ပဵၼ်တႆး” ၸဝ်ႈၸၢင်ႉ ယွင်ႁူၺ်ႈ ယၢမ်ႈ လၢတ်ႈၼင်ႇၼႆ။ လူၵ်ႈ(လူဝ်းၵ/လုမ်ႈၾႃႉ) ၵူႈဝၼ်းၼႆႉလႅၵ်ႈလၢႆႈ ၊ လွင်ႈဢၼ်မႂ်ႇမႂ်ႇၵေႃႈဢွၵ်ႇမႃး ႁူမ်ႈတင်းၸိုဝ်ႈသိင်ႇၶွင် ထွႆႈၵႂၢမ်း လၢတ်ႈၵေႃႈ မီးၵၢၼ်ယူၵ်ႉမုၼ်း ထွႆႈၵႂၢမ်းမႂ်ႇဢွၵ်ႇမႃး။  ပဵၵ်ႉသမ်ႉတႆးႁဝ်းတိုၵ်ႉမႅတ်ႇပႅင်းပႂ်ႉပႃး ႁၵ်ႉသႃထွႆႈၵႂၢမ်း ၵဝ်ႇၵဝ်ႇ ဢမ်ႇယွမ်းလႅၵ်ႈလၢႆႈ ဢမ်ႇယွမ်းဢဝ် ဢမ်ႇယွမ်းႁပ်ႉ သိင်ႇ(ဢၼ်)ၵိူတ်ႇမႂ်ႇ...

ၵႂၢမ်းၵပ်းထုၵ်ႇဢင်းၵိတ်းဝႃႈ You can never know your own language until you know a few others (ပေႃးၸဝ်ႈၵဝ်ႇဢမ်ႇႁူႉၽႃႇသႃႇ(ၽႃသႃ)ၵႂၢမ်းလၢတ်ႈပိူၼ်ႈၵမ်ႈၽွင်ႈၸိုင် ဢမ်ႇၸၢင်ႈႁူႉလႆႈ ၽႃႇသႃႇ(ၽႃသႃ)ၵႂၢမ်းလၢတ်ႈတူဝ်ၵဝ်ႇ)။ ၽူႈတွႆႇႁွၵ်ႈ ၶႂ်ႈထႅမ်ဝႃႈ “ပေႃးဢမ်ႇႁူႉၵႂၢမ်းတႆးတၢင်ႇပိုၼ်ႉတီႈလီလီၽွင်ႈၸိုင် ၸဝ်ႈၵဝ်ႇၵေႃႈတၵ်းတေဢမ်ႇ ၸၢင်ႈႁူႉလွင်ႈၵႂၢမ်းတႆးႁဝ်းလႆႈ”။ ၼႂ်းလူၵ်ႈ(လုမ်ႈၾႃႉ) ၼႆႉမီးလၢႆၸိူဝ်ႉၶိူဝ်း -...

ပွင်ႈၵႂၢမ်း - မွၼ်းၶိူဝ်း ၶိူဝ်းၵူၼ်းၼိုင်ႈၶိူဝ်း တၵ်းမီးၾိင်ႈတိုဝ်းၵမ် ဢမ်ႇဝႃႈၵၢၼ်ယူႇၵိၼ် မီးၶူဝ်းၼုင်ႈတၢင်းဝႆၶွင်ၸၢတ်ႈတူဝ်ၵဝ်ႇ  မီးၾိင်ႈ ငႄႈလိၵ်ႈလၢႆးၽႃသႃ ၵႂၢမ်းလၢတ်ႈ မီးလွင်ႈၵိူဝ်းလီၶွင်တူဝ်ၵဝ်ႇ မီးၽႅၼ်ႇလိၼ်ပိုၼ်ႉတီႈႁင်းၶေႃ ႁူမ်ႈတင်း ၵၢၼ် တူင်ႉၼိုင်ႁဵတ်းသၢင်ႈၼႂ်းၸီးဝိတ်ႉသၢႆၸႂ်ၵူႈဝၼ်းဝၼ်း ဢိၵ်ႇတင်းလွင်ႈၵိူဝ်းယမ်သႃသၼႃ ဢၼ်ပဵၼ် ၵၢၼ်ဝူင်ႇဝွၵ်ႇ ၼႄထိုင်ၶိူဝ်းၵူၼ်းၶိူဝ်းၼၼ်ႉ ပဵၼ်ၵူၼ်းၶိူဝ်းဢၼ်ပေႉတူဝ်ၶိူဝ်းၼိုင်ႈယူႇ။ လၢတ်ႈလႆႈဝႃႈၶိူဝ်းၵူၼ်းၶိူဝ်းၼၼ်ႉ ပဵၼ်ၶိူဝ်းၵူၼ်းဢၼ်မီးႁူဝ်ၵူၼ်းၼမ် ပဵၼ်ၵူၼ်းၸုမ်းယႂ်ႇ မီးဢွင်ႈတီႈယူႇထိၼ်ႇ ထၢၼ် ပဵၼ်ၵုမ်ႇပဵၼ်ၵွၼ်ႈၼၼ်ႉ...