Friday, March 29, 2024

ၵူၼ်းပၢႆႈၽေးသိုၵ်း ၼႂ်းၸႄႈဝဵင်းသီႇပေႃႉ ပွၵ်ႈႁိူၼ်းယေးၶိုၼ်းယဝ်ႉ

Must read

ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈဝတ်ႉဝိႁၢရ်လူင်ၼႃးမၢၵ်ႇၶေႃ ၸႄႈဝဵင်းသီႇပေႃႉၼၼ်ႉ ဢွၼ်ၵၼ်ပွၵ်ႈၶိုၼ်း ႁိူၼ်းယေးၽႂ်မၼ်းမူတ်းယဝ်ႉ။

Photo by – ၵူၼ်းမိူင်းသီႇပေႃ့/ ၵူၼ်းပၢႆႈၽေးသိုၵ်း တီႈဢိူင်ႇၼႃးမၢၵ်ႇၶေႃ

ဝၼ်းတီႈ 04/11/2018 ယၢမ်းဝၢႆးဝၼ်း 2 မူင်း ၵူၼ်းဝၢၼ်ႈႁူဝ်ၼႃး၊ ဝၢၼ်ႈၼႂ်းလူင်၊ ဝၢၼ်ႈတူၼ်ႈၵႅင်း၊ ဝၢၼ်ႈတႃႈ လူင်လႄႈ ဝၢၼ်ႈၶၢႆးႁဵဝ်း ႁူဝ်ၵူၼ်း 652 ၵေႃႉ ဢၼ်ဢွၼ်ၵၼ်ပၢႆႈၽေးသိုၵ်းမႃးသွၼ်ႈဝႆႉတီႈဝတ်ႉဝိႁၢရ်လူင်ၼႃးမၢၵ်ႇ ၶေႃ ၸႄႈဝဵင်းသီႇပေႃႉၼၼ်ႉ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်းမူတ်း ယွၼ်ႉငဝ်းလၢႆးၼႂ်းပိုၼ်ႉတီႈၼိမ် သဝ်းယဝ်ႉ ဝႃႈၼႆ။

- Subscription -

ၸၢႆးဝၼ်းႁိူင်း ၵူၼ်းၼုမ်ႇဝၢၼ်ႈၼႃးမၢၵ်ႇၶေႃ ၸွႆႈထႅမ်ၵူၼ်းပၢႆႈၽေးသိုၵ်း လၢတ်ႈတီႈၽူႈတွႆႇႁွၵ်ႈဝႃႈ “ ၵူၼ်းပၢႆႈ ၽေးႁဝ်းၶႃႈ တီႈဝၢၼ်ႈၼႃးမၢၵ်ႇၶေႃတႄႉ ဢွၼ်ၵၼ်ပွၵ်ႈမိူဝ်းၶိုၼ်းမူတ်းယဝ်ႉ။ တေလႆႈဝႃႈ ငဝ်းလၢႆးၼႂ်းပိုၼ်ႉတီႈ ၼိမ်သဝ်းၵႂႃႇယဝ်ႉၼႆၶႃႈ။ ဢွၼ်ၵၼ်ပွၵ်ႈမိူဝ်း မိူဝ်ႈဝၼ်းတိတ်ႉ ယၢမ်းဝၢႆးဝၼ်း 2 မူင်းၼၼ်ႉၶႃႈ” ဝႃႈၼႆ။

ၵဵဝ်ႇလူၺ်ႈလွင်ႈၼႆႉယွၼ်ႉသိုၵ်းဢူၺ်းလီပွတ်းႁွင်ႇ တင်း RCSS လႆႈပဵၼ်ပၢင်တိုၵ်းၵၼ် တၢင်းဝၢၼ်ႈႁူမ်ႈ ၼႂ်း ဢိူင်ႇၼႃးမၢၵ်ႇၶေႃ မိူဝ်ႈဝၼ်းတီႈ 02/11/2018 ၼၼ်ႉ ၵူၼ်းဝၢၼ်ႈၼပ်ႉႁဵင် လႆႈဢွၼ်ၵၼ်ပၢႆႈဢွၵ်ႇႁိူၼ်း ယေးၽႂ်မၼ်း ဝႃႈၼႆ။

လိူဝ်ၼၼ်ႉ ၵူၼ်းပၢႆႈၽေးသိုၵ်း တီႈဝၢၼ်ႈႁူမ်ႈ 410 ၵေႃႉ ဢၼ်မႃးသွၼ်ႈဝႆႉတီႈ ဝတ်ႉဝိႁၢရ်လူင်ဝၢၼ်ႈႁူမ်ႈၼၼ်ႉ ၶိုၼ်းဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်းယဝ်ႉ။ ၵူၺ်းၵႃႈ ၵူၼ်းဝၢၼ်ႈတိုၵ်ႉမႆႈၸႂ် ၵူဝ်ပဵၼ်ပၢင်တိုၵ်းၶိုၼ်း ပေႃး ၵၢင်ၶမ်ႈ မႃးၼွၼ်းၶိုၼ်းတီႈဝတ်ႉဝၢၼ်ႈႁူမ်ႈ ပေႃးၵၢင်ဝၼ်းသမ်ႉ ဢွၼ်ၵၼ်မိူဝ်းႁဵတ်း ၵၢၼ်တီႈဝၢၼ်ႈ ဝႃႈၼႆ။

ၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈဝတ်ႉဝိႁၢရ်လူင်ၼႃးမၢၵ်ႇၶေႃ မိူဝ်ႈၽွင်းပဵၼ်ပၢင်တိုၵ်းၼၼ်ႉ ပဵၼ် ၵူၼ်းဝၢၼ်ႈႁူဝ်ၼႃး၊ ဝၢၼ်ႈၼႂ်း လူင်၊ ဝၢၼ်ႈတူၼ်ႈၵႅင်း၊ ဝၢၼ်ႈတႃႈလူင်၊ ဝၢၼ်ႈၶၢႆးႁဵဝ်း တင်းမူတ်းလင်ႁိူၼ်းမီး 228 လင်၊ ႁူဝ်ၵူၼ်း 652 ၵေႃႉ။ ၵူၼ်း ဝၢၼ်ႈႁူမ်ႈ ဢၼ်ပၢႆႈသွၼ်ႈဝႆႉတီႈဝတ်ႉဝၢၼ်ႈႁူမ်ႈၶိုၼ်းၼၼ်ႉသမ်ႉ လင်ႁိူၼ်း 94 လင်၊ ႁူဝ်ၵူၼ်း 410 ၵေႃႉ။ တင်း မူတ်း ႁူမ်ႈၵၼ် လင်ႁိူၼ်း 322 လင် ႁူဝ်ၵူၼ်း 1,052 ၵေႃႉ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း