မိူဝ်ႈဝႃး ဝၼ်းတီႈ 6/6/2026 ယၢမ်းၵၢင်ၼႂ် ၸုမ်းလူင်ပွင်ၸိုင်ႈမိူင်းတႆး လႄႈၵူၼ်းမိူင်းပိုၼ်ႉတီႈ ၸတ်းႁဵတ်းပၢင်ပွႆး ယုၵ်ႉယွင်ႈ မဢဵင်ႉၶျိတ်ႉတူႇ အိမ့်ချစ်သူ လုၵ်ႈဢွၼ်ႇယိင်းၵူၼ်းမိူင်းဝဵင်းတူၼ်ႈတီး ဢၼ်ၵႂႃႇ ၶေႉၶဵင်ႇပိုၼ်ႉႁူႉပၢႆးပုတ်ႉထ ၸၼ်ႉၸိုင်ႈမိူင်းသေ လႆႈ ႁပ်ႉသူးထိ 1 ယဝ်ႉပွၵ်ႈမႃးၶိုၼ်း ။
ၸွမ်ၽွင်းလူင်မိူင်းတႆး ၊ ၸုမ်းလူင်ပွင်ၸိုင်ႈမိူင်းတႆး ၊ ၽူႈတႅၼ်းၽွင်းပႃႇတီႇၵၢၼ်မိူင်း ၊ တပ်ႉသိုၵ်း ၊ ပလိၵ်ႈသိုၵ်းမၢၼ်ႈ လႄႈ ၶႃႈႁၢပ်ႇၵၢၼ် လူင်ပွင်ၸိုင်ႈတႂ်ႈသိုၵ်းမၢၼ်ႈယိုတ်းမိူင်း ဢိၵ်ႇ ပေႃႈမႄႈပီႈၼွင်ႉၵူၼ်းမိူင်း ပႂ်ႉႁပ်ႉတွၼ်ႈ ။
တီႈပၢင်ပွႆးၼၼ်ႉ ၵေႃႊမတီႊပၢင်ပွႆး မွပ်ႈယိုၼ်ႈပၼ်ငိုၼ်းသူး တီႈ ၵူၼ်းၼုမ်ႇၸၢႆး/ယိင်း ၸိူဝ်းၵတ်ႉၶႅၼ်ႇလႆႈသူးလွင်ႈပုတ်ႉထ မႃး တႃႇ 56 ၵေႃႉ(သူးထိၼိုင်ႈ မဢဵင်ႉၶျိတ်ႉတူႇ ၊ သူးၸၼ်ႉၵၢင် 11 ၵေႃႉ – ၸၼ်ႉမူႇလ 1 ၵေႃႉ ၸၼ်ႉၸႄႈမိူင်း 43 ၵေႃႉ) တႃႇငိုၼ်း 394သႅၼ်ပျႃး ၊ လူင်ပွင်ၸိုင်ႈမိူင်းတႆး 186 သႅၼ်ပျႃး လႄႈ ယူႇတီႈ သၽႃးၸႄႈမိူင်းတႆး 45 သႅၼ်ပျႃး ၊ ႁူမ်ႈသဵင်ႈ 625 သႅၼ်ပျႃး ဝႃႈၼႆ ။
ယိင်းသၢဝ်ၵတ်ႉၶႅၼ်ႇ မဢဵင်ႉၶျိတ်ႉတူႇၼႆႉ ပဵၼ်ၵူၼ်းယူႇပွၵ်ႉၺွင်ႇၽိဝ်ႇသၶၢၼ်း ဝဵင်းတူၼ်ႈတီး ၸိုင်ႈတႆးပွတ်းၸၢၼ်း တိုၵ်ႉႁဵၼ်းလိၵ်ႈယူႇၸၼ်ႉ Grade -9 ပဵၼ်လုၵ်ႈႁဵၼ်းႁူင်းႁဵၼ်းထမ်ႇမ တီႈဢေးမျႃႉၵရုၼႃ (အေးမြကရုဏာဓမ္မစကူးလ် ) ဝဵင်းတူၼ်ႈတီး ၼႆယဝ်ႉ ။
မၼ်းၼၢင်းၼႆႉတၢင်တူဝ် မိူင်းတႆးသေ ၶဝ်ႈပၢင်တွပ်ႇလိၵ်ႈပၢႆးပုတ်ႉထ ၸၼ်ႉၸိုင်ႈမိူင်းႁူမ်ႈတုမ် တီႈဝဵင်းတႃႈၵုင်ႈ ၊ လႆႈသူးထိၼိုင်ႈ လႆႈသူးငိုၼ်းသူး 1 ႁဵင်သႅၼ်ပျႃးသေ ၶိုၼ်းပွၵ်ႈမႃးဝၢၼ်ႈၵိူတ်ႇမိူင်းၼွၼ်း လႄႈ သိုၵ်းမၢၼ်ႈဢိၵ်ႇလူင်ပွင်ၸိုင်ႈမိူင်းတႆးၸင်ႇၸတ်းပၢင်ႁပ်ႉတွၼ်ႈ ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ