ၼႂ်းဝၼ်းတီႈ 5 ထိုင် 7/10/2025 ၼႆႉၾူၼ်လူမ်းတူၵ်းႁႅင်း ၼမ်ႉၼွင်းထူမ်ႈလႄႈ လိၼ်ၵူၼ်ႇ တီႈမိူင်း ၼီႊပေႃႊလ် လႄႈ မိူင်းႁိမဝုၼ်ႇတႃႇ မိူင်းၵြႃး ဢိၼ်ႊတီႊယႃႊ ၵူၼ်းမိူင်းလူႉတၢႆတင်းမူတ်း 44 ၵေႃႉယဝ်ႉ ။
ၼႂ်းဝၼ်းၼၼ်ႉ တီႈဝဵင်း ႁိမဝုၼ်ႇတႃႇ ယၢမ်းၵၢင်ၶမ်ႈ လိၼ်လွႆၵူၼ်ႇတဵင်သႂ်ႇ ရူတ်ႉၵႃးပၢတ်ႉသ်လမ်းၼိုင်ႈ မီးၵူၼ်းလူႉတၢႆထိုင် 15 ၵေႃႉ ပဵၼ်လုၵ်ႈဢွၼ်ႇ 2 ၵေႃႉ၊ ၼၢင်းယိင်း 4 ၵေႃႉ လႄႈ ၵူၼ်းၸၢႆး 9 ၵေႃႉ၊ လုၵ်ႈဢွၼ်ႇ မၢတ်ႇၸဵပ်းထႅင်ႈ 2 ၵေႃႉ။ ယူႇတီႈၸဝ်ႈၼႃႈတီႈၼႂ်းပိုၼ်ႉတီႈ တိုၵ်ႉၸွႆႈသွၵ်ႈႁႃ လုၵ်ႈဢွၼ်ႇ ဢၼ်ႁၢႆလၢႆဝႆႉၼၼ်ႉ ဝႃႈၼႆ။
ၾူၼ်တိုၵ်ႉတူၵ်းယူႇၵူႈဝၼ်းလႄႈ ၼႂ်းၸႄႈမိူင်း ပၢၼ်ႊၵေႃႊလ် ၵေႃႈၼမ်ႉၼွင်းထူမ်ႈၵူၼ်းတၢႆ 23 ၵေႃႉ ႁိူၼ်းယေးလႄႈ သူၼ်ၽုၵ်ႇသွမ်ႈၵူၼ်းမိူင်း လူႉၵွႆတင်းၼမ်။
တီႈမိူင်းၼီႇပေႃးလ် မိူင်းတိတ်းၸပ်းလႅၼ်လိၼ်တင်း မိူင်းၵြႃးၼၼ်ႉသမ်ႉ ယွၼ်ႉၼမ်ႉၼွင်းထူမ်ႈလိၼ်ၵူၼ်ႇတဵင်သေ မီးၵူၼ်းလူႉတၢႆထိုင် 50 ပၢႆၼႆ ၽူႈမီးပုၼ်ႈၽွၼ်းၶဝ် လၢတ်ႈပဵၼ်တၢင်းၵၢၼ်ဝႆႉ ၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ