တႃႇတေမႄးပူၵ်းပွင်ၵေႃႇသၢင်ႈၶိုၼ်း ပိုၼ်ႉတီႈ ၸိူဝ်းၺႃးၽေးၽႅၼ်ႇလိၼ်ဝႆၼႆသေ ဝၼ်းတီႈ 22/04/2025 ၼႆႉ သိုၵ်းမၢၼ်ႈပိုၼ်ၽၢဝ်ႇ ယိုတ်ႈၶၢဝ်းယၢမ်းၵိုတ်းတိုၵ်း ၸူဝ်ႈၶၢဝ်းထႅင်ႈ 1 ဝူင်ႈ ဝႃႈၼႆ။
ယွၼ်ႉၽေးၽႅၼ်ႇလိၼ်ဝႆ တီႈမိူင်းမၢၼ်ႈ ၼႂ်းဝၼ်းတီႈ 28 လိူၼ်မၢတ်ႊၶျ်ပူၼ်ႉမႃးၼၼ်ႉသေ တႄႇဢဝ် ဝၼ်းတီႈ 02-22/04/2025 ၼႆႉ သိုၵ်းမၢၼ်ႈ ပိုၼ်ၽၢဝ်ႇၵိုတ်းတိုၵ်းဝႆႉ ၸူဝ်းၶၢဝ်း။ ယၢမ်းလဵဝ်သမ်ႉ သိုပ်ႇယိုတ်ႈၶၢဝ်းယၢမ်းၵိုတ်းတိုၵ်းထႅင်ႈ တႃႇၶၢဝ်းတၢင်း 1 ဝူင်ႈ တေႃႇထိုင်ဝၼ်းတီႈ 30 ၼႆႉသဵင်ႈ။
ၼႂ်းၶၢဝ်းတၢင်းၵိုတ်းတိုၵ်းၼႆႉ သင်ၸုမ်းယိပ်းၵွင်ႈၵၢင်ႇလုၵ်ႉၽိုၼ်ႉၶဝ် တိုၵ်းတေႃးတပ်ႉငဝ်ႈငုၼ်း သိုၵ်းမၢၼ်ႈ၊ တိုၵ်းတေႃးၸွမ်းၼိူဝ်သဵၼ်ႈတၢင်းၵူၼ်းမိူင်း ၵႂႃႇမႃးၵႃႉၶၢႆ၊ ၵဵပ်းသိုၵ်းထႅမ်ႁႅင်းလႄႈ ၶႂၢၵ်ႈၼႃႈတီႈၸိုင် ယူႇတီႈသိုၵ်းမၢၼ်ႈ တေတုမ်ႉတွပ်ႇၵႂႃႇၶိုၼ်း ဝႃႈၼႆ။
ၸုမ်းယိပ်းၵွင်ႈၵၢင်ႇၸၢဝ်းၶိူဝ်းတင်း သိုၵ်းၵႅတ်ႇၶႄၵူၼ်းမိူင်းၶဝ်လၢတ်ႈဝႃႈ သိုၵ်းမၢၼ်ႈပိုၼ်ၽၢဝ်ႇ ၵိုတ်းတိုၵ်းဝႆႉ ၸူဝ်ႈၶၢဝ်းသေတႃႉ လိူဝ်သေတိူင်းတႃႈၵုင်ႈတင်း တိူင်းဢေႇရႃႇဝတီႇယဝ်ႉ ၼႂ်းတိူင်းလႄႈ ၸႄႈမိူင်း 12 ဢၼ် ၸိူဝ်းၵိုတ်းလိူဝ်ၼၼ်ႉ သိုၵ်းမၢၼ်ႈ ၸႂ်ႉၶိူင်ႈမိၼ်ပွႆႇမၢၵ်ႇသႂ်ႇဢမ်ႇထၢတ်ႇ – သိုဝ်ႇၶၢဝ်ႇ RFA ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ