ဝၢႆးသိုၵ်းမၢၼ်ႈ ယိုတ်းမိူင်းမႃး ၶၢဝ်းတၢင်း 4 ပီၼႆႉ ၵူၼ်းဢမ်ႇၶႅင်ႁႅင်း (Persons With Disabilities – PWDs) 117 ၵေႃႉ ၺႃးသိုၵ်းမၢၼ်ႈ ၶႃႈတၢႆၼႆ ၸုမ်း Human Rights Myanmar ဢၼ်ၶူၼ်ႉၶႂႃႉပၼ်ႁႃ ပတိၵ်ႈၶၢတ်ႈမိူင်းမၢၼ်ႈ ႁၢႆးငၢၼ်းဝႆႉ ၼႂ်းဝၼ်းတီႈ 17/02/2025 ၼင်ႇၼႆ။

ၽူႈဢမ်ႇၶႅင်ႁႅင်း (မသန်းစွမ်း) ၺႃးၶႃႈတၢႆၼမ်သုတ်းၼႆႉ ပဵၼ်ၼႂ်းတိူင်းၸႄႈၵႅင်း၊ တိူင်းမၵူၺ်းလႄႈ တိူင်းတၼၢဝ်းသီ ၸိူဝ်းၼႆႉ။

ပိူင်ပဵၼ် ၵူၼ်းဢမ်ႇၶႅင်ႁႅင်း လူႉတၢႆၼႆႉ ပဵၼ်ယွၼ်ႉသိုၵ်းမၢၼ်ႈ ၸႂ်ႉၶိူင်ႈမိၼ်၊ ၶိူင်ႈၵွင်ႈလူင် ပွႆႇမၢၵ်ႇယိုဝ်းတိုၵ်း၊ ၽွင်းတပ်ႉသိုၵ်းမၢၼ်ႈ ၶဝ်ႈၵႂၢတ်ႇလၢင်ႉၼႂ်းဢိူင်ႇၼႂ်းဝၢၼ်ႈ  ၵူၼ်းဢမ်ႇၶႅင်ႁႅင်း ဢမ်ႇၸၢင်ႈပၢႆႈဢွၵ်ႇသေ ၺႃးတီႉၺွပ်း ႁဵတ်း ႁၢႆႉ ၽဝ်ၶႃႈတၢႆၵေႃႈမီးၼႆ – Human Rights Myanmar ႁၢႆးငၢၼ်းဝႆႉၼင်ႇၼႆ။

ၼႂ်းၽိုၼ်လိၵ်ႈ ၶေႃႈတူၵ်းလူင်း ၵဵဝ်ႇၵပ်းသုၼ်ႇလႆႈသုၼ်ႇပဵၼ်ၵူၼ်းဢမ်ႇၶႅင်ႁႅင်း ၸၢတ်ႈၸိုင်ႈလုမ်ႈၾႃႉ CRPD ၼၼ်ႉ မိူင်းမၢၼ်ႈ ၶဝ်ႈႁူမ်ႈလူင်းလၢႆးမိုဝ်းဝႆႉ ၸဵမ်မိူဝ်ႈပီ 2011 လိူၼ်တီႊသႅမ်ႊပိူဝ်ႊ ဝၼ်းတီႈ 7 ။

ယၢမ်းလဵဝ် လွင်ႈသိုၵ်းမၢၼ်ႈ ႁဵတ်းႁၢႆႉပူၼ်ႉပႅၼ် သုၼ်ႇလႆႈသုၼ်ႇပဵၼ်ၵူၼ်းဢမ်ႇၶႅင်ႁႅင်းၼႆႉ မိူၼ်ၼင်ႇ ပူၼ်ႉပႅၼ် ပုၼ်ႈၽွၼ်းဝၢၼ်ႈမိူင်း ဢၼ်ပဵၼ်ၽူႈၶဝ်ႈၸုမ်း CRPD လႄႈ ပၵ်းပိူင်ၼႂ်းမိူင်းယဝ်ႉၼႆ – Human Rights Myanmar ႁၢႆးငၢၼ်းပႃးဝႆႉ – သိုဝ်ႇၶၢဝ်ႇမၢၼ်ႈ The Irrawaddy ဢွၵ်ႇဝႆႉၼင်ႇၼႆ။