မိူဝ်ႈၼႆႉ ဝၼ်းတီႉ 7/1/2024 ယၢမ်းၵၢင်ၼႂ်ၸဝ်ႉ 9 မူင်း (ၶၢဝ်းယၢမ်းပိုၼ်ႉတီႈ) ၽႅၼ်ႇလိၼ်ဝႆ (ဢိင်ႇသၼ်ႇ) တီႈသၼ်လွႆတိပႅတ်ႉ မိူင်းၶႄႇ ၵူၼ်းမိူင်းမၢတ်ႇၸဵပ်း 52 ၵေႃႉ လူႉတၢႆ 53 ၵေႃႉ သိုဝ်ႇၶၢဝ်ႇမိူင်းၶႄႇ ပိုၼ်ၽၢဝ်ႇၼင်ႇၼႆ။
သုၼ်ၽႅၼ်ႇလိၼ်ဝႆ မီးတီႈႁိမ်းဝဵင်းသျီႊၵႃႊသေႊ ဝဵင်းလူင် ဢၼ်လမ်ႇလွင်ႈ ၼႂ်းၵၢၼ်သႃႇသၼႃႇ ၼႂ်းမိူင်းတိပႅတ်ႉ၊ သုၼ်မၼ်းလိုၵ်ႉလူင်းတႂ်ႈလိၼ် 10 ၵီႊလူဝ်ႊမီႊတႃႊ ႁႅင်းသၼ်ႇဝႆ 7.1 မႅၵ်ႊၼီႊၵျုတ်ႉ – ၽူႈလူင်ႉလႅၼ်ႇပၢႆးလိၼ် မိူင်းဢမေႊရိၵၼ်ႊ ၶူၼ်ႉႁႃလဵပ်ႈႁဵၼ်းသေ ပိုၼ်ၽၢဝ်ႇဝႆႉၼင်ႇၼႆ။
ႁႅင်းသၼ်ႇဝႆႁႅင်းလႄႈ ယွၼ်ႈထိုင်မိူင်းၼီႊပေႃႊတင်း မိူင်းဢိၼ်ႊတီႊယႃႊ။
သဵၼ်ႈတၢင်းလူင်းလွႆဢေႊဝရႅတ်ႉၵေႃႈ မီးႁိမ်းၸမ် သုၼ်ၽႅၼ်ႇလိၼ်ဝႆလႄႈ ယၢမ်းလဵဝ် ၸဝ်ႈၼႃႈတီႈ သင်ႇပိၵ်ႉသဵၼ်ႈတၢင်းၶိုၼ်ႈတူၺ်း တီႈမုင်ႈယဵမ်ႈသႃႇ ၼိူဝ်လွႆဢေႊဝရႅတ်ႉၼၼ်ႉဝႆႉယဝ်ႉ ဝႃႈၼႆ။
ယွၼ်ႉပိူဝ်ႈၽႅၼ်ႇလိၼ်ဝႆၼႆႉသေ လင်ႁိူၼ်း ၵူၼ်းမိူင်းလူႉၵွႆ 1,000 ပၢႆၼႆ – သိုဝ်ႇၶၢဝ်ႇမိူင်းၶႄႇ ပိုၼ်ၽၢဝ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ