ဝၼ်းတီႈ 15/12/2024 ၼႆႉ ႁိူဝ်းတေႃႉတၢင်ႇ ၼမ်ႉမၼ်းမဵၼ်ရတ်ႉသျႃး ၼမ်ႉၼၵ်း 4,200 တၼ်ႊ သွင်လမ်း ၺႃးလူမ်ႉလႅင်းႁႅင်းယႂ်ႇ ပတ်ႉထွင်းလူမ်ႉၸူမ်ၵႂႃႇ ၼႂ်းၵႄႈ Crimea လႄႈ Kerch Strait – ဝႃႈၼႆ။

ႁိူဝ်း Volgoneft 212 လႆႈတႅၵ်ႇပဵၼ်သွင်ၽၢၵ်ႇသေ ပွတ်းႁူဝ်ႁိူဝ်း ၸူမ်လူင်းၵႂႃႇ တႂ်ႈၼႂ်းၼမ်ႉ။ ၼမ်ႉမၼ်း မဵၼ်ၵေႃႈ ၸိုမ်းႁူဝ်ႈၵႂႃႇပႅတ်ႈ။ တီႈၼိူဝ်ႁိူဝ်းၼၼ်ႉ မီးၵူၼ်းၶီႇၸွမ်း 15 ၵေႃႉ။ ၼႂ်းၼၼ်ႉ လူႉတၢႆ ၵေႃႉ ၼိုင်ႈ၊ လႆႈၸွႆႈထႅမ်ဝႆႉ 12 ၵေႃႉ ဝႃႈၼႆ။ ႁိူဝ်း Volgoneft 212 ၼႆႉ တႄႇၵေႃႇသၢင်ႈႁဵတ်းဝႆႉ ၸဵမ်မိူဝ်ႈပီ 1969 ။

ႁိူဝ်းထႅင်ႈလမ်းၼိုင်ႈ Volgoneft 239 တႄႉ ၺႃးလူမ်းပတ်ႉထွင်းလူႉၵွႆ ပဵၼ်ပွတ်းသေ လွင်ႈလႆၸွမ်းၼမ်ႉၵႂႃႇ ဝႃႈၼႆ။ တီႈႁိူဝ်းၼၼ်ႉ မီးၵူၼ်းၶီႇၸွမ်း 13 ၵေႃႉ။ တႄႇၵေႃႇသၢင်ႈႁဵတ်းဝႆႉ မိူဝ်ႈပီ 1973 ။

ၸွမ်ၸိုင်ႈ မိူင်းရတ်ႉသျႃး လၢတ်ႈဝႃႈ – လႆႈသူင်ႇႁိူဝ်း၊ ၶိူင်ႈမိၼ် Mi-8 ၊ ၵူၼ်း 50 ပၢႆလႄႈ ၶိူင်ႈၶူဝ်းတႃႇၸွႆႈထႅမ် ၵႂႃႇပၼ် ၼႂ်းပိုၼ်ႉတီႈၼၼ်ႉယဝ်ႉ – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။