ဝၼ်းတီႈ 03/11/2024 ၼႆႉ ၵူၼ်းမိူင်း ၼႂ်းဝဵင်းၸႄႈၵႅင်း ဢွၼ်ၵၼ်ပႆတၢင်းၼႄၵၢင်ၸႂ် သၢၼ်ၶတ်းသိုၵ်းမၢၼ်ႈ ဢၼ် ဢဝ်ၶိူင်ႈမိၼ် မႃးယိုဝ်းၼႂ်းဝၢၼ်ႈသူၼ်ႁိူၼ်းယေးၵူၼ်းမိူင်းယူႇၼၼ်ႉ ႁႂ်ႈၵိုတ်းယိုတ်း ၵမ်းလဵဝ် ဝႃႈၼႆ။
ဢၼ်ၼႄၵၢင်ၸႂ်ၵႂႃႇၼႆႉ ပဵၼ်တီႈၼႂ်းၸႄႈဝဵင်းယိၼ်းမႃႇပိၼ်ႇ၊ ၸႄႈဝဵင်းသႃးလိၼ်းၵျီး၊ ၸႄႈဝဵင်းၵၢတ်ႇသႃ ၸိူဝ်းၼႆႉ ၵူၼ်းမိူင်းႁူမ်ႈၵၼ်ၼႄၵၢင်ၸႂ် ၵႂႃႇလၢႆးတၢင်းၽႂ်မၼ်း။
တုၵ်းယွၼ်းႁႂ်ႈသိုၵ်းမၢၼ်ႈ ၵိုတ်းယိုတ်း လွင်ႈဢဝ်ၶိူင်ႈမိၼ် မႃးယိုဝ်းၼႂ်းဝၢၼ်ႈႁိူၼ်းယေး ဝႃႈၼႆ။
ၼႂ်းပီ 2024 ၼႆႉ ပၢင်တိုၵ်းၽႄႈလၢမ်းတူဝ်ႈၸိုင်ႈမိူင်း သိုၵ်းမၢၼ်ႈ သုမ်းသိုၵ်းၼမ်။ လႆႈပွႆႇဝဵင်းပၼ် ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း တင်းၼမ်တင်းလၢႆ။ ႁႅင်းသိုၵ်းမၢၼ်ႈ လူတ်းယွမ်းႁႅင်းလႄႈ ဢဝ်ၶိူင်ႈမိၼ် မႃးပိုတ်းယိုဝ်းယၢမ်းၵၢင်ၶမ်ႈၵၢင် ၶိုၼ်း။
ၼႂ်းၶၢဝ်းတၢင်း 4 လိူၼ် လိူၼ်မေႊထိုင် လိူၼ်ဢေႃႊၵတ်ႊသ်ၼႆႉၵူၺ်း ၵူၼ်းမိူင်းတၢႆယွၼ်ႉ ၶိူင်ႈမိၼ်သိုၵ်းမၢၼ်ႈ ပိုတ်းယိုဝ်းမီး 455 ၵေႃႉသေ မၢတ်ႇၸဵပ်း 819 ၵေႃႉယဝ်ႉၼႆ ၸုမ်းၺၢၼ်ႇလိၼ်းတိတ်ႉ ၾၢႆႇၶူၼ်ႉၶႂႃႉ တႅမ်ႈတၢင်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ