ဝၼ်းတီႈ 02/10/2024 ၼႆႉ တီႈၼႂ်းၵုၼ် ဢမေႊရိၵၼ်ႊလႄႈ ၵုၼ်ဢီႊၸတႃႊ (Easter) ဢွၼ်ၵၼ်လႆႈ ႁၼ်ၵၢင်ဝၼ်းဝၢတ်ႇ ဢၼ်မီးၾၢင်ႁၢင်ႈ မိူၼ်ၼင်ႇ တူင်ႇၾႆး (Ring of Fire) ဝႃႈၼႆ။
ၵၢင်ဝၼ်းဝၢတ်ႇၼႆႉ ပဵၼ်မႃးၽွင်းလုၵ်ႈလိူၼ် ၶဝ်ႈမႃးၼႂ်းၵႄႈၵၢင် လူၵ်ႈ (လုမ်ႈၾႃႉ)လႄႈ ၵၢင်ဝၼ်း။ မိူဝ်ႈၽွင်း လုၵ်ႈလိူၼ်ပၼ်ႇၸွမ်းသဵၼ်ႈတၢင်းမၼ်းသေ လဵပ်ႈမႃးၸမ်လုမ်ႈၾႃႉ ဢမ်ႇၼၼ် မီးတီႈဢၼ် ယၢၼ်ၵႆလုမ်ႈၾႃႉ ႁႅင်းဝႆႉ ၼၼ်ႉ တေလႆႈႁၼ်မႅၼ်ႈ ၵၢင်ဝၼ်းဝၢတ်ႇ ဢၼ်မီးၾၢင်ႁၢင်ႈ ပဵၼ်မိူၼ်ၼင်ႇ တူင်ႇၾႆး (Ring of Fire) ။
ယွၼ်ႉလုၵ်ႈလိူၼ် ဢမ်ႇလပ်ႉၵၢင်ဝၼ်းဝႆႉလႆႈ တင်းမူတ်းလႄႈ ၸင်ႇလႆႈႁၼ် မိူၼ်ၼင်ႇ တူင်ႇၾႆး (Ring of Fire) ဢမ်ႇၼၼ် ႁၢင်ႈမူင်းၶူၺ်း (ၸွပ်ႇမိုဝ်း) ဝႃႈၼႆ။
သင်ဝႃႈ ပဵၼ်ၵၢင်ဝၼ်းဝၢတ်ႇ တင်းမူတ်းၸိုင် လုၵ်ႈၵၢင်ဝၼ်းၼၼ်ႉ တေႁၢႆၵႂႃႇတင်းမူတ်းသေ တွင်ႉၾႃႉၵၢင်ႁၢဝ် တေလပ်းသိင်ႇၵႂႃႇမူတ်း။
ၵၢင်ဝၼ်းဝၢတ်ႇပွၵ်ႈၼႆႉ တီႈၵုၼ်ဢီႊၸတႃႊ မိူင်းဢႃႊၵျိၼ်ႊတီႊၼႃႊ(Argentina) လႄႈ မိူင်းၶျီႊလီႊ (Chile) မၢင်တီႈ တေဢွၼ်ၵၼ်လႆႈႁၼ် မိူၼ်ၼင်ႇ တူင်ႇၾႆး (Ring of Fire)။ ၼႂ်းဢမေႊရိၵၼ်ႊ ပွတ်း ၸၢၼ်း၊ ႁႃႊဝၢႆႊဢီႊ (Hawaii) တင်း ဢႅၼ်ႊတႃႇတိတ်ႉၵ (Antarctica) ၸိူဝ်းၼႆႉတႄႉ တေလႆႈႁၼ်ပဵၼ် ၵၢင်ဝၼ်းဝၢတ်ႇၼိုင်ႈၶိုင်ႈ – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ