တပ်ႉၸုမ်းပူတ်းပွႆႇၵူၼ်းမိူင်း BPLA ပိုၼ်ၽၢဝ်ႇ ယိုတ်းလႆႈ တပ်ႉၵွင်သိုၵ်းမၢၼ်ႈ တီႈဝဵင်းလႃႈသဵဝ်ႈ လၢႆတပ်ႉၵွင် ဝႃႈၼႆ။

ၼႂ်းဝၼ်းတီႈ 28 လႄႈ 29 လိူၼ်ၼႆႉ တပ်ႉၸုမ်းပူတ်းပွႆႇၵူၼ်းမိူင်းမၢၼ်ႈ BPLA ႁူမ်ႈတင်း ၸုမ်း ဢူၺ်းလီပွတ်းႁွင်ႇ ဢၼ်ပႃး တပ်ႉသိုၵ်းၵဝ်ႈၵၢင်ႉ MNDAA ၼၼ်ႉသေ လေႃႇတိုၵ်းတပ်ႉသိုၵ်းမၢၼ်ႈ တပ်ႉၵွင်ၾၢႆႇၵပ်းသိုပ်ႇ၊ တပ်ႉၵွင် ၵႃး ၵၢပ်ႇလဵၵ်း 7005 ၊ တပ်ႉၽႄၶိူင်ႈၵွင်ႈၵၢင်ႇ 242 လႄႈ တပ်ႉပၢင်ႇၵွၵ်ႉ ၼႂ်းဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၼႆႉသေ  ယိုတ်းသိမ်းလႆႈ ၶိူင်ႈၵွင်ႈၵၢင်ႇ တင်းၼမ် ႁူမ်ႈပႃး ၵႃးၵၢပ်ႇလဵၵ်း ၼႆယဝ်ႉ။

လိူဝ်ၼၼ်ႉ သိုၵ်းၵဝ်ႈၵၢင်ႉ ပိုၼ်ၽၢဝ်ႇမႃးဝႃႈ  ဢဝ်ႁူမ်ႇလူမ်ႈဝႆႉၼႂ်းၼႃႈတီႈၵုမ်းၵမ်သေ သိုပ်ႇပဵၼ်ပၢင်တိုၵ်းၵၼ်တင်း သိုၵ်းမၢၼ်ႈ ၸိူဝ်းမီးဝႆႉ ပဵၼ်တီႈပဵၼ်ယွမ်ႇ ၼႂ်းဝဵင်းလႃႈသဵဝ်ႈ ဝႃႈၼႆ။