Saturday, July 13, 2024

ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇဝႃႈ တေၸတ်းပၢင်လိူၵ်ႈတင်ႈ ၼႂ်းပီ 2025

Must read

မိူဝ်ႈပၢင်လိူၵ်ႈတင်ႈ ပီ 2020 ၼၼၼ်ႉ ပႃႇတီႇၼူၵ်ႉယုင်း NLD  လႆႈၶႅပ်းၵၢင်ၼမ်လိူဝ်ပိူၼ်ႈသေ ဢွင်ႇပေႉပၢင်လိူၵ်ႈတင်ႈၼႆသေတႃႉ ၾၢႆႇသိုၵ်းမၢၼ်ႈ ၵၢဝ်ႇၼႄးဝႃႈ  ၶႅပ်းၵၢင်ၸႂ် ဢမ်ႇမီးလွင်ႈပူင်ႇသႂ်ၼႆသေ ယိုတ်းဢဝ်ဢႃႇၼႃႇၸိုင်ႈမိူင်းမႃး။

ၼႂ်းၶၢဝ်းတၢင်း ယိုတ်းဢႃႇၼႃႇမႃး 3 ပီပၢႆ ၸွမ်ၸိၵ်းသိုၵ်းမၢၼ်ႈ ၵႆႉတူၵ်ႇလၢတ်ႈဝႃႈ တေၶိုၼ်းၸတ်းႁဵတ်းပၢင်လိူၵ်ႈတင်ႈၼႆသေ ၵူၺ်းၵႃႈ ဢမ်ႇလၢတ်ႈပႃးၶၢဝ်းယၢမ်း တေၸတ်းႁဵတ်းမိူဝ်းလႂ် ၸဵမ်ၸိူဝ်း ၼႆႉ။

- Subscription -

ထိုင်မႃး ဝၼ်းတီႈ 15/06/2024 ၽွင်းၵႂႃႇႁူပ်ႉထူပ်း ၽူႈႁၢပ်ႇၵၢၼ် ၵူႈႁွင်ႈၵၢၼ် တီႈဝဵင်းမိတ်ႉထီႇလႃႇၼၼ်ႉ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ၶိုၼ်းတူၵ်ႇလၢတ်ႈမႃးဝႃႈ လႆႈႁၢင်ႈႁႅၼ်းဝႆႉ တႃႇတေၸတ်းႁဵတ်းပၢင်လိူၵ်ႈတင်ႈ ၼႂ်းပီ 2025 ပီ တေမႃးၼႆႉ ၵွပ်ႈၼၼ်လႄႈ တႄႇဢဝ်လိူၼ်ဢွၵ်ႊထိူဝ်ႊပိူဝ်ႊၼႆႉၵႂႃႇ တေတႄႇၵဵပ်းသဵၼ်ႈမၢႆမုင်ႉႁေႃႁိူၼ်း ၵူၼ်းမိူင်း (လူဦးရေသန်းခေါင် စာရင်း) ယဝ်ႉ – ဝႃႈၼႆ။

ၽူႈထတ်းသၢင် လဵပ်ႈႁဵၼ်း ၵမ်ႈၽွင်ႈလၢတ်ႈဝႃႈ – ယၢမ်းလဵဝ် ပိုၼ်ႉတီႈၼႂ်းမိူင်းမၢၼ်ႈ ၵမ်ႈၼမ် တိုၵ်ႉပဵၼ်ပၢင်တိုၵ်းႁၢဝ်ႈႁႅင်းဝႆႉယူႇလႄႈ တေပႆႇၸၢင်ႈၸတ်းႁဵတ်းပၢင်လိူၵ်ႈတင်ႈ။ ၵူၺ်းၵႃႈ သင်တေဢဝ်ငဝ်းလၢႆးၵၢၼ်မိူင်း ႁဵတ်းၶေႃႈဢၢင်ႈသေ ဢမ်ႇၸတ်းႁဵတ်းပၢင်လိူၵ်ႈတင်ႈၵေႃႈ သမ်ႉတေ တူၵ်းလိုၼ်းႁႅင်း – ဝႃႈၼႆ ။

တေႁဵတ်းႁိုဝ်သေ ၸတ်းႁဵတ်းပၢင်လိူၵ်ႈတင်ႈ ၊ တေၸတ်းပၢင်လိူၵ်ႈတင်ႈ ၼႂ်းပိုၼ်ႉတီႈလႂ်လၢႆလၢႆ ဢၼ်ဝႃႈၼၼ်ႉ ၵေႃႈ ၸွမ်ၸိၵ်းသိုၵ်းမၢၼ်ႈ ဢမ်ႇလႆႈလၢတ်ႈဝႆႉပႃး။

ၸုမ်းလုၵ်ႉၽိုၼ်ႉယိပ်းၵွင်ႈၵၢင်ႇ ၵမ်ႈၽွင်ႈတင်း ၸုမ်းၵႅတ်ႇၶႄၵူၼ်းမိူင်း ဢၼ်ယူႇတႂ်ႈလူင်ပွင်ၸိုင်ႈ ၸိူဝ်ႉၸၢတ်ႈ NUG ၵုမ်းၵမ်တႄႉ ပိုၼ်ၽၢဝ်ႇဝႃႈ – တေႁဵတ်းႁႂ်ႈသိုၵ်းမၢၼ်ႈ ဢမ်ႇၸၢင်ႈၸတ်းပၢင်လိူၵ်ႈတင်ႈ – သိုဝ်ႇၶၢဝ်ႇ RFA ဢွၵ်ႇဝႆႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း