သိုၵ်းၶျၢင်း CNA လႄႈ တပ်ႉၽွမ်ႉႁူမ်ႈ ပိုတ်းယိုဝ်းသိုၵ်းမၢၼ်ႈသေ ယိုတ်းလႆႈ ပၢင်သဝ်းသိုၵ်းမၢၼ်ႈ ဢၼ်မီးတီႈဝဵင်းတုၼ်းၸၢၼ်ႇ ၸႄႈမိူင်းၶျၢင်း။
ဝၼ်းတီႈ 19/05/2024 ၼႆႉ သိုၵ်းၶျၢင်း ယိုတ်းလႆႈ ပၢင်သဝ်း ၵျီႊၶႃး ၶွင်သိုၵ်းမၢၼ်ႈလႄႈ တင်းတပ်ႉ ပၢင်သဝ်းပလိၵ်ႈမၢၼ်ႈ တီႈဝဵင်းတုၼ်းၸၢၼ်ႇၼႆ ၽူႈၶၢၼ်ပၢၵ်ႇ သိုၵ်းၶျၢင်း CNA သလၢႆးထႅတ်ႉၼီႇ လၢတ်ႈၼင်ႇၼႆ။
သိုၵ်းၶျၢင်းၼႆႉ ႁူမ်ႈတင်းသိုၵ်းဢူၺ်းလီသေ ၶဝ်ႈယိုဝ်းတပ်ႉပၢင်သဝ်းသိုၵ်းမၢၼ်ႈ ၼႂ်းဝဵင်းတုၼ်းၸၢၼ်ႇ ၸဵမ်မိူဝ်ႈဝၼ်းတီႈ 17 လိူၼ်မေႊၼႆႉ။
ၵူၼ်းပိုၼ်ႉတီႈတႄႉ ပၢႆႈၽေးသိုၵ်းဝႆႉသေ သိုၵ်းၶျၢင်းၵေႃႈပိုၼ်ၽၢဝ်ႇဝႃႈ တေဢၢၼ်းဢဝ်ဝဵင်းတုၼ်းၸၢၼ်ႇ ႁႂ်ႈလႆႈ ဝႃႈ ၼႆ။
တီႈမိူင်းၶျၢင်းၼႆႉ သိုၵ်းၶျၢင်း CNA – CDF ဢွင်ႇပေႉသိုၵ်းမၢၼ်ႈသေ ယိုတ်းလႆႈဝႆႉ 9 ဝဵင်းယဝ်ႉ။ ဢၼ်ပဵၼ်ဝဵင်းပလႅတ်ႉဝလႄႈ ဝဵင်းသမီး ၼႂ်းမိူင်းၶျၢင်း 2 ဝဵင်းသမ်ႉ သိုၵ်းရၶႅင်ႇ AA ဢွင်ႇပေႉ သိုၵ်း မၢၼ်ႈသေ ယိုတ်းလႆႈဝႆႉ။
ဢၢင်ႈဢိင် – RFA