Saturday, June 22, 2024

မိူင်းၶႄႇ သူင်ႇၼဵင်ႈပွမ် ၶဝ်ႈၶၢႆမိူင်းတႆး – မိူင်းမၢၼ်ႈ

Must read

မိူင်းၶႄႇ သူင်ႇၼဵင်ႈပွမ် ၶဝ်ႈၶၢႆမိူင်းတႆး – မိူင်းမၢၼ်ႈ ႁဵတ်းႁႂ်ႈၸဝ်ႈသူၼ်ၼဵင်ႈမိူင်းတႆး ပဵၼ်ဢၼ်ယၢပ်ႇ ၽိုတ်ႇၵိၼ်းၸႂ်။

ၸဝ်ႈသူၼ်ၼဵင်ႈ ၼႂ်းမိူင်းတႆးပွတ်းႁွင်ႇ လၢတ်ႈတီႈသိုဝ်ႇၶၢဝ်ႇ VOA ဝႃႈ – “ၶၼ်ၼဵင်ႈပွမ် ဢၼ်ၶႄႇသူင်ႇ ၶဝ်ႈမိူင်းတႆး ၼႆႉ ထုၵ်ႇလိူဝ်ၼဵင်ႈႁွမ်မိူင်းတႆး ၶိုင်ႈပၢႆ။ ၼမ်ႉၵိၼ်ၼမ်ႉဝၢၼ်မၼ်းတႄႉ ဢမ်ႇမိူၼ်ၵၼ်။ ၵူၺ်းၵႃႈ ဢၢႆၼဵင်ႈလႄႈ ၾၢင်ႁၢင်ႈတႄႉ မိူၼ်ၵၼ်လီလီ။ လႅပ်ႈပဵၼ်ဝႂ်ဢၼ်မိူၼ်ဝႂ်ၼဵင်ႈ ဢၼ်ဢွၵ်ႇ ၼႂ်းထိူၼ်ႇလိုၵ်ႉၼၼ်ႉမႃး လေႃးဝႆႉ။ ပေႃးတူၺ်းဢဝ်ၵူၺ်းတႄႉ ၸႅၵ်ႇဢမ်ႇလႆႈဝႃႈ ပဵၼ်ဢၼ်ပွမ်ႁႃႉဢၼ်တႄႉ”- ဝႃႈၼႆ။

- Subscription -

ယၢမ်းလဵဝ် ၼဵင်ႈႁႅင်းပွမ်မိူင်းၶႄႇၼႆႉ ဢဝ်မႃးသႂ်ႇထူင် တိတ်းမိၵ်ႈ ၼႂ်းမိူင်းမၢၼ်ႈသေ သူင်ႇၶၢႆတူဝ်ႈမိူင်း သူင်ႇထိုင်ဝဵင်းလူင်တႃႈၵုင်ႈ၊ ဝဵင်းလိူဝ်ႇယဝ်ႉလႄႈ ယူႇတီႈ ၸုမ်းၸဝ်ႈသူၼ်ၼဵင်ႈ ၊ ၸုမ်းၵူၼ်းၵႃႉၼဵင်ႈ မိူင်းတႆး – မိူင်းမၢၼ်ႈ ဢမ်ႇၸၢင်ႈၵုမ်းလႆႈၼဵင်ႈပွမ်ၼႆႉယဝ်ႉ – ၸုမ်းၵူၼ်းၵႃႉၼဵင်ႈ လႅၼ်လိၼ်တႆး – ၶႄႇ လၢတ်ႈၼင်ႇၼႆ။

ၼဵင်ႈပွမ်
Photo Credit – ၼဵင်ႈပွမ်

ဢိင်ၼိူဝ် ၵၢၼ်ၽုၵ်ႇၼဵင်ႈ ၵၢၼ်ၵႃႉၶၢႆၼဵင်ႈ မိူင်းတႆး ဢမ်ႇပေႃးၶႂ်ႈပဵၼ်ၵၢၼ်ယဝ်ႉလႄႈ ၵူၼ်းၼုမ်ႇ ၸဝ်ႈသူၼ်ၼဵင်ႈ မိူင်းတႆးပွတ်းႁွင်ႇ ၵမ်ႈၼမ် ဢွၼ်ၵၼ်ပၢႆႈ ၵႂႃႇႁဵတ်းၵၢၼ်ႁႃၵိၼ်လဵင်ႉတွင်ႉ မိူင်းႁိမ်းႁွမ်း ၼမ်ၼႃႇယဝ်ႉ – ၵူၼ်းမိူင်းတႆးပွတ်းႁွင်ႇလၢတ်ႈၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း