တီႈမိူင်းရၶႅင်ႇ ၸႄႈဝဵင်းမၢၼ်ႇဢွင်ႇၼၼ်ႉ ၽူႈၵွၼ်းပွၵ်ႉယွမ်ႇလၢႆၵေႃႉ ထွၼ်တူဝ်ဢွၵ်ႇၵၢၼ် ယွၼ်ႉပိူဝ်ႈ ဢမ်ႇပၼ်လႆႈသဵၼ်ႈၸိုဝ်ႈၵူၼ်းၼုမ်ႇ ၼင်ႇသိုၵ်းမၢၼ်ႈယွၼ်းမႃး ဝႃႈၼႆ။
သိုၵ်းမၢၼ်ႈသင်ႇဝႆႉဝႃႈ ႁႂ်ႈၽူႈၵွၼ်းပွၵ်ႉယွမ်ႇ ၼႂ်းဝဵင်းမၢၼ်ႇဢွင်ႇ 5 ပွၵ်ႉ လႄႈ 36 ဢိူင်ႇ တေလႆႈသူင်ႇ သဵၼ်ႈၸိုဝ်ႈၵူၼ်းၼုမ်ႇ ၼိုင်ႈပွၵ်ႉၼိုင်ႈၵေႃႉ တင်းမူတ်း 41 ၵေႃႉ ။
သဵၼ်ႈၸိုဝ်ႈၼႆႉ ႁႂ်ႈသူင်ႇပၼ် ၼႂ်းဝၼ်းတီႈ 16 လိူၼ်မၢတ်ႊၶျ်ၼႆႉ ႁႂ်ႈယဝ်ႉတူဝ်ႈၼႆလႄႈ ၽူႈၵွၼ်းပွၵ်ႉယွမ်ႇၼႂ်းဝဵင်းတၢၼ်ႇတွႆးလႄႈ ဝဵင်းမၢၼ်ႇဢွင်ႇ ဢမ်ႇၶႂ်ႈသိုပ်ႇႁဵတ်းၵၢၼ်ထႅင်ႈ ၸင်ႇဝႃႈ ထွၼ်တူဝ်ဢွၵ်ႇ မိူဝ်ႈဝၼ်းတီႈ 18 မၢတ်ႊၶျ် ၼႆႉ တင်းမူတ်း 18 ၵေႃႉ ဝႃႈၼႆ။
သင်ၸိူဝ်ႉမီး လွင်ႈမိပ်ႇငႅၼ်းမႃးထႅင်ႈၸိုင် တေၸၢင်ႈထွၼ်တူဝ်ဢွၵ်ႇထႅင်ႈၼမ်။ ယွၼ်ႉဝႃႈ ၼႂ်းမိူင်းရၶႅင်ႇၼႆႉ သိုၵ်းမၢၼ်ႈလႄႈ သိုၵ်းရၶႅင်ႇ တိုၵ်ႉမီးလွင်ႈၶဵင်ႈၶႅင် ၵၢၼ်သိုၵ်းယူႇ ဝႃႈၼႆ။
ဢၢင်ႈဢိင် – DVB
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ