Monday, May 20, 2024

ဝဵင်းလူင်တူၼ်ႈတီးယဵၼ်ငႅဝ် ယွၼ်ႉသိုၵ်းမၢၼ်ႈၵဵပ်းသိုၵ်း

Must read

ဢိင်ၼိူဝ်သိုၵ်းမၢၼ်ႈၵဵပ်းသဵၼ်ႈၸိုဝ်ႈ ၵူၼ်းဢၼ်တေလႆႈႁၢပ်ႇၵၢၼ်သိုၵ်းၼၼ်ႉသေ တီႈဝဵင်းတူၼ်ႈတီးၵေႃႈ ၵူၼ်းၼုမ်ႇဢွၼ်ၵၼ်ပၢႆႈ၊ ၵူၼ်းမိူင်းဢမ်ႇႁတ်းဢွၵ်ႇႁိူၼ်းယေးတုမ်ႉတိူဝ်ႉၵၢၼ်ၵႃႉၶၢႆ ပႃးၸဵမ်ၵၢၼ်ပိုတ်ႇႁၢၼ်ႉတၢင်းၵိၼ်ၵၢင်ဝဵင်း ဢမ်ႇမီးၵူၼ်းမႃးသိုဝ်ႉၵိၼ်။

ႁၢၼ်ႉၵၢၼ်ၵႃႉၶၢႆ ၵူႈပွၵ်ႈၼိုင်ႈဝၼ်းၶၢႆလႆႈ 10 သႅၼ်ပၢႆ။ ယၢမ်းလဵဝ်ၶၢႆလႆႈ ဝၼ်းမွၵ်ႈ 2 သႅၼ်ၸိူဝ်းၼႆႉၵူၺ်းယဝ်ႉ။ မၢင်ႁၢၼ်ႉၵေႃႈထိုင်တီႈလႆႈပိၵ်ႉႁၢၼ်ႉဝႆႉလူးၵွၼ်ႇဝႃႈၼႆ။

- Subscription -

ၸဝ်ႈႁၢၼ်ႉတၢင်းၵိၼ်ၵၢင်ၶမ်ႈ ၵေႃႉၼိုင်ႈ ဢၼ်ယူႇၵၢင်ဝဵင်းတူၼ်ႈတီး လၢတ်ႈဝႃႈ – ၵွၼ်ႇၼႃႈၼၼ်ႉ လႆႈငိၼ်းဝႃႈတေႁွင်ႉၵူၼ်းမႃးၾိုၵ်းၵၢၼ်သိုၵ်းၼႆၵူၺ်း ၵူၼ်းပေႃးပၢႆႈႁင်းၽႂ်မၼ်းယဝ်ႉ။ ယၢမ်းလဵဝ်တႄႉထိုင်ၸၼ်ႉၸႂ်ႉၵၼ်ၸူၵ်းမႄးလႄႈ ယိင်ႈၶႅၼ်းႁဵတ်းႁႂ်ႈ ၵူၼ်းပိုၼ်ႉတီႈဢမ်ႇႁတ်း ၵႂႃႇမႃးဢွၵ်ႇႁိူၼ်း။ ၾၢႆႇၼိုင်ႈ သိုၵ်းမၢၼ်ႈပလိၵ်ႈမၢၼ်ႈ တမ်းလွင်ႈႁူမ်ႇလူမ်ႈဝႆႉတဵမ်ဝဵင်းလႄႈ ပဵၼ်ဢၼ်လွၵ်ႇငိုတ်ႈၵူၼ်းမိူင်း ဝႆႉဢၼ်ၼိုင်ႈ၊ ဢၼ်တင်ႈၵဵတ်ႉ/လၢၼ်ႇဝႆႉတႃႇသေႇ ပဵၼ်ၵဵတ်ႉ/လၢၼ်ႇတီႈ ပွၵ်ႉလွႆၶမ်း(သူၺ်ႇတွင်ႇ) လႄႈ တင်းပွၵ်ႉၽြႃးၶၢဝ် (ၽယႃးၽိဝ်ႇ) – ဝႃႈၼႆ။

ဢၢင်ႈဢိင် – DVB

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း