Friday, March 1, 2024

မႄႈၶူးမူး (မေႃသွၼ်ႁူၺ်ႈၸွႆး) တေပူၼ်ႉၶၢပ်ႈတူဝ် မိူဝ်ႈၽုၵ်ႈ

Must read

ဝၼ်းတီႈ 6/2/2024 (လိူၼ်ၵမ်လွင်ႈ 12 ၶမ်ႈ) ယၢမ်းဝၢႆးဝၼ်း ယူႇတီႈ လုၵ်ႈလၢၼ် ပီႈၼွင်ႉၸိူဝ်ႉၶိူဝ်းသေ တေပူၼ်ႉၶၢပ်ႈတူဝ် မႄႈထဝ်ႈဢူင်းၺုၼ်ႉ ၵေႃႉပဵၼ်မႄႈၶူးမူး (မေႃသွၼ်ႁူၺ်ႈၸွႆး) တီႈပႃႇႁဵဝ်ႈ ဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆး ပွတ်းၸၢၼ်း။

ၵူၼ်းပိုၼ်ႉတီႈ ဝဵင်းမိူင်းပၼ်ႇ လၢတ်ႈတီႈၽူႈတွႆႇႁွၵ်ႈဝႃႈ – “မိူဝ်ႈၽုၵ်ႈ ယၢမ်းဝၢႆးဝၼ်း တေပူၼ်ႉၶၢပ်ႈတူဝ် မႄႈထဝ်ႈဢူင်းၺုၼ်ႉ ၵႂႃႇယဝ်ႉၶႃႈ။ မႄႈထဝ်ႈတႄႉ လႆႈလူႉသဵင်ႈၵႂႃႇ မိူဝ်ႈဝႃး ယၢမ်းဝၢႆးဝၼ်း 4 မူင်းၶႃႈဢေႃႈ။ ယွၼ်ႉတၢင်းပဵၼ် ၵူၼ်းထဝ်ႈ”- ဝႃႈၼႆ။

- Subscription -
ၶၢပ်ႈတူဝ် မႄႈထဝ်ႈဢူင်းၺုၼ်ႉ
Photo by – ၵူၼ်းပိုၼ်ႉတီႈ/ ၶၢပ်ႈတူဝ် မႄႈထဝ်ႈဢူင်းၺုၼ်ႉ

မႄႈထဝ်ႈ ဢူင်းၺုၼ်ႉ ဢႃယု 93 ပီ လူႉသဵင်းၵႂႃႇ လူၺ်ႈတၢင်းပဵၼ်ၵူၼ်းထဝ်ႈ တီႈႁိူၼ်း ယွမ်ႇ 9 မွၵ်ႇၸၢမ် ပွၵ်ႉတူၵ်း ဝဵင်းမိူင်းပၼ်ႇ ၼႆယဝ်ႉ။

မႄႈထဝ်ႈ ဢူင်းၺုၼ်ႉၼႆႉ ပဵၼ်လုၵ်ႈယိင်း လုင်းဢိင်ႇတႃႇလႄႈ ပႃႈၶမ်းမႃး ၸႃႇတိ ဝၢၼ်ႈၼႃးမွၼ် ဢိူင်ႇတႃႈတေး ဝဵင်းမိူင်း ပၼ်ႇ။ မီးပီႈၼွင်ႉ ႁူမ်ႈတွင်ႉ 4 ၵေႃႉ မိူၼ်ၼင်ႇ – 1) လုင်းတေႃးၼ၊ 2) ပႃႈဢူင်းၺုၼ်ႉ၊ 3) လုင်းပူင်း လႄႈ 4) ပႃႈလႅင် ၼႆ ယဝ်ႉ။

လိူဝ်ၼၼ်ႉ တႄႇၼႃႈႁိူၼ်းၵိုၵ်းၸွမ်း လုင်းၸၢႆးသေ မီးလုၵ်ႈလၢင်း 3 ၵေႃႉ – ပဵၼ် ၸၢႆးမူး (မေႃသွၼ်ႁူၺ်ႈၸွႆး) မေႃႁွင်ႉၵႂၢမ်း တႆး ၵိုၵ်းပိုၼ်းၸိူဝ်ႉၸၢတ်ႈ။ ယဝ်ႉၵေႃႈ ၸၢႆးၼီႉလႄႈ ၸၢႆးမျႃႉဢွင်ႇ။ ၶူးၸၢႆးမူးတႄႉ လူႉသဵင်ႈၵႂႃႇ ၸဵမ်မိူဝ်ႈ 1994 ၽွင်းဢႃယု 34 ပီ တီႈဝၢၼ်ႈလၵ်းတႅင်ႇ ဢိူင်ႇပဵင်းလူင် ဝဵင်းႁႅင် ၸႄႈတွၼ်ႈၵဵင်းမႂ်ႇ ၸိုင်ႈထႆး ၼႆယဝ်ႉ။  

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း