မိူဝ်ႈၼႆႉ ဝၼ်းတီႈ 31/3/2023 ယၢမ်းၸဝ်ႉ ဝၢႆးသုင်းသွမ်းၼႂ်ယဝ်ႉၼၼ်ႉ သင်ႇၶႃႇၸဝ်ႈ 60 တူၼ် ဝတ်ႉၵျွင်းဝၢၼ်ႈဢႅၼ်ႇ ပွၵ်ႉ 2 ဝဵင်းပၢင်လူင် ၸႄႈဝဵင်းလွႆလႅမ် ၵိုင်ႉၵၢင်ႉပဵၼ်ၶီႈႁၢၵ်ႈသွင်ႁူၼ်။
ၵူၼ်းပိုၼ်ႉတီႈလၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈဢေႃႈ ၶိင်ႇၶဝ်သုင်းသွမ်းၼႂ်ယဝ်ႉယဝ်ႉၼၼ်ႉ ဢွၼ်ၵၼ်ပဵၼ်ႁၢၵ်ႈပဵၼ်မဝ်း ပေႃးလႆႈၵႂႃႇၼႄႁွင်ႈယႃ တၢင်းၸၼ်း။ဢၼ်ပဵၼ်ၼႆႉ မွၵ်ႈ 60 ပႃးၼႆႉဢေႃႈ။ ၵမ်ႈၼမ်တႄႉ တေပဵၼ် ၸဝ်ႈသၢင်ႇဢွၼ်ႇ ။ ပဵၼ်ယွၼ်ႉသင်ၼႆ ပႆႇၸၢင်ႈလၢတ်ႈၶႃႈ ။မိူဝ်ႈလဵဝ်တႄႉၵေႃႈ ပႂ်ႉၵူတ်ႇထတ်းတူၺ်းယူႇတီႈ ႁွင်ႈယႃ သေးၶၢၼ်းထွပ်ႊ ပုၼ်ႉၶႃႈဢေႃႈ” – ဝႃႈၼႆ။
ဝတ်ႉဝၢၼ်ႈဢႅၼ်ႇၼႆႉ ယၢၼ်ၵႆၵၼ် ဝဵင်းပၢင်လူင် ၸႄႈတွၼ်ႈလွႆလႅမ် မွၵ်ႈ 1 လၵ်း ၊ သင်ႇၶႃႇၸဝ်ႈ ႁူမ်ႈၵၼ်တင်းသဵင်ႈမီး 100 ပၢႆ။
မိူဝ်ႈဝၼ်းတီႈ 17/6/2019 ၼၼ်ႉၵေႃႈ ၸဝ်ႈသၢင်ႇဢွၼ်ႇ ဢႃယု မွၵ်ႈ 10 ၶူပ်ႇ ထိုင် 18 ၶူပ်ႇ တင်းမူတ်း 22 တူၼ် တီႈ တိူၵ်ႈသွၼ်လိၵ်ႈ(ထမ်း) ဝတ်ႉဝိႁၢရ်ၼမ်ႉသိမ်ႇ ၸႄႈဝဵင်းသီႇပေႃႉ ၵိုင်ႉၵၢင်ႉပဵၼ် တၢင်းပဵၼ် ၶီႈႁၢၵ်ႈသွင်ႁူၼ်သေ လႆႈသူင်ႇ ၶိုၼ်ႈႁူင်းယႃလူင် တီႈဝဵင်းသီႇပေႃႉ ဝႃႈၼႆ။
