မိူဝ်ႈဝၼ်းတီႈ 24/12/2022 ယၢမ်းၵၢင်ၼႂ် 9 မူင်း သိုၵ်းမၢၼ်ႈၼင်ႇၵၼ်ယိုဝ်းၵၼ်ၶိုၼ်း တီႈဝၢၼ်ႈယဵၼ်ႇ ၸေႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း။
ၵူၼ်းဝၢၼ်ႈယဵၼ်ႇၵေႃ့ၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ- “ ၸႂ်ႈဢေႃႈ ၶဝ်ယိုဝ်းၵၼ်ၶိုၼ်းၼႆ။ပဵၼ် တပ့်ၸုမ်း 425 ၶဝ် ယိုဝ်း ၵူၼ်းသိုၵ်းဢၼ်လၵ့်ပၢႆႈဢွၵ်ႇတပ့်ၼႆဝႃႈ။ၵူၼ်းဢၼ်ပၢႆႈၼၼ့် ၺႃးယိုဝ်းတီႈၶႃမၼ်းဢေႃႈ။ၵေႃ့ဢၼ်ပၢႆႈသိုၵ်းၼႆ့ ၶႂ်ႈၵျွင်ႇယႃႈ ၶႂ်ႈလူးယႃႈႁိုဝ်ဢမ်ႇႁူ့။မိူဝ်ႈဝၼ်းသုၵ်းၼၼ့် မၼ်းလမ်းၽၼ်းပိူၼ်ႈၼႂ်း တပ့်သေ လႅၼ်ပၢႆႈၼႆ။ပိူၼ်ႈႁႃမၼ်း တင်းၶိုၼ်းၵေႃႈ ဢမ်ႇႁၼ်ၼႆဢေႃႈ။ၽိူဝ်ႇၵၢင်ၼႂ်မႃး တပ့်ၸုမ်း 425 ၶဝ် မႃးလႄႇႁႃ သမ့်ႁၼ်မႅၼ်ႈမၼ်းမီးၼႂ်းဝၢၼ်ႈလႄႈ ဢၢင်ႈတိမၼ်း မၼ်းသမ့် ႁဵတ်းၶဵၼ်သႂ်ႇပိူၼ်ႈၶိုၼ်းလႄႈ ပိူၼ်ႈယိုဝ်းသႂ်ႇမၼ်းၼႆဢေႃႈ” – ဝႃႈၼႆ။
တပ့်ၸုမ်း 425 ယိုဝ်းသႂ်ႇၵေႃ့ဢၼ်ပၢႆႈသိုၵ်းၼၼ့်သေ တိၺွပ်းသူင်ႇၶိုၼ်းၼႂ်းတပ့်ယဝ့်ဝႃႈၼႆ။
ၵေႃ့ဢၼ်တိၺွပ်းၼၼ့် ပဵၼ်ၽႂ် ၸိုဝ်ႈဝႃႈႁိုဝ် မၢႆတူဝ်သင် ဢၼ်ဝႃႈၼၼ့် ၾၢႆႇ ၸုမ်းၶၢဝ်ႇၽူႈတွႆႇႁွၵ်ႈ တွင်ႈထၢမ်ၵူၼ်းပိုၼ့်တီႈဝႆ့ သေတႃ့ ပႆႇမီးၽႂ်တွပ်ႇလႆႈ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ