ၵူၼ်းၸၢႆးၵေႃ့ၼိုင်ႈ ဢႃယု 35 ပီ ၽႅၼ်ၶေႃး ၶႃႈတူဝ်တၢႆ ၼႂ်းထဵင်ၼႃး ႁိမ်းဝၢၼ်ႈၵွင်းလၢင်း ဢိူင်ႇၶမ်းတိူၼ်း ၸႄႈဝဵင်းသႅၼ်ဝီ ၸိုင်ႈတႆး ပွတ်းႁွင်ႇ။
မိူဝ်းဝႃး ဝၼ်းတီႈ 20/11/2022 ယၢမ်းၵၢင်ၼႂ် 9 မူင်း ၵူၼ်းၸၢႆးၵေႃ့ၼိုင်ႈ ဢႃယု 35 ပီ ၽႅၼ်ၶေႃး ၶႃႈတူဝ်တၢႆ ၼႂ်းထဵင်ၼႃး ႁိမ်းဝၢၼ်ႈၵွင်းလၢင်း ဢိူင်ႇၶမ်းတိူၼ်း ၸႄႈဝဵင်းသႅၼ်ဝီ ၸိုင်ႈတႆး ပွတ်းႁွင်ႇ။
ၸုမ်းၸွႆႈတူင်ႇဝူင်းၵူၼ်း(အနိူင်းမဲ့ကုသိုလ် လူမူကူရေး) ၵေႃ့ၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “ ၸႂ်ႈဢေႃႈ ပဵၼ်မိူဝ်ႈဝႃးၶႃႈဢေႃႈၼၼ့် ပဵၼ်တႆးဢေႃႈ။ တေဝႃႈမႆႈၸႂ်ႈယွၼ့်ၵၢၼ်ႁႃၵိၼ်လဵင့်တွင့်ၼႆၵေႃႈ သမ့်မေႃမႄးရူတ့်ၶိူင်ႈသေဢေႃႈၼၼ့် ။ ပဵၼ်ၵူၼ်းမေႃတိၼ်မေႃမိုဝ်းယူႇလူး။ ၵူၼ်းႁဝ်းၼႆ့ၵေႃႈၼေႃ ဢမ်ႇၸၢင်ႈဝႃႈ မၼ်းမီးလွင်ႈတုၵ့်ၽႂ်တုၵ့်မၼ်းၼေႃႈ။ ၸွင်ႇမၼ်းမီးလုၵ်ႈမီးမေးႁိုဝ်တႄ့ၵေႃႈ ဢမ်ႇႁူ့ၸွမ်းၼင်ႇၵဝ်ႇ ” ဝႃႈၼႆ။
ၵေႃ့ဢၼ် ၶႃႈတူဝ်တၢႆၵႂႃႇၼႆ့ ၸိုဝ်ႈ ၸၢႆးထုၼ်းထုၼ်းဢူး ဢႃယု 35 ပီ ယူႇပွၵ့် 2 ၸႄႈဝဵင်းသႅၼ်ဝီ မိူဝ်လဵဝ်ၾၢႆႇၸုမ်းၸွႆႈတူင်ႇဝူင်းၵူၼ်း(အနိူင်းမဲ့ကုသိုလ် လူမူကူရေး) ဝဵင်းသႅၼ်ဝီ ၸွႆႈဢဝ်ၶၢပ်ႈတူဝ်တၢႆ ၵႂႃႇလုမ်းလႃးသၢင်းၵဵဝ်ႇပၼ်ယဝ့်တူဝ်ႈလီငၢမ်း။
မိူဝ်ႈဝႃး ဝၼ်းတီႈ 20 လိူၼ် Nov ဝၼ်းလဵဝ် ၵူၼ်းၽႅၼ်ၶေႃးတၢႆ ၼႂ်းမိူင်းတႆး မီး 2 ၵေႃ့ ။
ထႅင်ႈၵေႃႉၼိုင်ႈပဵၼ် ထဝ်ႈယိင်း ဢႃယု 60 ပၢႆ ယူႇဝဵင်းတႃႈၶီႈလဵၵ်း မိူင်းတႆးပွတ်းဢွၵ်ႇ ၽႅၼ်ၶေႃးတၢႆတီႈ ၼႂ်းႁိူၼ်းမၼ်းၼၢင်း တီႈဝၢၼ်ႈဢႃးၶေ ပွၵ့်ဝၢၼ်ႈၵွင်း။
ယွၼ့်သင်လႄႈ ၽႅၼ်ၶေႃးတၢႆ ဢၼ်ဝႃႈၼၼ့် ဢမ်ႇမီးၽႂ်ယိုၼ်ယၼ်လၢတ်ႈ။ ၵူၺ်းၵႃႈၼႂ်းပီၼႆႉ ဢိင်ၼိူဝ်ပၢႆးမၢၵ်ႈမီးဢမ်ႇလီ ၵၢၼ်ႁႃၵိၼ်လဵင်ႉတွင်ႉယၢပ်ႇ သေတုမ်ႉယွမ်ႈပၢႆးယူႇပၢႆးၵိၼ်ပႃးၸဵမ်ပၢႆးၸႂ်ၵူၼ်းမိူင်း။ ၸဵမ်မိူင်းတႆး မိူင်းမၢၼ်ႈ ဢိၵ်ႇပႃးတင်းမိူင်းထႆး မီးၵူၼ်းၶႃႈတူဝ်တၢႆမႃးဢမ်ႇထၢတ်ႇ။