ၶူးဝႃးဝုၼ်းၸုမ်ႉ ၺႃႇၼသံဝရ ယေႃးမုၼ်ႁွတ်ႈထိုင် ၸၼ်ႉၸွမ်တူင်ႇၵူၼ်းတႆး ဝဵင်းၵႃလီႉ မိူင်းတႆးပွတ်းၸၢၼ်းသေ တေသိုပ်ႇၶၢဝ်းတၢင်းထႅင်ႈ။

မိူဝ်ႈၼႆႉ ဝၼ်းတီႈ 27/10/2022 ယၢမ်းၵၢင်ၼႂ် ယေႃးမုၼ်ႁွတ်ႈထိုင် တီႈၸၼ်ႉၸွမ်တူင်ႇၵူၼ်းတႆး လွၺ်တႆးလီ ဝဵင်းၵႃလီႉသေ မဵတ်ႉတႃႇတြႃးပၼ်တၵ်ႉၵႃႇသတ်ႉထႃး ၸိူဝ်းမႃးပႂ်ႉ တုင်းႁပ်ႉထွမ်ႇ ၵိုၼ်းၶွၼ်ႈ။

မေႃသွၼ်ႁူင်းႁဵၼ်းၸိူဝ်ႉၸၢတ်ႈလွၺ်တႆးလီ ၵေႃႉၼိုင်ႈလၢတ်ႈတီးၽူႈတွႆႇႁွၵ်ႈဝႃႈ-“ၶူးဝႃးပေႃႈ တေသိုပ်ႇၶၢဝ်းတၢင်း လွႆလႅမ် ပၢင်လူင် ထႅင်ႈၼႆဢေႃႈ မိူဝ်ႈၼႆႉတေႉ ယေႃးမုၼ်မႃးတီႈၵေႃတႆးၼၼ်ႉၶႃႈဢေႃႈ “ဝႃႈၼႆ။

ၵူၼ်းဝဵင်းပၢင်လူင်ၵေႃႉၼိုင်ႈ လၢတ်ႈဝႃႈ ” ၸဝ်ႈၶူးဝႃးတေမႃးတၢင်းႁဝ်းၼႆႉၼႆၶႃႈဢေႃႈမိူဝ်ႈၼႆႉ ယဝ်ႉၵေႃႈ တေယေႃးမုၼ်ၵႂႃႇတၢင်းလၢႆးၶႃႈ မိူင်းၵိုင်ထႅင်ႈၼႆ ဢေႃႈ  ၶႄးတေၵိင်းတီႈ လၢႆးၶႃႈၵူၺ်းႁိုဝ်ဢမ်ႇၸၢင်ႈဝႃႈၶႃႈ “ဝႃႈၼႆ။

ၶူးဝႃးဝုၼ်းၸုမ်ႉ ၺႃႇၼသံဝရ ယေႃးမုၼ်ပွင်သၢင်ႈၵၢၼ်သႃသၼႃ ၼႂ်းၸိုင်ႈတႆး ဝၢႆးလင်ဢွၵ်ႇဝႃႇသႃ
ငိၼ်းၶၢဝ်ႇဝႃႈ မိူဝ်ႈၼႆႉ ၶူးဝႃးၸဝ်ႈ တေယေႃးမုၼ်ၵႂႃႇတၢင်း မိူင်းၵိုင် လၢႆးၶႃႈ ပၢင်လူင် ဝႃႈၼႆ။