Saturday, July 20, 2024

ပီၼႆႉ ၶၼ်မၢၵ်ႇႁူႈလႅင် (သတေႃႊၿႄႊရီႊ) တူၵ်းႁႅင်း ဢမ်ႇပဵၼ်ၵၢၼ် ၸဝ်ႈသူၼ်ၼႂ်းမိူင်းတႆး ယၢပ်ႇၽိုတ်ႇ

Must read

ပီၼႆႉ ၸဝ်ႈသူၼ်မၢၵ်ႇႁူႈ(သတေႃႊၿႄႊရီႊ) ပွၵ့်ႁူဝ်ပူင်း မီးၸိူဝ်ႉၽၼ်းမႂ်ႇ လုၵ်ႈယႂ်ႇမႃးၶၢႆၼမ်လိူဝ်ပီၵၢႆသေတႃႉ ဢမ်ႇမီးၵူၼ်းသိုဝ်ႉၼမ် ႁဵတ်းႁႂ်ႈၸဝ်ႈသူၼ်သုမ်း။

- Subscription -

ၵဵဝ်ႇၵပ်းလွင်ႈၼႆႉ ယူႇတီႈၸဝ်ႈသူၼ် မၢၵ်ႇႁူႈ ၵေႃႉၼိုင်ႈတႄႉလၢတ်ႈဝႃႈ “ ႁဝ်းၶႃႈ ပဵၼ်ၸဝ်ႈသူၼ် ၵူၼ်းၽုၵ်ႇမၼ်း ၼႆ လႆႈပၼ်ၶၢဝ်းယၢမ်းလုမ်းလႃးလီလီ ပီၼႆႉသမ်ႉ ၶၼ်မၢၵ်ႇႁူႈဢမ်ႇပဵၼ်ၵၢၼ် လူတ်းလူင်းႁႅင်း တေလႆႈဝႃႈ ပီ ၼႆႉ သုမ်းပႃးတိုၼ်းလၢင်းထႅင်ႈလူးၵွၼ်ႇ။ လိူဝ်ၼၼ်ႉ တုမ်ႉတိူဝ်ႉပႃး ၵၢၼ်ၵိၼ်ယူႇၼႂ်းႁိူၼ်း ပီၵၢႆ မၢၵ်ႇႁူႈ ၼိုင်ႈသွင်းလႂ် 2500 ပျႃး ပီၼႆႉ ၼိုင်ႈသွင်းလႂ် 1500 ပျႃး ၵူၺ်းၵေႃႈ ဢမ်ႇမီးၵူၼ်းသိုဝ်ႉ” ဝႃႈၼႆ။

ၽွင်းၶၢဝ်းမၢၵ်ႇႁူႈတိုၵ်ႉပူင်ႇၼၼ်ႉတႄႉ ၵႃႈၶၼ်ယင်းလႆႈသုင်ယူႇ။ ထိုင်မႃး ၶၢဝ်းမႆႈၼႆႉ ၵႃႈၶၼ်မၢၵ်ႇႁူႈ လူတ်းလူင်းႁႅင်းတႄႉတႄႉ၊ ယွၼ်ႉပိူၼ်ႈၾိင်ႈၾႃႉၵေႃႈမႆႈႁႅင်း မၢၵ်ႇမၼ်းဝႆႉႁိုင် ဢမ်ႇလႆႈၸဵဝ်းၼဝ်ႈသေ ဢမ်ႇၵႃး ထႅင်ႈၾၢႆႇၼိုင်ႈၵေႃႈ ဢမ်ႇမီးၵူၼ်းႁပ်ႉသိုဝ်ႉ ၵႂႃႇၶၢႆတၢင်ႇတီႈ ၵေႃႈပႃး ဝႃႈၼႆ။

ၼႂ်းမိူင်းတႆးၼႆႉ မၢၵ်ႇႁူႈ ၽုၵ်ႇၼမ်သေပိူၼ်ႈ ပဵၼ်ၼႂ်းၸႄႈဝဵင်းတူၼ်ႈတီး ႁူဝ်ပူင်း။ လိူဝ်ၼၼ်ႉ တီႈဝဵင်းပၢင်ႇဢူႈလူင်ၵေႃႈ ၵႃႈၶၼ်မၢၵ်ႇႁူႈလႅင် ထုၵ်ႇလိူဝ်ႁႅင်း ၼင်ၵဝ်ႇ ဝႃႈၼႆ။

မၢၵ်ႇႁူႈ(သတေႃႊၿႄႊရီႊ)ၼႆႉ ၵမ်ႈၼမ် တေၽုၵ်ႇၼႂ်းလိူၼ်ၵဝ်ႈ တင်း လိူၼ်သိပ်း ပေႃးထိုင်မႃး ၼႂ်းလိူၼ်သၢမ်လိူၼ် သီႇၼႆ ပဵၼ်ၶၢဝ်းမၢၵ်ႇႁူႈဢွၵ်ႇလႄႈ ပဵၼ်ၶၢဝ်း ဢဝ်ဢွၵ်ႇၶၢႆယဝ်ႉ ဝႃႈၼႆ။

ၶေႃႈမုလ်း DVB

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း