Friday, February 23, 2024

သိုၵ်းမၢၼ်ႈယိုဝ်းၵူၼ်းၼုမ်ႇတၢႆၵေႃႉၼိုင်ႈ တီႈတူၼ်ႈတီး

Must read

မိူဝ်ႈဝႃး ဝၼ်းတီႈ 29 လိူၼ်သႅပ်ႉထႅမ်ႇပိူဝ်ႇ ယၢမ်းၵၢင်ၼႂ် သိုၵ်းမၢၼ်ႈ ယိုဝ်းၵူၼ်းၼုမ်ႇတၢႆၵေႃႉၼိုင်ႈတီႈၼိူဝ်သဵၼ်ႈတၢင်း တူၼ်ႈတီး – ဢေးတႃႇယႃႇ ။

သိုၵ်းမၢၼ်ႈ

ၵူၼ်းၼုမ်ႇၵေႃႉထုၵ်ႇယိုဝ်းတၢႆၼႆႉ ပဵၼ်ၵူၼ်းယူႇတီႈပွၵ်ႉထူင်းၽူဝ်ႇ ဝဵင်းဢေးတႃႇယႃႇ  ဝဵင်းလူင်တူၼ်ႈတီး။ မၼ်းၸၢႆး တေၵႂႃႇႁဵတ်းၵၢၼ်တီႈ ဝဵင်းတူၼ်ႈတီးသေ ၺႃးသိုၵ်းမၢၼ်ႈယိုဝ်းတၢႆ။

- Subscription -

ၵူၼ်းတူၼ်ႈတီးၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “သဵင်ၵွင်ႈၶဝ်ဢွၵ်ႇ 3 ၵမ်းၵူၺ်း။ ပေႃးၽူႈၸၢႆးၼၼ်ႉတၢႆယဝ်ႉၵေႃႈ သိုၵ်းမၢၼ်ႈဢဝ်တူဝ်တၢႆၼၼ်ႉတၢင်ႇၵႃးသိုၵ်းၶဝ်ၵႂႃႇသေယဝ်ႉဢေႃႈ။  ”-ဝႃႈၼႆ။

လုၵ်ႇဢွၼ်ႇၸၢႆးၵေႃႉၼၼ်ႉ ပဵၼ်ၵူၼ်းႁဵတ်းၵၢၼ်ၵေႃႇသၢင်ႈ ။ ယွၼ်ႉသင်လႄႈ သိုၵ်းမၢၼ်ႈယိုဝ်းၼႆၼၼ်ႉတႄႉ ယင်းပႆႇလႆႈႁူႉလွင်ႈႁူႉတၢင်းတႅတ်ႈတေႃး။ တေႃႇထိုင်ယၢမ်းလဵဝ် တူဝ်တၢႆမၼ်းၸၢႆးၵေႃႈ သိုၵ်းမၢၼ်ႈပႆႇဢဝ်မိူဝ်းသူင်ႇ ၶိုၼ်းပေႃႈမႄႈၵူၼ်းႁိူၼ်းၶိုၼ်း လႆႈႁူႉၼင်ႇၼႆ။

ဝၢႆးလင်သိုၵ်းမၢၼ်ႈယိုတ်းမိူင်းမႃးၼႆႉ ၵူၼ်းၼုမ်ႇၵူၼ်းမိူင်း ၵႆႉၵႆႉ ၺႃးယိုဝ်းတၢႆ။ တၢင်းထုင်ႉ ဢေးတႃႇယႃႇ- ယွင်ႁူၺ်ႈ – မိူင်းပၢႆး-ၾၢႆၶုၼ်ၼႆႉ မီးသိုၵ်းၵႅတ်ႇၶႄၵူၼ်းမိူင်း (သိုၵ်းၵူၼ်းၼုမ်ႇ) တူင်ႉၼိုင်ၸွမ်းၽႅၼ်ၵၢၼ် ၵႂၢတ်ႇလၢင်ႉယိုဝ်းသိုၵ်းမၢၼ်ႈ ၸဝ်ႈဢႃႇၼႃႇ။ သိုၵ်းမၢၼ်ႈၵေႃႈၵႆႉၵႆႉမီးလွင်ႈထၢင်ႇထိူမ်သေ ၵႆႉၵႆႉယိုဝ်းၵူၼ်းၼုမ်ႇတၢႆ။  

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း