ၵူၼ်းဝၢၼ်ႈလွႆမေႃး ဝဵင်းလွၵ်ႉၸွၵ်ႇ ၽိတ်းမေႃးထဵင်ၵၼ် ႁၢဝ်ႈႁႅင်းသေ ထိုင်တီႈဢဝ်မိတ်ႈ တႅင်းၵၼ်တၢႆ ၵေႃႉၼိုင်ႈ။
ပူၼ်ႉမႃး မိူဝ်ႈဝၼ်းတီႈ 14/9/2022 ယၢမ်းဝၢႆးဝၼ်း ၵူၼ်းဝၢၼ်ႈလွႆမေႃး ၸႄႈဝဵင်းလွၵ်ႉၸွၵ်ႇ ၸႄႈတွၼ်ႈတူၼ်ႈတီး ၸိုင်ႈ တႆး ပွတ်းၸၢၼ်း ၽိတ်းမေႃးထဵင်ၵၼ်သေ ထိုင်တီႈ ပေႃးလႆႈဢဝ်မိတ်ႈတႅင်းၵၼ်တၢႆ ၽူႈၸၢႆး ဢႃယု 60 ပၢႆ ၵေႃႉၼိုင်ႈ ၼႆ ယဝ်ႉ။
ၵူၼ်းဝဵင်းလွၵ်ႉၸွၵ်ႇ လၢတ်ႈတီႈၽူႈတွႆႇႁွၵ်ႈဝႃႈ – “ပၼ်ႁႃမၼ်းၼႆႉ ပဵၼ်ၼႆ ၽူႈၸၢႆးသွင်ၵေႃႉ ၽိတ်းမေႃးၵၼ်သေ ၵေႃႉၼိုင်ႈ ဢဝ်မိတ်ႈတႅင်းသႂ်ႇ ထဝ်ႈၸၢႆး ဢႃယု မွၵ်ႈ 62 ပီ လူႉတၢႆထင်တီႈ။ ပဵၼ်ၵူၼ်းဝၢၼ်ႈလွႆမေႃး ၼင်ႇၵၼ်ၶႃႈ။ ယွၼ်ႉသင်လႄႈ ထိုင်တီႈပေႃးလႆႈတႅင်းၵၼ်တၢႆတႄႉ ဢမ်ႇလႆႈႁူႉၸွမ်း လွင်ႈတၢင်းႁူဝ်ယွႆႈမၼ်းၶႃႈ”- ဝႃႈၼႆ။
ဢိင်ၼိူဝ် လွင်ႈၼႆႉ မိူဝ်ႈဝၼ်းတီႈ 14 ယၢမ်းႁူဝ်ၶမ်ႈၼၼ်ႉ ယူႇတီႈ ၸုမ်းၸွႆႈထႅမ် ပရႁိတ ဝဵင်းလွၵ်ႉၸွၵ်ႇ လႆႈမႃးႁပ်ႉတူဝ်တၢႆ ထဝ်ႈၸၢႆး ဢႃယု 60 ပၢႆၼၼ်ႉ ၵႂႃႇပူၼ်ႉၶၢပ်ႈတူဝ်သေ ၼႂ်းဝၼ်းၼၼ်ႉၵူၺ်း ၼင်ႇၵဝ်ႇ ပလိၵ်ႈ ၶဝ်ႈတီႉၺွပ်း ၵူၼ်းၵေႃႉတႅင်း ၼၼ်ႉ ၵႂႃႇၵုမ်းၶင် ၵမ်းလဵဝ်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ