Thursday, March 28, 2024

ၵူၼ်းပၢႆႈၽေးသိုၵ်း ႁွတ်ႈၽႅဝ် ဝဵင်းသီႇပေႃႉ ႁိမ်း 100

Must read

ၵူၼ်းမိူင်း ႁိမ်း 100 ဢွၼ်ၵၼ်ပၢႆႈၽေးသိုၵ်း မႃးသွၼ်ႈဝႆႉတီႈဝတ်ႉဝိႁၢရ်လူင်မေႃႇၵိူဝ် ၸႄႈဝဵင်းသီႇပေႃႉ ယွၼ်ႉသိုၵ်း TNLA တင်း RCSS ၶဵင်ႈၶႅင်ၵၢၼ်သိုၵ်းၵၼ် ဝႃႈၼႆ။

ၵူၼ်းပၢႆႈၽေးတီႈသီႇပေႃႉ

ဝၼ်းတီႈ 21/03/2018 ယၢမ်းဝၢႆးဝၼ်း 13:40 မူင်းပၢႆၼၼ်ႉ ၵူၼ်းမိူင်း မၢၼ်ႈလွႆ ဢိူင်ႇဢူမ်မူႉ ၸႄႈဝဵင်းသီႇပေႃႉ ၵူၼ်းၸၢႆး 36 ၵေႃႉ၊ ၼၢင်းယိင်း 48 ၵေႃႉ ႁူမ်ႈ 84 ၵေႃႉ ဢွၼ်ၵၼ်ပၢႆႈၽေးသိုၵ်း မႃးသွၼ်ႈဝႆႉတီႈဝတ်ႉဝိႁၢရ်လူင် မေႃႇၵိူဝ်ႇ/ ၵျွင်းမေႃႇ ၼႂ်းၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ဝႃႈၼႆ။

- Subscription -
ၵူၼ်းပၢႆႈၽေးတီႈသီႇပေႃႉ

ၵူၼ်းဝဵင်းသီႇပေႃႉ ဢၼ်ၸွႆႈထႅမ်ၵူၼ်းပၢႆႈၽေးသိုၵ်း လၢတ်ႈတီႈၽူႈတွႆႇႁွၵ်ႈဝႃႈ “ ၵူၼ်းပၢႆႈၽေးပၢႆႈႁွတ်ႈမႃး တီႈဝတ်ႉ ၵျွင်းမေႃႇတႄႉ ပဵၼ်ယၢမ်းဝၢႆးဝၼ်း ႁိမ်း 2 မူင်း၊ ၵူၼ်းဢၼ်ပၢႆႈၽေးမႃးၸိူဝ်းၼႆႉ ပဵၼ်ၼႂ်း ၸႄႈဝဵင်းသီႇပေႃႉ ႁဝ်း ၵူၺ်းၼင်ႇၵဝ်ႇ။ ယူႇတီႈၸုမ်းပရႁိတ ၵႂႃႇၸွႆႈတေႃႉမႃး” ဝႃႈၼႆ။

ၵူၼ်းပၢႆႈၽေးတီႈသီႇပေႃႉ

ၵဵဝ်ႇၵပ်းလွင်ႈၼႆႉ ယွၼ်ႉသိုၵ်း TNLA တင်း RCSS/SSA ၶဵင်ႈၶႅင်ၵၢၼ်သိုၵ်း တၢင်းပွတ်းမိူင်းၵူင်း လႅၼ်ၶၢမ်ႈ သီႇပေႃႉ တင်း ၼမ်ႉသၢၼ်ႇ ဝႃႈၼႆ။

တႄႇဢဝ်ဝၼ်းတီႈ 10 လိူၼ်ၼႆႉမႃး သိုၵ်း TNLA တင်း RCSS/SSA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်း ၼမ်ႉတူႈ တင်း ၸႄႈဝဵင်းၵျွၵ်ႉမႄး၊ ႁဵတ်းႁႂ်ႈၵူၼ်းမိူင်း ၼႂ်းပိုၼ်ႉတီႈ ဢွၼ်ၵၼ်ပၢႆႈၽေးသိုၵ်း ၼပ်ႉႁူဝ်ႁဵင် ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း