မိူဝ်ႈၼႆႉ ဝၼ်းတီႈ 3/1/2022 ယၢမ်းၵၢင်ၼႂ် မွၵ်ႈ 3 မူင်းပၢႆ သိုၵ်းမၢၼ်ႈလႄႈ သိုၵ်းၵႅတ်ႇၶႄၵူၼ်းမိူင်း PDF ပဵၼ်ပၢင်တိုၵ်းၵၼ်ႁၢဝ်ႈႁႅင်း တီႈႁိမ်းဝၢၼ်ႈႁၢႆးၵုၼ် ဝဵင်းမိူင်းပၢႆး ၸႄႈတွၼ်ႈတူၼ်ႈတီး ၸိုင်ႈတႆး ပွတ်းၸၢၼ်း ၸၢၵ်ႇမၢၵ်ႇလူင်တူၵ်းတိူဝ်ႉသႂ်ႇႁိူၼ်းလႄႈတိူဝ်ႉၺႃး ၼၢင်းယိင်း ဢႃယု 40 ပၢႆ ၵေႃႉၼိုင်ႈ မၢတ်ႇၸဵပ်းႁၢဝ်ႈႁႅင်း။
ၵူၼ်း မိူင်းပၢႆး လၢတ်ႈတီႈၽူႈတွႆႉႁွၵ်ႈဝႃႈ – “ၸႂ်ႈၶႃႈဢေႃႈ ၸၢၵ်ႇမၢၵ်ႇတိူဝ်ႉၺႃး တီႈပဵမ်ႉလႄႈ တီႈၶႃ မၼ်းၼၢင်း။ ယၢမ်းလဵဝ် လႆႈသူင်ႇယူတ်းယႃတူဝ်ဝႆႉတီႈ ႁူင်းယႃဝဵင်းလွႆၶေႃဝႆႉၶႃႈ။ ၸုမ်းၸွႆႈထႅမ်ဢဝ်ၵႃး မႃးႁပ်ႉဢဝ်တူဝ်မၼ်းၼၢင်း သူင်ႇၵႂႃႇတီႈႁူင်းယႃဝႆႉၶႃႈဢေႃႈ”- ဝႃႈၼႆ။
မိူဝ်ႈၽွင်း ပဵၼ်ပၢင်တိုၵ်းၵၼ်ယူႇၼၼ်ႉ ၵူၼ်းဝၢၼ်ႈႁၢႆးၵုၺ် ဢွၼ်ၵၼ်ပၢႆႈဢွၵ်ႇဝၢၼ်ႈသေ ၵႂႃႇမူၵ်းယူႇဝႆႉ ၸွမ်းၼႂ်းထိူၼ်ႇ ဝႃႈၼႆ။
