Thursday, March 28, 2024

သိုၵ်းမၢၼ်ႈ သွၵ်ႈတဝ် ဢဝ်ႁူမ်ႇလူမ်ႈပၼ် ၽူႈၵွၼ်းတိူင်းသိုၵ်း ၶူဝ်လမ်လူင်းပိုၼ်ႉတီႈ ၵူၼ်းမိူင်းတူၵ်းၸႂ်တိုၼ်ႇသၢၼ်ႈ

Must read

ၽူႈၵွၼ်းတိူင်းသိုၵ်း ၶူဝ်လမ် ၵေႃ့မႂ်ႇ လူင်းပိုၼ်းတီႈၵူတ်ႇထတ်း တၢင်းပွတ်းတႃႈသၢင်း ၼမ်ႉၶူင်း ၼႂ်းၵႄႈ မိူင်းပၼ်ႇမိူင်းတူၼ် တႃႇၶၢဝ်းတၢင်း 2 ဝၼ်း  သိုၵ်းမၢၼ်ႈထႅမ်ႁႅင်းသိုၵ်းဢဝ်ႁူမ်ႇလူမ်ႈ ႁွၼ်ႈထဝ်ႇသွၵ်ႈတဝ်  ပိုၼ့်တီႈ   ႁဵတ်းႁႂ် ၵူၼ်းမိူင်းထုင်ႉမိူင်းပၼ်ႇ ဢွၼ်ၵၼ်တူၵ်းၸႂ်   ၵူဝ် ပဵၼ်ပၢင်တိုၵ်း ဝႃႈၼႆ။

Photo by – ၵူၼ်းမိူင်းပၼ်ႇ/ ပၢႆႉၶဝ်ႈဢွၵ်ႇဝဵင်းမိူင်းပၼ်ႇ

ဝၼ်းတီႈ 14-15 လိူၼ်သႅပ်ႊထႅမ်ႊထိူဝ်ႊ 2021 ၼႆ့ ၸွမ်ႁၢၼ် လႃ့ဢူး ၽူႈၵွၼ်းတိူင်းသိုၵ်း ၶူဝ်လမ် ၵေႃ့မႂ်ႇ လူင်းပိုၼ့်တီႈ ၵူတ်ႇထတ်း တၢင်းပွတ်း တႃႈသၢင်း ၸႄႈဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း တႃႇၶၢဝ်းတၢင်း 2 ဝၼ်း၊  ၶွင်ႇသီႇသိုၵ်းမၢၼ်ႈ  ၸႂ်ႉဢဵၼ်ႁႅင်းၼမ် ဢဝ် ႁူမ်ႇလူမ်ႈ  ၸွမ်းသဵၼ်ႈတႃႈသၢႆတၢင်း   ၵူတ်ႇထတ်း ပိုၼ့်တီႈႁၢဝ်ႈႁႅင်းသေ ႁဵတ်းႁႂ်ႈ ၵူၼ်း ပိုၼ့်တီႈ ပွတ်းမိူင်းလၢင်းၶိူဝ်း၊ မိူင်းပၼ်ႇ  ဢွၼ်ၵၼ်တူၵ်းၸႂ် ၵူဝ်ၶဝ်ႁူပ်ႉၸုၼ်ႁိုၵ်ႉၺႃးၵၼ်သေ ပဵၼ်ပၢင်တိုၵ်း ၼႆယဝ့်။

- Subscription -

ၽူႈၸၢႆးၼုမ်ႇ ၵူၼ်းမိူင်းပၼ်ႇ ၵေႃ့ၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“ၼႂ်းၶၢဝ်းတၢင်း 2-3 ဝၼ်းမႃးၼႆ့ ၶႂ်ႈသုၵ့်သၵ်းဝႆ့ဢိတ်းၼိုင်ႈ။ သိုၵ်းမၢၼ်ႈ ၶဝ်ဝႃႈ ၵူၼ်းၶဝ်ႁၢႆၼႆသေ သွၵ်ႈတဝ် ၸွမ်းပိုၼ့်တီႈ ၸွမ်းသၢႆသဵၼ်ႈတၢင်း ၶူဝ်လမ် – လၢင်းၶိူဝ်း – မိူင်းၼၢႆး – မိူင်းပၼ်ႇ ထိုင်တႃႈသၢင်ႈ ၸိူဝ်းၼႆ့။ ၸွမ်းသဵၼ်ႈတၢင်းၼၼ့် ပဵၼ်သိုၵ်းၶဝ် ပႂ့်ဝႆ့ပဵၼ်တီႈ။ ၵူၼ်းမိူင်းတႄ့ ဢွၼ်ၵၼ်တူၵ်းၸႂ်ၶႃႈဢေႃႈ ၵူဝ်ပဵၼ်ပၢင်တိုၵ်း။ တီႈတႄ့ မၼ်း ဢမ်ႇၸႂ်ႈၸိူင့်ၼၼ် ယွၼ့်ၽူႈၵွၼ်းတိူင်းသိုၵ်းၶဝ် မႃးလူင်းပိုၼ့်တီႈၵူတ်ႇထတ်းၵူၺ်း”- ဝႃႈၼႆ။

  ၽူႈၵွၼ်းတိူင်းသိုၵ်းၶူဝ်လမ် ၵေႃႉမႂ်ႇ ၸွမ်ႁၢၼ် လႃ့ဢူးၼႆ့ လုၵ်ႉဝဵင်းလႃႈသဵဝ်ႈ တိုၵ်ႉၶၢႆႉမႃးပႆႇႁိုင်။ ၵွပ်ႈၼၼ်လႄႈ မၼ်းၸၢႆးလူင်းပိုၼ့်တီႈ ၵူတ်ႇထတ်းတၢင်းပွတ်းတႃႈသၢင်း ၶၢဝ်းတၢင်း 2 ဝၼ်း၊ မႃးၵိုတ်းလိုဝ်ႈၼွၼ်းတီႈ မိူင်းပၼ်ႇ 2 ၶိုၼ်း ထိုင်မႃး ဝၼ်းတီႈ 15/9/2021 ယၢမ်းၸဝ့် ၸင်ႇၶိုၼ်းလုၵ့်မိူင်းပၼ်ႇ ပွၵ်ႈၶိုၼ်းၶူဝ်လမ် လႆႈႁူႉၼင်ႇၼႆ။

“ၽူႈၵွၼ်းတိူင်းသိုၵ်း ၵေႃ့မႂ်ႇၼႆ့ မၼ်းမႃးၼွၼ်းတီႈမိူင်းပၼ်ႇ 2 ၶိုၼ်းသေ ထိုင်မႃး ဝၼ်းတီႈ 15 ယၢမ်းၵၢင်ၼႂ် လုၵ့်ၸဵမ်ၸဝ့် ပွၵ်ႈမိူဝ်း ၶိုၼ်းယဝ့်။ ယၢမ်းလဵဝ်ၼႆ့ ၸွမ်းသဵၼ်ႈတၢင်း ၸိူဝ်းသိုၵ်းမၢၼ်ႈ ဢဝ်ႁူမ်ႇလူမ်ႈ တူင့်ၼိုင်ယူႇဝႆ့ၸိူဝ်းၼၼ့်တႄ့ ထွႆၵၼ်ၵမ်ႈၼမ်ယဝ့်။ ၵူၺ်းၵႃႈ လူဝ်ႇပႂ့်တူၺ်းငဝ်းလၢႆး မၼ်းယူႇ ဝႃႈတေပဵၼ်မႃးၸိူင့်ႁိုဝ် ၼႂ်းၶၢဝ်းတၢင်းဝၼ်းသွင်ဝၼ်းၼႆ့။ ”-  ၵူၼ်းပိုၼ့်တီႈ မိူင်းပၼ်ႇ သိုပ်ႇ လၢတ်ႈၼႄထႅင်ႈ ၼင်ႇၼႆ။

ဢၼ် ဢဝ်ႁူမ်ႇလူမ်ႈ ၼႂ်းပိုၼ့်တီႈၼႆႉ ပဵၼ်သိုၵ်းမၢၼ်ႈ  တပ့်မွၵ်ႇမႆႇ မႃးတူင့်ၼိုင် ၸွမ်းသဵၼ်ႈတၢင်းလူင် ၶူဝ်လမ် – လၢင်းၶိူဝ်း – တပ်ႉလၢင်းၶိူဝ်း – မိူင်းၼၢႆး သမ်ႉၶိုၼ်ႈ မိူင်းပၼ်ႇ – ၵူၼ်းလၢင်းၶိူဝ်း လၢတ်ႈၼင်ႇၼႆ။

ၼႂ်းၶၢဝ်းတၢင်း ဝၼ်းသွင်ဝၼ်းမႃးၼႆ့ လႆႈႁၼ်ႁိူဝ်းမိၼ် ၶွင်ႇသီႇသိုၵ်းမၢၼ်ႈ ယိုတ်းမိူင်း ပၼ်ႇလဵပ်ႈတၢင်းမိူင်းပၼ်ႇ လၢင်းၶိူဝ်း ၸိူဝ်းၼႆ့ လၢႆလၢႆၵမ်း ဢမ်ႇႁူ့ဝႃႈ မီးလွင်ႈသင် လႄႈ  ၵူၼ်းမိူင်းတူၵ်းၸႂ်။ ၾၢႆႇၼိုင်ႈသမ်ႉပဵၼ်ၶၢဝ်းယၢမ်းဢၼ် NUG ပိုၼ်ၽၢဝ်ႇ ပိုတ်ႇၼႃႈသိုၵ်းတေႃႇၸုမ်းသိုၵ်းမၢၼ်ႈဝႆႉ ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း