သိုၵ်းပဢူဝ်း PNO ႁူမ်ႈၵၼ်တင်း ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ယိုဝ်းတပ်ႉသိုၵ်းယၢင်းလႅင် ၼႂ်းၸိုင်ႈတႆးပွတ်းၸၢၼ်း ၾၢႆႇ PNO လႆႈလူႉတၢႆ 4 ၵေႃႉ ဝႃႈၼႆ။
မိူဝ်ႈဝၼ်းတီႈ 23/5/2021 ယၢမ်းၵၢင်ၶမ်ႈ သိုၵ်းပဢူဝ်း PNO တင်း ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ ႁူမ်ႈၵၼ် ယိုဝ်းသိုၵ်းယၢင်း လႅင် တီႈဝၢၼ်ႈၸဝ်ႈၼၢင်းသိူဝ်(ဆောင်နန်းခဲကျေးရွာ) ဢၼ်မီးတၢင်းၾၢႆႇဢွၵ်ႇ ဝဵင်းၾၢႆၶုၼ် (ဖယ်ခုံအင်း အရှေ့ဖက်ခြမ်း) ၸိုင်ႈတႆး ပွတ်းၸၢၼ်းၼၼ်ႉ တၢင်းၾၢႆႇ သိုၵ်းပဢူဝ်း PNO လႆႈလူႉတၢႆ 4 ၵေႃႉ ၼႆယဝ်ႉ။
ၵူၼ်းပွတ်းၾၢႆၶုၼ် လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ ပဵၼ်လွင်ႈတႄႉၶႃႈ လႆႈငိၼ်းဝႃႈ သိုၵ်းပဢူဝ်းလႆႈ လူႉတၢႆ 4 ၵေႃႉၼႆၶႃႈ။ ၶဝ်ၵႂႃႇၸွႆႈသိုၵ်းမၢၼ်ႈ ယိုဝ်းၼႆၶႃႈ”- ဝႃႈၼႆ။
တၢင်းၾၢႆႇသိုၵ်းပဢူဝ်း PNO ဢၼ်လႆႈလူႉတၢႆ ၵႂႃႇ 4 ၵေႃႉၼၼ်ႉသမ်ႉ ပဵၼ်သြႃႇလ/တသၢၼ်း (ဆရာလ/ တဆန်း)၊ ၶုၼ်ႇတထိပ်ႉ/ ခွန်တထစ် လႄႈ ဢိၵ်ႇထႅင်ႈ 2 ၵေႃႉ ဝႃႈၼႆ။
သြႃႇလႃး/ တသၢၼ်း(ဆရာလ/ တဆန်း) ဢၼ်လႆႈလူႉတၢႆၵႂႃႇၼၼ်ႉ ပဵၼ်ၽူႈယႂ်ႇ ၼႂ်းၸုမ်းတပ်ႉသိုၵ်းၵေႃႉၼိုင်ႈ ၵူၼ်း ပိုၼ်ႉတီႈလၢတ်ႈ။
ယၢမ်းလဵဝ်ၼႆႉ ပဵၼ်ၽွင်းၵူၼ်းမိူင်း/ ၵူၼ်းၼုမ်ႇ ၼႂ်းမိူင်းႁူမ်ႈတုမ် ပတ်းပိုၼ်ႉ ၵမ်ႈၼမ် ဢွၼ်ၵၼ်ဢွၵ်ႇၼႄၵၢင် သၢၼ် ၶတ်းတေႃႇ ၶွင်ႇသီႇသိုၵ်းမၢၼ်ႈ မိူၵ်ႈမႂ်ႈ မႃးယူႇၶိူဝ်းယႂ်း တင်ႈတႄႇ ယိုဝ်းဢႃႇၼႃႇ ၸိုင်ႈမိူင်းမႃး မိူဝ်ႈဝၼ်းတီႈ 1/2/2021 ၼၼ်ႉ တေႃႇထိုင်ယၢမ်းလဵဝ် ဢမ်ႇၵိုတ်းဢမ်ႇလိုဝ်ႈ ၼႆယဝ်ႉ။
